Kulis.Az Qalib Şəfahətin “Ən qısa hekayə” müsabiqəsinə göndərdiyi “Qıfıl” (471 işarə) hekayəsini təqdim edir.
Anası eşidəndə ki, Səməd Ayanı istəyir, deyinməyə başladı: - Ay qoydum ha!..
Tez cadugərin yanına qaçdı. Əlac elə mənə, nə istəsən verəcəm...
Qoymaram onu evimdə gəlin olmağa!
Cadugər də nəsə yazıb; - Qorxma, elə qıfıl vurdum ki, heç kəs açammaz...
Bu haqda bir kəlmədə deyib-danışmayacaqlar.
Evə gələndə gördü ki, Səməd lal-dinməz oturub heç kəslə bir kəlmə də danışmır.
Saçlarını yolub vay-şivən qopardı.
Əri: ay arvad, nə hay-haraydı salmısan yenə?..
Ə, görmürsənmi uşağa cadu ediblər, ağzı qıfıllanıb, danışmır. Yazıq balam oyy...
Az, mən danlamışam, ey…
