İranda ötən il keçirilən etiraz aksiyaları zamanı həbs olunmuş rejissor Bahar Lelehi Hacı Delay vəfat edib.
Kulis.az xəbər verir ki, İran mətbuatında yer alan məlumatlara görə, 40 yaşlı rejissor saxlanıldığı zindanda müəmmalı şəkildə dünyasınə dəyişib.
Bahar ailə üzvləri tərəfindən Tehran yaxınlığındakı Kərəc şəhərindəki qəbiristanlığında dəfn edilib.
Lakin ölkənin jurnalistlərindən olan Məsih Əlinejad sosial media hesabında Baharın həbsxanada öldürüldüyünü və ailəsinin xəbəri olmadan Kərəcdə Beheşte-Səkinə qəbiristanlığında dəfn olunduğunu yazıb.
Bahar Sur Universitetində kino rejissorluğu üzrə bakalavr dərəcəsi və Tarbiət Madras Universitetində ədəbiyyat üzrə magistr dərəcəsi alıb. O, karyerası dövründə qısametrajlı film festivalı və gənclərin bu istiqamətdə tədbirlərinə münsiflik edib. Son illərdə İran Gənclər Filmləri Assosiasiyasında müəllim və eyni zamanda Sur Film Akademiyasında müəllim olub.
