news-inner
clock08:30 calendar-gray 11 İyul 2014 view-gray914 dəfə oxunub
view-gray914 dəfə oxunub

Məşhur rejissor: “Selincerdən hər dəfə bir təpik yedim”

Vudi Allenin ən çox sevdiyi 5 kitab

Kulis.az dövrümüzün ən maraqlı insanlarından olan rejissor, aktyor Vudi Allenin ən sevdiyi 5 əsəri təqdim edir.

1. Çovdarlıqda uçurumdan qoruyan, J.D. Selincer

Allen müsahibələrində bu əsərin onun üçün xüsusi yeri olduğunu tez-tez vurğulayıb: “18 yaşımda oxumuşdum. Manhetten haqqındakı fikirlərimə də çox təsiri olub. O vaxtlar ev tapşırığı kimi oxuyurdum o kitabları. Yəni o vaxtlar kitab oxumağı məcburiyyət kimi görürdüm. “Çovdarlıqda uçurumdan qoruyan” isə əyləncəli idi və mənim üçün çox təsirli atmosfer yaradırdı. Bir neçə dəfə oxudum və hər dəfə Selincerdən bir “təpik yedim””.

2. “Həqiqi Blüz”, Mezz Mezzrou

Mezz Mezzrounun 1946-cı ildə caz dünyasının kulisi barədə yazdığı bu xatirə kitabı da rejissorun sevdiklərindəndir: “Kitab haqda onu tanıyan, kitabda adı keçən musiqiçilərdən eşitmişdim. Mənim üzərimdə də təsiri oldu. Çünki o dövrlərdə Mezzrou kimi yaxşı caz klarnetçisi olmağa çalışırdım. Əslində, çox yaxşı, yaxud doğru kitab olduğunu deyə bilmərəm, amma mənim caz həvəsimin formalaşdığı dövrdə sevə-sevə oxumuşdum”.

3. Perelmenin dünyası, S.J. Perelmen

Vudi Allen Perelmen haqda: “Stend-ap, televiziya, teatr, ədəbiyyat, kino – fərqi yoxdur, ondan daha gülməlisinə rast gəlmək olmur. Giriş yazdığım bu kitabda mükəmməl yazılar var. Komediya dahisidir. O vaxtlar “New Yorker” həqiqi bir dərgiydi və hər sayında Perelmendən, bəzən Selincerdən, Truman Kapote, ya da Con Apdaykdan bir yazı olardı. Bəlkə indi də yaxşı yumorist yazarlar var, amma yazmağa dərgiləri yoxdur” – deyib.

4. Balaca qalibin epitafiyası, Maşadu de Assis

Braziliyalı yazıçının 1880-ci ildə yazdığı bu yumoristik əsəri rejissorun poçt qutusuna atıbmışlar. Üzərində “bunu oxumalısan, çox bəyənəcəksən” yazılıbmış: “Nazik kitab idi, qalın olsaydı, oxumazdım. Keçmiş zamanda yaşasa da, çox modern və fərqli mətn idi. İronik pessimistliyini mənim filmlərimə oxşadırlar, amma ondan təsirlənməmişəm. Sadəcə “Çovdarlıqda uçurumdan qoruyan” kimi içimdə bir cingilti oyadıb”.

5. Elia Kazan bioqrafiyası, Riçard Şikel

Allen şou dünyası haqda kitabları sevmədiyini, ancaq bu bioqrafiyanın oxumağa dəydiyini, möhtəşəm olduğunu vurğulayıb: “Çox parlaq bir rejissor haqda çox parlaq bir kitabdır. Şikel mənim böyüdüyüm illərdə çox vacib rejissor olan Kazanı da, Tenessi Uilyamsı da, Marlon Brandonu da düzgün başa düşüb”.

Oxşar xəbərlər

Xəbər lenti

Musiqili Teatrda "Fransızsayağı qarnir" olacaq - Fotolar
18:56 18 Yanvar 2020
Xalq artistinin xatirəsi anılacaq
17:44 18 Yanvar 2020
İyirmi ikinci mənzildə - Varisdən hekayə
16:58 18 Yanvar 2020
"Silahdaşlar" sənədli filmi təqdim olundu
15:15 18 Yanvar 2020
Gənc şairin poeziya gecəsi keçirildi - Fotolar
14:05 18 Yanvar 2020
Türkiyəli yazıçı vəfat etdi
13:47 18 Yanvar 2020
Tanınmış dramaturq vəfat etdi
13:15 18 Yanvar 2020
Bu məşhurlar qaraçı nəslindəndir - Siyahı - Fotolar
12:44 18 Yanvar 2020
"Məni bir qadın qucub, mələklər gəzsin barı..." - Pərviz Cəbrayıldan şeirlər
11:03 18 Yanvar 2020
"Mübariz" operası təqdim olundu - Fotolar
10:28 18 Yanvar 2020
Cahandar ağa Allahyarın arvadı Mələyi qaçırmaqda haqlı idi? - Sevda Sultanova yazır...
09:03 18 Yanvar 2020
Gənc yazar: “Aqşin Yeniseyin romanı alınmayıb” – Video-söhbət
21:00 17 Yanvar 2020
100 yaşlı şair AYB-də yubleyinə qatıldı
19:27 17 Yanvar 2020
Yaşamaq istəyən xəstəyə yalan satan həkim - Hekayə
18:58 17 Yanvar 2020
Rövşən Yerfinin yeni kitabı təqdim olunacaq
18:31 17 Yanvar 2020
Amma Anar bilməsin... – Gənc şairdən parodiyalar
18:03 17 Yanvar 2020
Prezident məşhur rejissoru “Şərəf” ordeni ilə təltif etdi
17:37 17 Yanvar 2020
Musiqili Teatrda "İstintaq" olacaq
16:57 17 Yanvar 2020
Bakıda böyüklər üçün ustad dərsləri keçirildi
16:20 17 Yanvar 2020
Qremminin ilk qadın prezidenti işdən çıxarıldı
15:39 17 Yanvar 2020