ABŞ-a köç etmiş baskların mirası Amerikanın qərbində ağacların üzərində buraxdıqları unikal oyma yazılarda qorunub saxlanılır.
Kulis.az xəbər verir ki, İnyaki Arrieta Baro Şimali Nevadada bir bask-amerikalı ailə ilə birlikdə çöl kolları, səhra və meşə yolları boyunca xüsusi bir ailə yadigarını tapmaq üçün yürüş edib.
Onlar əcdadlarının addımlarını izləyərək GPS koordinatları ilə bu gün özəl "ranço" sayılan uzaq bir əraziyə çataraq qovaq ağaclarının arasında babalarının onilliklər əvvəl oyduğu ad yazısını tapıblar.
Qeyd edək ki, XIX əsrdəki qızıl hərisliyi dalğasının ardından Kaliforniya, Nevada və İdahonu əhatə edən Böyük Hövzə bölgəsinə gəlməyə başlayan basklar burada məskunlaşıb, daha sonralar köçə davam ediblər.
