Fransız aktyor Moris Barye 87 yaşında koronavirus infeksiyası nəticəsində vəfat edib.
APA-nın TASS-a istinadən verdiyi xəbərə görə, aktyora koronavirusa yoluxma diaqnozu bir neçə gün əvvəl qoyulub.
O, dərhal Monbar şəhər xəstəxanasına yerləşdirilib.
Aktyor aprelin 15-də Semyur-an-Osua şəhərində dəfn ediləcək.
M.Barye 50-dən çox filmdə çəkilib, o cümlədən Alen Delon, Jan-Pol Belmondo, Jan Qaben, Pyer Rişar, Jerar Depardye ilə tərəf müabili olub.
1998-ci ildə “On iki qəzəbli kişi” tamaşasındakı roluna görə, “Molyer” mükafatına layiq görülüb.
