Şair, tərcüməçi Səlim Babullaoğlu Leopold Sedar Senqor Akademiyasının üzvlük diplomu ilə təltif olunub.
Kulis.az xəbər verir ki, bu barədə o, feysbuk səhifəsində məlumat verib:
"Bunu mənə az əvvəl göndərdilər. Belə başa düşdüm ki, 2023-cü ildə baş verib bu hadisə. Seneqal şairi, filosof və siyasətçisi, “Afrika ruhu” nəzəriyyəsinin banilərindən biri, XX əsr Afrika intellektuallarından sayılan, panafrikanizmin, beynəlxalq sosial-demokratiya hərəkatı sağ qanadının görkəmli təmsilçilərindən olan Seneqal və Maliyə rəhbərlik etmiş Leopold Sedar Senqorun adını daşıyan beynəlxalq təsisatın - Akademiyanın diplomudur. Üzvlük diplomu. Minnətdarlıq edirəm".
