writer1

Şərif Ağayar

Məqalə sayı

497
clock13:19 calendar-gray 28 Mart 2014 view-gray1596 dəfə oxunub
view-gray1596 dəfə oxunub

Dantesdən qorxan Qorki...

Bu gün böyük yazıçının doğum günüdür

Heminquey deyirdi ki, kasıblıq yazıçı üçün ən ciddi həyat məktəbdir.

Məncə bu dünyada kasıblıq və zəlalətdən, əzab və kimsəsizlikdən Maksim Qorki qədər mükəmməl dərs alan ikinci bir yazıçı olmayıb. Amansız həyat həqiqətləri birini sındırır, birini alçaldır, o birini məhv edirsə Maksim Qorkini dahi kimi yetişdirdi.

Onun həyatı sanki Tanrının xüsusi nəzarətində keçirdi. Yetimlik, kimsəsizlik, aclıq, yalqızlıq... taa intihar həddinəcən! Tanrı Maksim Qorkini yazıçı etmək üçün əlindən gələni əsirgəmirdi. Tale ona qarşı çox amansız idi. Sanki dəmiri göz yaşı ilə sulaya-sulaya döyüb polada çevirirdi.

Həyat hekayətləri ilə tanış olduqca insanı qəribə bir ümidsizlik bürüyür. Az keçməmiş bu çıxılmazlıqlar içindən güclü bir işıq parlayır!

Onun dərbədər uşaqlığının xarabalıqları altında qiymətsiz bir xəzinə vardı. Maksim Qorkinin bəxti onda gətirdi ki, bu xəzinəni tapıb üzə çıxarmağı bacardı. Dedim axı, ən çətin anda belə Tanrı onu nəzərində saxlayırdı. Peyğəmbər olacaqmış kimi...

Elə kitablar var ki, yazılmaması mümkündür. Hətta bəlkə də lazımdır... Ancaq elə kitablar da var, ən azı, bir İNSANın taleyi, var olma səbəbi, yaşam imkanıdır.

Maksim Qorki qarşısında “izm”lər susur...

Tənqidçilər bütün bildiklərini unudub onun sətirləri arasından gələn insan hənirtisinə qulaq kəsilirlər.

Bu səslər o qədər təbii, o qədər səmimi, o qədər təsirlidir ki, bütün zamanlara meydan oxuyur.

O səslər o səsləri eşidib köynəyindən keçirən, sonra əbədiyyətə ötürən insanı – Maksim Qorkini heç vaxt yiyəsiz qoymadı. Puşkini dueldə öldürən Danteslə Avropa otellərinin birində görüşüb söhbət edərkən qoca qatildən qəfil qorxanda da, “Çevenqur” romanına görə Stalindən çəkinib Platonovu güdaza verəndə də...

Qəribəsi nədir: Maksim Qorkinin səmimi-qəlbdən müdafiə etdiyi, onu yoxsulluq və səfalət girdabından dünya şöhrətli insana çevirən nəhəng bir sistem çökdü, ancaq yazıçının əsərlərinə zərrə qədər də kölgə düşmədi. Məncə, Qorkini uşaqlıq yaddaşı xilas etdi. Çünki orada İNSAN vardı və İNSAN dediyin varlıq təkcə həyatda deyil, həm də bədii əsərlərdə çox dəyərlidir. Yetər ki, dəyərləndirə biləsən. Qorki kimi...

Paylaş

REKLAM

Yazarın digər yazıları

Xəbər lenti

Böyük Azərbaycan şairi məşhur şeirlərini oxuyur - Video
12:11 08 Dekabr 2019
"Yuğ"da yenə "Vəsvəsə" olacaq
18:00 07 Dekabr 2019
Müdirinin katibəsi ilə evlənən kişi - İkinci Mahmudun hekayəsi
17:00 07 Dekabr 2019
İngiltərə Elif Şafakın bu romanını ilin ən yaxşısı elan etdi
16:00 07 Dekabr 2019
Məşhur aktyor sətəlcəmdən dünyasını dəyişdi
15:00 07 Dekabr 2019
Tanınmış şairin qızı Qüdsdə konsert verdi - Foto
14:01 07 Dekabr 2019
Azərbaycanlı naşir: “Kitablarımız Fransanın 70 min kitab mağazasında satılacaq” – Müsahibə
13:28 07 Dekabr 2019
Əlil aktyorların iştirakı ilə "Solğun çiçəklər" nümayiş olundu - Foto
12:30 07 Dekabr 2019
Azərbaycanlı dramaturq 65 yaşında vəfat etdi
12:00 07 Dekabr 2019
Ermitaj Muzeyi Çingiz xan daş kitabəsini Monqolustana hədiyyə etdi
11:20 07 Dekabr 2019
"Bu şəhərdə" 200 minlik "Şabaş"ı təqdim etdi - Foto
10:40 07 Dekabr 2019
"Qaranlıqdan reportaj" təqdim olunacaq
10:00 07 Dekabr 2019
Arvadbaz, dəlisov, qadın düşkünü... - Yeni layihə
09:00 07 Dekabr 2019
Cəmi 1 saata həyatınız dəyişə bilər
21:00 06 Dekabr 2019
"Mələk" filmi nümayiş olunacaq
18:53 06 Dekabr 2019
"Audio Kitab" layihəsində Nəsiminin qəzəlləri səsləndirilib
18:20 06 Dekabr 2019
Bütün dualara əngəldi İsa - Rəşad Nağı şeirlərini oxuyur - Video
17:46 06 Dekabr 2019
Məktəbli qızın oğurlanmasından bəhs edən roman çap olunub
17:21 06 Dekabr 2019
“Sözlər və nəsnələr” kitabı təqdim edildi - Fotolar
16:51 06 Dekabr 2019
Kənan Hacı ABŞ-ın nüfuzlu mükafatını qazanıb
16:20 06 Dekabr 2019