Akademik Milli Dram Teatrı Minskdə “İlahi oyun” tamaşası ilə çıxış edib

Akademik Milli Dram Teatrı Minskdə “İlahi oyun” tamaşası ilə çıxış edib
23 noyabr 2015
# 17:35

Azərbaycan Dövlət Akademik Milli Dram Teatrının kollektivi Belarusda keçirilən Gənclərin II Beynəlxalq Teatr Forumunda “İlahi oyun” tamaşası ilə iştirak edib.

Teatrın mətbuat xidmətindən APA-ya verilən məlumata görə, səfər Mədəniyyət və Turizm Nazirliyinin dəstəyi, Azərbaycan Teatr Xadimləri İttifaqının təşkilatçılığı ilə baş tutub. Beynəlxalq tədbir MDB və Baltikyanı ölkələri, Gürcüstanı əhatə edib və “İlahi oyun” tamaşası ilə açılıb. Forumda Azərbaycan səfirliyinin nümayəndələri, diplomatik korpusun əməkdaşları iştirak edib.

Beynəlxalq tədbirin açılışından sonra Akademik Milli Dram Teatrının baş rejissoru-bədii rəhbəri, xalq artisti Azərpaşa Nemətin rəhbərliyi ilə teatrın kollektivi rəssamların, dramaturqların, rejissorların və teatrşünasların məşğələ və master klaslarında iştirak edib. Məşğələlərdə Akademik Milli Dram Teatrının rejissoru Mikayıl Mikayılovun işi uğurlu hesab olunub və rejissora xüsusi diplom təqdim olunub.

“Kitabi-Dədə Qorqud” dastanının “Dirsə xan oğlu Buğac” boyu əsasında hazırlanmış birhissəli etno-müziklın quruluşçu rejissoru Mikayıl Mikayılov, quruluşçu rəssamı Mustafa Mustafayevdir. Səhnə əsərinin musiqi tərtibatı Vidadi Həsənov və Mikayıl Mikayılova, rəqslərin quruluşu Pərviz Məmmədrzayev və Nigar Güləhmədovaya məxsusdur.

Tamaşada əməkdar artistlər Vidadi Həsənov, Pərviz Məmmədrzayev, aktyorlar Nigar Güləhmədova və Novruz Novruzlu çıxış edirlər. “İlahi oyun” tamaşası Belarusun Yanka Kupala adına Milli Akademik Teatrında oynanılıb.

Qeyd edək ki, Gənclərin II Beynəlxalq Teatr Forumu Beynəlxalq Çexov Teatr Festivalı çərçivəsində gənc rejissorların işlərinə baxış məqsədi ilə təşkil olunur.

# 2137 dəfə oxunub

Oxşar xəbərlər

“Atropatena” filminin çəkilişinə hazırlıq gedir

“Atropatena” filminin çəkilişinə hazırlıq gedir

15:15 17 sentyabr 2025
Küçə ticarətindən kinoya gələn böyük aktyor - Yeşilçam klassiki Tarık Akan kim idi?

Küçə ticarətindən kinoya gələn böyük aktyor - Yeşilçam klassiki Tarık Akan kim idi?

18:24 16 sentyabr 2025
Məşhur Hollivud aktyoru vəfat etdi

Məşhur Hollivud aktyoru vəfat etdi

16:51 16 sentyabr 2025
“Yaşıl çəmən”  filmi Linz Akademiyasının inkişaf proqramında

“Yaşıl çəmən” filmi Linz Akademiyasının inkişaf proqramında

13:46 16 sentyabr 2025
Gündəlik iş, eyni vərdişlər - Ehtiyaclar bizi necə dəyişdirir?

Gündəlik iş, eyni vərdişlər - Ehtiyaclar bizi necə dəyişdirir?

13:22 16 sentyabr 2025
"Şah ölüm"  nümayiş olundu

"Şah ölüm" nümayiş olundu

11:00 16 sentyabr 2025
#
#
Ana səhifə Yazarlar Bütün xəbərlər