Hollivud ulduzları Bred Pitt, Xoakin Feniks, Runi Mara, Alfonso Kuaron və Conatan Qlezer Qəzzadan bəhs edən “Hind Rəcəbin səsi” filminə dəstək veriblər.
Kulis.az xəbər verir ki, bu, filmin Venesiya Film Festivalında dünya premyerasına çıxması bəlli olanda baş verib. Məşhur Hollivud ulduzlarının bu addımı filmə böyük töhfə verib.
Qeyd edək ki, məşhur Tunisli rejissor Kauter Ben Hanianın imzasını daşıyan “Hind Rəcəbin səsi”nin gələn həftə Venesiya festivalının ən güclü və təsirli premyeralarından biri olacağı gözlənilir.
