Azərbaycan Dövlət Milli Gənc Tamaşaçılar Teatrı Patrik Züskindin “Kontrabas” tamaşası ilə Rusiyanın Novorossiysk şəhərində keçirilən festivaldan uğurla qayıdır.

Kulis.az xəbər verir ki, sentyabrın 23-də "Teatr limanı" adlı 6-cı beynəlxalq festival çıxış edən səhnə əsərinin baş qəhrəmanı Əməkdar artist Şövqi Hüseynov "Teatr sahəsindəki nailiyyətlərinə, ifasındakı ustalığa və Rusiyanın cənubundakı mədəniyyəti zənginləşdirməyə verdiyi töhvələrə görə" festivalın xüsusi mükafatı ilə təltif edilib.

Xalq artisti İrina Perlovanın quruluşunda 1998-ci ildə hazırlanan tamaşa Rusiyada, Ukraynada, Belarusiyada, Moldovada, İranda, Türkiyədə, Şri-Lankada, Makedoniyada, Amerikada və s. Beynəlxalq teatr festivallarında iştirak edib, müxtəlif nominasiyalar üzrə mükafatlara layiq görülüb.

Tamaşa qocaman səhnə işi ensiklopedik biliklərə malik qəhrəmanı, daha doğrusu, onun həyatda baxışını ehtiva edir. Opera “ulduzuna” vurulan bu şəxs həmin xanıma etiraf etmək istəyir ki, sakit otaqlarda belə onun səsini eşidir, məşhur ariyaları ifa edən gözəl səsi ilə dialoqa girir. Bu zaman özü-özü üçün qısqanclıq səhnəsi, teatr “qalmaqalı” yaradır ki, bəlkə bunun nəticəsində məşhur ulduzla ünsiyyətdə olmaq imkanı yarandı. Sarkazm və yumoristik məqamlarla zəngin olan tamaşada qəhrəmanımızın yeganə ünsiyyət vasitəsi kontrabasdır. Qəhrəmanımızın sevgilisi ilə dialoqu kontrabasla dialoq əvəz edir. Bu xoş ünsiyyətin ən maraqlı mesajı bundan ibarətdir ki, insan birinci növbədə özü-özünə sədaqətli olmalıdır. Yalnız bundan sonra onun ətrafdakılara sədaqətini dəyərləndirmək olar.

• Azərbaycanda Anım Günüdür
• “Nargin” filmi 2025-ci ildə təqdim olunacaq
• Çağdaş Azərbaycan ədəbiyyatı antologiyası çap olundu