Kulis.az ən yaxşı 10 bioqrafik filmin siyahısını təqdim edir.

1. "Şindlerin siyahısı" ("Schindler's List") - (1993)

İkinci Dünya müharibəsi zamanı minlərlə yəhudini Holokostdan xilas etmək üçün sərvətini və həyatını riskə atan alman iş adamı Oskar Şindlerin fədakarlıqla dolu hekayəsi.

2. "Pianoçu" ("The Pianist") - (2002)

İkinci Dünya müharibəsi illərində nasist işğalı altındakı Varşavada sağ qalmaq üçün mübarizə aparan yəhudi əsilli polyak pianoçu və bəstəkar Vladislav Şpilmanın faciəvi həyat mübarizəsi.

3. "Amadey" ("Amadeus") - (1984)

Vyanada saray bəstəkarı olan Antonio Salyerinin dahi və bir o qədər də intizamsız Volfqanq Amadey Motsarta qarşı duyduğu dərin qısqanclıq və bu iki musiqiçinin mürəkkəb münasibəti.

4. "Xoşbəxtliyin ardınca" ("The Pursuit of Happyness") - (2006)

Maddi çətinliklər səbəbindən həyat yoldaşı tərəfindən tərk edilən və azyaşlı oğlu ilə birlikdə küçələrdə qalmaq məcburiyyətində olan Kris Qardnerin əzmkarlıqla dolu uğur hekayəsi.

5. "Oppenheimer" (2023)

İkinci Dünya müharibəsi dövründə "Manhetten layihəsi"nə rəhbərlik edərək atom bombasını icad edən fizik Yulius Robert Oppenheymerin daxili ziddiyyətləri və tarixi məsuliyyəti.

6. "Kapote" ("Capote") - (2005)

Məşhur amerikalı yazıçı Truman Kapotenin Kanzasda baş vermiş dəhşətli qətl hadisəsini araşdırarkən qatillə qurduğu qeyri-adi emosional bağ və bu prosesin onun həyatına təsiri.

7. "Ağı oyunları" ("A Beautiful Mind") - (2001)

Şizofreniyadan əziyyət çəkən, reallıqla illüziyalar arasında qalan, lakin sonda Nobel mükafatına layıq görülən dahi riyaziyyatçı Con Neşin həyatı.

8. "Sosial şəbəkə" ("The Social Network") - (2010)

Harvard Universitetinin tələbəsi Mark Zukerberqin qurduğu sosial şəbəkənin qlobal bir fenomenə çevrilmə prosesi və bu yolda yaranan mürəkkəb hüquqi, eləcə də şəxsi münaqişələr.

9. "Aviator" ("The Aviator") - (2004)

Aviasiya mühəndisi, kinorejissor və milyarder Hovard Hyuzun 1920-ci illərdən 1940-cı illərə qədər davam edən uğurlu karyerası və eyni zamanda getdikcə pisləşən obsessiv-kompulsiv pozuntusu ilə mübarizəsi.

10. "Qandi" ("Gandhi") - (1982)

Böyük Britaniya imperiyasına qarşı qeyri-zorakı vətəndaş itaətsizliyi hərəkatına liderlik edərək Hindistanın müstəqilliyini qazanan Mahatma Qandinin fəlsəfəsi və siyasi həyatı.

• Şərif Ağayar: "Bu romanı yazmaq məni ölümdən qurtardı” - Müsahibə
• “TEAS Press”in keçirdiyi gənclərin roman müsabiqəsinin qalibləri mükafatlandırıldı
• Məsləhət gecəsi - Qərib Mehdinin hekayəsi