writer1

Şərif Ağayar

Məqalə sayı

541
clock11:36 calendar-gray 04 Fevral 2014 view-gray2257 dəfə oxunub
view-gray2257 dəfə oxunub

Qızlara qartopu atıb polisə düşənlər

Qar lövhələri

Mətbuat prospektində, Bakı Biznes Universiteti ilə üzbəüz modern bir dayanacaq quraşdırılıb. Şüşədən! Qarlı günlərin birində mənimlə yaxalaşan çovğunu çiynimlə itələyə-itələyə özümü bu dayanacağa çatdırdım. Düşündüm ki, küləkdən yayınsam soyuğun səbbi alınar bir az. Çatanda xəyal qırıqlığına uğradım: dayanacağın arxası yox idi. Kimsə söküb aparmış, yaxud sındırmışdı. Amma yerdə qırıq-filan yox idi. Əvəzində sağ tərəfdəki divardan asılmış ekranda durmadan musiqi səslənirdi. Ekranın yanında belə bir qeyd də vardı: “Nəqliyyatı İntellektual İdarəetmə Mərkəzi. Qaynar xətt: 142.”

Dayanacağın salamat qalmış şüşə divarın o birində isə kompüterdə səliqə ilə yazılmış belə bir bildiriş vardı: “Xahiş edirik, dayanacağı təmir edin, donuruq”.

***

Mən qışda qarı bol olan bölgədənəm. Adətən qar yağanda hava xoş olur. Bakıda bunun əksini gördüm. Bakıda qar yağanda hətta don da olurmuş... Bu şəhərdə qarın adamları sonacan sevindirə bilməməyinin bir səbəbi də budur yəqin...

Bir də ki, qar torpaq üçündür. Torpağın istisi, qarın soyuğu təbiətdə qəribə əhval yaradır. Qar asfaltın üstündə yalnız problem deməkdir.

***

Şənbə günü “ZERO” kitab mağazasında Cavid Zeynallının yeni kitabının təqdimatı keçirildi. Tədbirdən yazar dostum Qismətlə birgə çıxdıq və “Elmlər Akademiyası” tərəfdə bir yerdə yemək yedik. Səkilər və pilləkənlər çox sürüşkən idi. Qismət dedi, qaranlıqda yerimək çətin olacaq. Mən də təsdiqlədim.

Həmin gecə Qismət sürüşüb yıxıldı və ayağını sındırdı...

***

“28 May” metrosunun çıxacağında gənc qızlar bir dəstə gənc oğlanı polisə verdilər. Səbəb: “Bizə qartopu atıblar”

Azərbaycan insanı aqressivdir.

Dünyada qartopuya görə adamı polisə verən yeganə xalqıq yəqin ki!

Qar öz şən aurasını bizim gənclərə ötürə bilmir. Onlarda ya şitlik yaradır, ya da aqressiya.

***

Bu qarlı günlərdə daha bir unikal hadisənin şahidi oldum. Müşfiq qəsəbəsi tərəfdə... Kimsə kəlləsi üstdə qar adam düzəltmişdi. Etiraf edirəm, ömrümdə bu qədər ciddi dekonstruksiya görməmişdim...

***

Adamlar yıxılanlara gülmürdülər...

Bu da mənə maraqlı gəldi.

Nəinki gülmür, əksinə irəli durub yardım edirdilər.

Mən özüm bir neçə dəfə yardım etdim.

Bir dəfə isə yıxıldım...

Mənə də yardım etdilər.

***

Qardan şənlənən, həmişəki kimi, uşaqlar idi. Onlar yıxılanda da yavaş yıxılırlar. Çəkiləri yüngüldür, ona görə...

Çəkiləri yüngüldür və günahları azdır.

REKLAM

Yazarın digər yazıları

Xəbər lenti

Eldar Quliyev "İstiqlal" ordeni ilə təltif olunub
15:16 24 Yanvar 2021
İlbzlərin sevişməsindən həzz alan kişi
11:32 24 Yanvar 2021
Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modelyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021