news-inner
clock17:45 calendar-gray 17 Mart 2014 view-gray2044 dəfə oxunub
view-gray2044 dəfə oxunub

Azərbaycanda ən böyük kitab evi açıldı FOTOLENT

“Kitabevim.Az” kitab evinin yeni mərkəz şöbəsinin açılış mərasimi “28 May” stansiyası yaxınlığında Puşkin 26A ünvanında, “AK Center”in 2-ci mərtəbəsində baş tutdu.

Tanınmış telejurnalist Orxan Cabbarlının təqdimatında giriş sözü ilə AMEA Nizami Gəncəvi adına Ədəbiyyat İnstitutunun direktor müavini, filologiya elmləri üzrə fəlsəfə doktoru Şəmil Sadiq çıxış etdi.

“Kitabevim.Az” layihəsinin rəhbəri olan Ş.Sadiq qeyd etdi ki, 400 kvadrat metrə yaxın sahəni əhatə edən bu kitab evi öz genişliyinə və kitab zənginliyinə görə, Azərbaycanda ilk sayıla bilər.

Layihəyə “Soliton LTD”, “Access Bank” və “Buta Sığorta” kimi şirkətlərin də dəstək olduğunu qeyd edən Ş.Sadiq vurğuladı ki, bu kitab evinin açılışında əsas məqsəd ölkədə kitabçılığın inkişafı və mütaliənin təbliğinə töhfə verməkdir.

“Minlərlə adda kitabın oxuculara təqdim olunması ilə yanaşı, zəngin elektron kitab bazası da yaradılıb və burada quraşdırılmış planşetlər vasitəsi ilə, oxucular daha geniş imkanlar əldə edirlər. “Kitabevim.Az” kitab evində oxucu klubu və müxtəlif şirkətlərin dəstəyi ilə hazırlanan “Qoy-götür” guşəsi də təşkil olunmuşdur. İnsanlar buraya kitab gətirib hədiyyə edə və əvəzində başqa kitablardan da yararlana bilərlər. Gənclərin asudə vaxtlarını daha müasir üslubda, zövq oxşayan bir məkanda keçirməsi, ziyalıların sakit bir məkanda müzakirələr aparması, söhbətlərini təşkil etməsi, valideynlərin övladlarını gəzdirmək üçün seçdiyi bir məkan yaratmaq, monitorlarda əhəmiyyətli kitablardan filmlər vermək, təqdimatlar yayımlamaq da məqsədlərimiz sırasına daxildir. Yeni kitab evində “Günün, həftənin, ayın kitabı” adlı guşə də təsis olunub və bu guşəyə yerləşdirilən kitablar maya dəyərinə satılır. Burda yerli və xarici ədəbiyyata aid kitablar tapa bilərsiniz. Eyni zamanda, imza günləri, seminarlar və müxtəlif tədbirlərin keçirilməsi üçün geniş bir guşə də təşkil etmişik. “Kitabkafe” guşəsində isə kitabsevərlərin istirahəti üçün şərait yaradılır. Bununla yanaşı, kitab marketinin “elektron kitab” bazası da olacaq və müştərilər üçün müvafiq şərait yaradılır”.

Daha sonra “Kitabevim.Az” saytının rəhbəri Teymur Fərzi çıxış edərək, kitab evində oxuculara təqdim olunan “Hekayə”, “Roman”, “Dastan və Ədəbiyyat” oxucu kartları, Hədiyyə kartları, eləcə də layihənin elektron təminatı barədə danışdı. O, Hədəf Nəşrlərinin və “Kitabevim.Az” Mağazalar Şəbəkəsinin birgə həyata keçirdiyi layihələrdən söz açaraq qeyd etdi ki, “Anamın Kitabı” Ədəbi Mükafatı və pyes müsabiqəsinin yüksək səviyyədə həyata keçirilməsi üçün münsiflərin seçimindən sonra virtual səsvermə həyata keçiriləcək: “Bu layihənin nöqsansız və şəffaf həyata keçirilməsi üçün ciddi işlər görülür. Yaxın zamanlarda yeni portallarımız – senet.az və edebiyyatxeberi.az saytları da oxuculara təqdim olunacaq”.

