Kulis.az Elnur Sadıqovun “Ən qısa hekayə” müsabiqəsinə göndərdiyi “Yaşamaq gözəldir” (329 işarə) hekayəsini təqdim edir.
Çətinliklə nəfəs alırdı, yəqin ki, artıq nəfəsinin tükəndiyini, son günləri olduğunu hiss edirdi. Birdən həyətdən qışqırtı səsi eşidildi.O çətinliklə də olsa xırıltılı səsi ilə tibb bacısından onu pəncərəyə yaxınlaşdırmasını istədi. Birisi ölmüşdü, yaxınlarının qışqırtısı idi ətrafı bürüyən səslər. O üzündə dərin bir kədərlə, gözləri dolmuş halda dilləndi: - Yaşamaq gözəldir.
