Ədəbi tənqid

Seymur Baycandan yeni şeirlər EKSKLÜZİV

Seymur Baycandan yeni şeirlər EKSKLÜZİV
12 sentyabr 2012
# 13:39
Seymur Baycanın Kulis.az-a göndəriyi yeni şeirləri dərc edirik.

Tiflis silsiləsi

Həmişə Tiflisi tərk edəndə kədərlənirəm
Mənə elə gəlir ki,
Görmədiyim yer,
Görüşmədiyim dost,
Yemədiyim yemək qaldı...


Mən burdayam, İlahi!

Yaman həddimi aşmışam
Çox pis yoldayam, İlahi!
Bir gün evdə, bir gün barda
Bir gün koldayam, İlahi!

Mənzil uzaq, ömür yarı
Gedibdi laçın vaxtlarım
Dünən sağçıydı dostlarım
Bu gün soldayam, İlahi!

Oyun ölü, hakim axmaq
Heç bilmirik, nəyə baxaq
Göy üzündən meydana bax
Futboldayam, İlahi!

Mən Seymuram, fikrim dərin
Vurğunuyam bu ellərin
Gedibdi fərli günlərim
İndi «nol»dayam, İlahi!


Sən orda plov süzürsən

Bir vaxtlar
Mənə bişirdiyin plovu
İndi başqasına bişirirsən
Buzlu «Dirol» çeynəyirsən
Və mətbəxdə üşüyürsən.

Deyinirsən, deyinirsən
Altdan-üstən geyinirsən
Əlində kəfkir tutmusan
Babat poetik görünürsən

Oturmuşam, «Araz»dayam
Müxalifəti söyürəm
Sən orda plov süzürsən
Mən burda sosiska yeyirəm


Heyif ki, yoxdu

Üç gün qonaq oldum Tiflis elində
Çimdim hamamında, üzdüm gölündə
Kam almaq istədim bir gözəlindən
Belimdə qüdrətim heyif ki, yoxdu.

Cibdə pul var idi, başımda ağlım
Bir müddət düşündüm, naəlac qaldım
Dedim «viaqra» atıb, qızdan kam alım
Buna da qeyrətim heyif ki, yoxdu.

Bu fürsət də belə ötdü yanımdan
Ağrısı çıxmayıb hələ canımdan
Bakıya qayıtdım utandığımdan
Burda da hörmətim heyif ki, yoxdu.

Tiflis 3-9 sentyabr, 2012
# 3981 dəfə oxunub

Oxşar xəbərlər

"Heç nə" haqqında bilmədiklərimiz... - "Havalı Alı" hansı suallarımıza cavab verir?

"Heç nə" haqqında bilmədiklərimiz... - "Havalı Alı" hansı suallarımıza cavab verir?

15:00 12 oktyabr 2026
Buludlar səltənətindəki Bulud xatun və Beyrək, yaxud mənim ünyetməz yuxularım... - Məryəm Əlizadə

Buludlar səltənətindəki Bulud xatun və Beyrək, yaxud mənim ünyetməz yuxularım... - Məryəm Əlizadə

16:00 10 oktyabr 2026
Ədəbi mükafatlar nə üçün təsis olunur? - Mətanət Vahid

Ədəbi mükafatlar nə üçün təsis olunur? - Mətanət Vahid

15:15 9 oktyabr 2026
“Belə hekayələr popkorn təsiri bağışlayır” – Hekayə müzakirəsi

“Belə hekayələr popkorn təsiri bağışlayır” – Hekayə müzakirəsi

15:00 8 oktyabr 2026
Can Xue, Enn Karson, Cerald Murnane, Mirça Kertaresku, Enrike Vila-Matas, Kristina Rivera Qarsa... - Nobeli kim qazanacaq?

Can Xue, Enn Karson, Cerald Murnane, Mirça Kertaresku, Enrike Vila-Matas, Kristina Rivera Qarsa... - Nobeli kim qazanacaq?

14:00 7 oktyabr 2026
"Tarix özünü «baş abzas» elan edənləri yadda saxlamır..." - Hüseynbala Mirələmovdan Həmid Herisçiyə cavab

"Tarix özünü «baş abzas» elan edənləri yadda saxlamır..." - Hüseynbala Mirələmovdan Həmid Herisçiyə cavab

11:00 7 oktyabr 2026
#
#
Ana səhifə Reels Yazarlar Xəbərlər