Kinematoqrafçılar: “Azərbaycanfilm” acınacaqlı vəziyyətdədir"

Kino

Ana səhifə
Kino

Kinematoqrafçılar: “Azərbaycanfilm” acınacaqlı vəziyyətdədir"

1 may 2025

09:45

Azərbaycan Kinematoqrafçılar İttifaqının katibliyinin geniş tərkibdə iclası keçrilib.

Kulis.az xəbər verir ki, clasın gündəliyində Azərbaycan kinosunun bir sıra vacib problemlərinin müzakirəsi, o cümlədən, prioritet məsələ kimi C.Cabbarlı adına “Azərbaycanfilm” kinostudiyasının düşdüyü acınacaqlı vəziyyətin hərtərəfli araşdırılması məsələsi dururdu.

Çıxış edənlər bildirdilər ki, müvafiq qurumlar kinostudiyanın müstəqil fəaliyyət göstərməsi üçün ciddi tədbirlər görməli, davamlı film istehsalı üçün zəruri şərt kimi bu kollektivə kifayət qədər maliyyə vəsaiti ayrılmalıdır. Bununla bağlı maneələr tezliklə aradan qaldırılmalı, kinostudiyanın arzu olunan fəaliyyəti üçün yüksək şərait yaradılmalıdır.

İclasda belə bir əminlik ifadə olundu ki, AKİ ilə Azərbaycan Respublikası Kino Agentliyinin (ARKA) daha sıx və səmərəli əməkdaşlığı üçün radikal adımlar atılmalıdır. Təbii ki, birgə əməkdaşlıq milli kinomuzun inkişafında mühüm stimul olardı.

İclasda kinematoqrafçıların Şəkidəki Yaradıcılıq Evinin sahmana salınması və tezliklə kinematoqraçıların istifadəsinə verilməsi barədə təkliflər səsləndi və bu çağırış razılıqla qarşılandı.

Daha sonra AKİ-nin son bir illik fəaliyyəti ilə bağlı geniş məlumat dinlənildi və ötən müddətdə görülən işlər müsbət qiymətləndirildi.