Azərbaycanlı violin ifaçısı, Prezident təqaüdçüsü, beynəlxalq müsabiqələr laureatı Cəmilə Qarayusifli “Silberbauer's Musical Podyjí” beynəlxalq musiqi festivalı çərçivəsində konsert proqramı ilə çıxış edəcək.
Kulis.az xəbər verir ki, konsertlər kamera orkestrinin müşayiəti ilə, isveçrəli dirijor Sebastien Bagnoudun rəhbərliyi altında oktyabrın 14-15-də Avstriyanın Reşits şəhərində yerləşən Müqəddəs Nikolay kilsəsində və Çexiyanın Yevişoviç şəhərindəki Müqəddəs Yozef kilsəsində baş tutacaq.
Proqramda Antonio Vivaldinin "İlin fəsilləri" və Astor Pyatsollanın " Buenos-Ayresdə İlin fəsilləri" əsərləri səsləndiriləcək.
Qeyd edək ki, “Silberbauer's Musical Podyjí” beynəlxalq musiqi festivalı “Qeyri-adi əlaqələr” şüarı altında artıq dördüncü dəfədir keçirilir.
