"Klon" teleserialında "Əli" obrazını canlandıran aktyor Stenio Qarsiya xəstəxanaya yerləşdirilib.
Kulis.az xarici mediaya istinadən xəbər verir ki, plastik əməliyyat etdirən 91 yaşlı aktyorun qanında infeksiya aşkarlanıb.
Ayaqlarında və ombasında şiddətli ağrılar hiss edən Qarsiyaya sepsis (müxtəlif mikroorqanizmlər və onların toksinlərinin törətdiyi ağır infeksion xəstəlik) diaqnozu qoyulub.
Müalicələri davam edən aktyor sosial media hesabında özünü yaxşı hiss etdiyini qeyd edib. Sənətçinin həyat yoldaşı Marilene Saade isə ərinə qoyulan diaqnozun etdirdiyi plastik əməliyyatla heç bir əlaqəsi olmadığını deyib.
