Karantin rejimi ilə əlaqədar olaraq, bütün televiziya kanalları “Azərbaycanfilm” kinostudiyasının rəhbərliyinə müraciət edərək filmləri ödənişsiz yayımlama imkanı qazana bilərlər.
Kulis.azın verdiyi xəbərə görə, bu barədə Mədəniyyət Nazirliyi təşəbbüslə çıxış edib və ölkəmizin bütün televiziya kanallarında “Azərbaycanfilm” kinostudiyasının istehsalı olan bədii filmlərin nümayişinə şərait yaradıb.
Xatırladaq ki, kinofilmlərin telekanallar vasitəsilə nümayişi müvafiq icazəni nəzərdə tutan normativ qaydalarla tənzimlənir. Sözügedən təşəbbüslə telekanallara milli filmləri artıq sərbəst şəkildə nümayiş etdirmək imkanı verilir.
