İntibah dövrünün ən məşhur rəssamlarından olan Sandro Bottiçellinin çəkdiyi rəsm əsəri Nyu-Yorkdakı “Sotheby's” hərracında 45,4 milyon dollara satılıb.
Kulis.az türk mediasına istinadla xəbər verir ki, bu, hərraclarda indiyədək intibah dövrünə aid rəsm əsərlərinə qoyulan ən yüksək qiymətlərdən biridir.
“Sotheby's” hərrac evindən bildirib ki, Bottiçellinin əsərləri hərracda olduqca nadir tapıntıdır, xüsusilə, onun son işləri bazarda çox nadir hallarda görünür.
“Kədər adamı” tablosu 1963-cü ildə hərracda alındıqdan sonra eyni adamın şəxsi kolleksiyasında qalıb”, - deyə əlavə olunub.