Daha sonra Bakı Atatürk Mərkəzinin direktoru, millət vəkili, professor Nizami Cəfərov çıxış edərək, Azərbaycanda kitaba marağın dirçəlməsinin və bu cür kitab evinin açılmasının vacibliyindən danışdı. O, Hədəf Nəşrlərinin və Kitabevim.Az komandasının yüksək səviyyədə iş sərgilədiyini xüsusilə vurğulayaraq, belə kitab evlərindən Bakıda və ölkənin digər şəhərlərində daha çox görmək istədiyini bildirdi.

Ukrayna Azərbaycanlıları Konqresinin sədri Hikmət Cavadov isə qeyd etdi ki, bəzən kitab zənginliyi heç də həmişə kitab bazarının inkişafı demək olmur: “Oxuculara lazım olan və onları razı salan ədəbiyyat nümunələrinin davamlı nəşr olunması vacibdir. Mən burda həm zənginlik, həm də keyfiyyət gördüm. Kitabevim.Az komandasına uğurlar arzu edirəm”.

H. Cavadov müəllifi Şəmil Sadiq olan, Heydər Əliyev Fondunun 1-ci vitse-prezidenti Leyla Əliyevanın təşəbbüsüylə 4 dildə nəşr olunmuş “Azərbaycan dilini öyrən” kitabını oxuculara təqdim etdi və bildirdi ki, belə kitabların çox olması diasporçuların işini də asanlaşdırır, Azərbaycanın dünyada təbliğinə təkan verir.

Daha sonra millət vəkili, yazıçı Aqil Abbas, Təhsil Problemləri İnstitutunun direktoru Qulu Novruzov, təhsil nazirinin müşaviri Ağababa İbrahimov, Hədəf Kurslarının məzunu və Bakı Slavyan universitetinin ikinci kurs tələbəsi olan Səma Baxşıyeva çıxış etdilər.

news-inner-user

19063 məqalə

Oxşar xəbərlər

Xəbər lenti

“Azərbaycanfilm” türk jurnalist Fulya Öztürk haqqında film çəkir - Fotolar
13:19 18 İyun 2021
İslamdan imtina etdi, çayda boğmaq istədilər, atası üzündən öpəndə ağzını yudu – Diriykən yası verilən dahi azərbaycanlı
12:36 18 İyun 2021
Kəramət Böyükçölün yeni romanı çıxdı - Foto
12:08 18 İyun 2021
Van Dammı bezdirən azərbaycanlı qohumları
11:34 18 İyun 2021
Nobel mükafatçısı intim konsert verəcək – İlk dəfə
11:09 18 İyun 2021
Seymur Baycandan yeni kitab
10:42 18 İyun 2021
Nura Surinin oğlu qəzaya düşdü - Foto
10:09 18 İyun 2021
Rəşad Məcidin “Qələmsiz yazılanlar”ı rusca çap olundu
09:42 18 İyun 2021
O gündən Bəşər dayı qızını evə qıfılladı – Bircə yazır...
09:00 18 İyun 2021
Nazirlik ədəbiyyat müsabiqəsinin qaliblərini mükafatlandırdı
01:24 18 İyun 2021
Qadınlar sevmək üçündür, başa düşmək üçün yox - Sevgi haqqında qəribə aforizmlər
21:02 17 İyun 2021
Məşhur aktyor yeni seriala çəkilir
18:50 17 İyun 2021
Atası başını qırxıb oğlan kimi böyütdü: İki dahi bəstəkarımızın evlilik təklif etdiyi “yaralı turac” - Video
18:33 17 İyun 2021
Orxan Saffarinin ilk kitabı nəşr olundu - Foto
18:14 17 İyun 2021
Çingiz Abdullayevə AYB-də yeni vəzifə tapşırıldı - Eksklüziv
17:47 17 İyun 2021
Buqələmun gecə rəngini dəyişmir - Kino tariximizdə ilkə imza atan film
17:01 17 İyun 2021
Məşhur hind aktyor vəfat etdi
16:17 17 İyun 2021
Başını dik tut, mən şəhid oldum
15:29 17 İyun 2021
Nizaminin sözlərinə bəstələnmiş musiqi albomu buraxıldı
14:40 17 İyun 2021
Azərbaycanlı ifaçı beynəlxalq müsabiqənin Qran-Pri mükafatına layiq görüldü
13:52 17 İyun 2021