Şair, jurnalist Kəramət Şükürov küçədə ölü tapılıb.
Kulis.az APA-ya istinadən xəbər verir ki, bu barədə “Qobustan” dərgisinin əməkdaşı, yazıçı Oqtay Əhmədov məlumat verib.
Yasamal Rayon Prokurorluğunda ölüm faktı ilə bağlı araşdırma başladılıb.
APA-nın əldə etdiyi məlumata görə, şairin ölümündə kriminal hal yoxdur, adi ölüm hadisəsi baş verib.
O, bu gün saat 19-20 radələrində vəfat edib. Hadisə ilə bağlı araşdırma davam etdirilir.
Qeyd edək ki, Kəramət Rza oğlu Şükürov 1 dekabr 1957- ci ildə Masallı rayonunun Göyçöl kəndində anadan olub.
