Nərmin Kamal AYO-dan çıxdı -QALMAQAL

Ədəbi tənqid

Ana səhifə
Ədəbi tənqid

Nərmin Kamal AYO-dan çıxdı -QALMAQAL

3 iyun 2011

17:44

Gənc yazıçı Nərmin Kamal Azad Yazarlar Ocağından (AYO) çıxdığını bildirib.

Bu barədə Kulis.az-a açıqlama verən N.Kamal bildirib ki, AYO-nu müvəqqəti olaraq tərk edir: “Aqşinin AYO-da sədrlik müddəti sona çatdıqdan sonra mən yenə özümü AYO-çu adlandıracağam və AYO-da olacağam”.

N.Kamal AYO heç vaxt kitab müzakirəsi keçirmədiyi halda, yalnız Kamal Abdullanın kitabı üçün müzakirə keçirmək fikrinə düşülməsini də anlamayıb: “Mənim tanıdığım AYO tarana gedirdi. İndi isə AYO Kamal Abdulla ilə görüşə don geydirmək üçün \\\"Kamal Abdulladan sonra Əkrəm Əylisli ilə də görüş olacaq \\\" kimi manevrlər edən AYO-dur, yəni Aqşin Yenisey Ocağıdır. AYO-nun \\\"prizemlenie\\\"sinə dözümsüzlüyümü bildirirəm”

N.Kamal deyib ki, AYO-çu ola-ola bu görüş haqda yalnız saytlardan xəbər tutub: “Ya bunu sistemli, başqa kitablar üçün də təşkil etməlisən, ya da şəxsi münasibətlərinə görə, bir istisna edərkən içində mənim də adım olan AYO-nu kullanmamalısan, elə deyilmi? Kullanırsansa da, AYO-çulara öz qərarın haqqında bir email dəvəti atmalısan”.

Elmin HƏSƏNLİ