Kulis hazırda əsgərlikdə olan şair Tural Balabəylinin yeni şeirlərini təqdim edir.
***
Mən səndən
çox şey istəmədim;
bir az sevgi,
bir az sədaqət,
bir az da xoşbəxtlik...
Sənsə mənə
tam əksini verdin;
bir az yalan,
bir az xəyanət,
bir azda bədbəxtçilik...
Allaha məktub
Salam...
Necəsən?
Bilirsənmi,
səni
yerdəki
Allahlar
sevmir
və
qəbul
etmir...
Allah
bizik
deyillər.
Allah
onlardısa,
bəs
sən
kimsən?
Nə
çarəsən?
Bəndələrin
yerdə
sürünürsə,
sən
göydə
nə
gəzirsən,
Allah?!
***
Baxışlarınla
əsir
aldığın
məni,
hökm
etdiyin
ürəyimi
mənə
buraxaraq
get...
Çək
bu eşqin
ipini;
nəfəsi
kəsilsin...
Get ki,
qəlbimdəki
xatirələr
ləkələnməsin
xəyanətinlə...
Get ki,
unudum
səni...
