Mirvarid Dilbazi Poeziya Məclisi İctimai Birliyinin təşkilatçılığı və Mədəniyyət Nazirliyi, AMEA Folklor İnstitutunun dəstəyi ilə Suraxanı rayonunda, Qurban Abbasov adına Mədəniyyət Sarayında “Azərbaycan kəlağayısı günü” münasibətilə tədbir keçirilib.

Kulis.az xəbər verir ki, Mirvarid Dilbazi Poeziya Məclisinin sədri və Kəlağayı Ev Muzeyinin direktoru Güllü Eldar Tomarlı çıxış edərək bildirib ki, Azərbaycan mədəniyyətinin çoxəsrlik incələrindən olan kəlağayını hər tərəfdə işıqlandıran çoxsaylı sərgi və konsertlər keçirilib. “Yaşıl dünya naminə həmrəylik ili” çərçivəsində keçirilən bu tədbirlər, təbiətin və mədəni irsin qorunmasına dair çağırışlar etməklə yadda qaldı.

Çıxış edənlər bildiriblər ki, kəlağayı 2014-cü ildən UNESCO-nun qeyri-maddi mədəni irs siyahısına daxil edilmişdir. Bu unikal sənət forması, qədim dövrlərdən bu yana Azərbaycan qadınları tərəfindən toxunmuş və tərtib edilmiş kəlağayı şallarının, eləcə də onların yaradılmasında istifadə olunan texnikaların qorunub saxlanılmasını təmin edir. UNESCO-nun bu statusu, kəlağayının yalnız bir zərgərlik sənəti kimi deyil, həm də Azərbaycan xalqının mədəni irsi və kimliyinin ayrılmaz bir hissəsi olaraq dünya səhnəsində tanınmasını təmin edir.

Konsert proqramında kəlağayı və vətənpərvərlik mövzusunda rəsm əsərləri, qədimi və müasir kəlağayıların sərgisi təqdim edilib.

• Ümid Nəccari Avropa akademiyasının “Mədəniyyət səfiri” fəxri adına layiq görülüb
• Uorvik Devis "Harri Potter"in "Professor"unu canlandıracaq
• "Sən Allah, cibimiz pullananda gəl" - Vidadi Babanlı