news-inner
clock13:07 calendar-gray 20 İyun 2013 view-gray2689 dəfə oxunub
view-gray2689 dəfə oxunub

Azərbaycanda intim səhnələr necə çəkilir? ARAŞDIRMA

“Bu kinoda ki öpüşüllər, onlar doğrudan doğruya öpüşüllər, ya yalanmışdannan?”

Bu sualı Nəsibə xanım obrazının dilindən Musaya yox, elə aktrisanın özünə versəydi təxmin edin necə cavablar alınacaqdı? Filmlərdə intim səhnələri oynamaq aktyorlar, aktrisalar üçün nə qədər çətindir? Həm də cəmiyyətin yüklədiyi komplekslərdən savayı insanın öz bədəninə necə yanaşması məsələsi də var. Bədən çox zaman şəxsi, intim ərazi anlamına gəlib. Bədən canlıdır, o vasitə ola bilər, amma onun həm də metafizik qatı var. Bəs aktyorlar bu məsləyə necə yanaşırlar?

Yaradıcılıq insandan öz bədəninə fərqli baxış tələb edir. Bu daha fəlsəfi, daha dramatik, daha estetik ola bilər. Razılaşın, asan məsələ deyil. Bu baxışı görə bilməyən adamlarla əhatələnmisinizsə, vəziyyət çətindir. Azərbaycan kinosu və teatrında belə səhnələrin çəkilişi və ya tamaşası zamanı hansı problemlər yaşanır? Axı bir çox məmləkətlərdə olduğu kimi bizdə də namus, qeyrət anlayışı bədən, özəlliklə qadın bədəni ilə məhdudlanır. Aktyor sənətinə birmənalı olmayan münasibət də çox güman ki, bununla bağlıdır. Üstəlik sadə tamaşaçıda aktyoru oynadığı obrazla eyniləşdirmək vərdişi var. Mənfi qəhrəmanı uğurla oynayan aktyoru həyatda və ya müsahibədə mülayim görəndə təəccüblənirlər: “Həyatda yaxşı adammış...”

Bəlkə də məhz bu məsələlər aktyorlarda kompleks yaradır.

Məsələn, qeyri-rəsmi söhbətlərdən birində rejissor Cənnət Səlimova bir aktrisanın nişanlısının razılıq vermədiyini səbəb göstərib fahişə rolundan imtina etməsini söyləmişdi. Bir peşəkar aktrisanın belə münasibəti nə qədər doğrudur? Ümumiyyətlə buna rejissorun münasibəti necədir? Cənnət xanım buna daha anlayışlı yanaşdığını söyləyir: “Əgər aktrisa və ya aktyor üçün bu problemdirsə ona təzyiq etməyin, gileylənməyin mənası yoxdur. İnsanın səadətinə heç bir məqsəd mane olmamalıdır. Hər ölkənin öz qayda-qanunu, mentaliteti var. Ona hörmətlə yanaşmalıyıq”.

İllər əvvəl Yuğ Teatrında Vaqif İbrahimoğlunun hazırladığı “Canımda can” tamaşasında aktrisa Zümrüd Bəxtiyarın şəffaf örtüyün arxasında soyunması birmənalı qarşılanmamışdı. Bir tərəf tamaşanı şedevr rəfinə qoymuş, digər tərəf isə qəbuledilməz sayıb, pislənmişdi. Belə görməmiş münasibət üzündən tamaşa haqqında yazılanlar diqqətdən kənarda qalmış, müzakirələr başqa istiqamətə getmişdi. Zümrüd teatr səhnəsində tamaşaçı qarşısında soyunan ilk aktrisa idi.

Qadın bədənini mülkiyyət, mal hesab edən yazılmamış dini-patriarxal qanunların dağılma mexanizmi çox sadədir: sadəcə fərqli rakursdan yanaşma. Bu səhnə və ya kino materialının məzmunundan irəli gələn bir yanaşmadı-estetik, fəlsəfi, dramatik, poetik və s.

Kino tariximizdə də, teatrda da bu barədə baryerləri dağıdanlar var-məsələn, Münəvvər Əliyevanın “Qatil” tamaşasında aktyor Hikmət Rəhimovla oynadığı intim səhnələr bu baryerin nə qədər mənasız olduğunu göstərə bildi. Daha doğrusu bu səhnələr tamaşanın dramatik yükü ilə kompensasiya olundu. Zarafatla desək, tamaşa bəlkə də aktrisanın qəhrəmanının ikinci hissədə döyülməsi, ilk hissədəki intim səhnələrin bədəlini ödəməsi ilə qəbul olundu. Çılğın, mentalitet qoruyucusu olan tamaşaçılar bununla sakitləşdi. Bəs aktrisanın özü üçün bu kompleks idimi? O buna necə yanaşır?

Müsahibələrinin birində Rövşən İsaxın “Aktrisa” filminə çəkilməkdən imtina etdiyini deyən Münəvvər xanım bu baryeri keçdiyini söyləyir: “Biz yalançı oyunçuluqla məşğul deyilik. Biz səhnədə yaşananları öz içimizdən keçiririk. Məncə peşəkar aktrisanın belə kompleksi olmamalıdır. Əlbəttə əvvəldə məni qorxudan şeylər var idi, amma bunlar onun qəbul olunub-olunmamağından keçirdiyim narahatlıq idi.

Bilirəm ki, heç nə yüz faizlik qəbul olunmur, qəbul etməyən tamaşaçı da var. Amma mən keçmişlə müqayisə etməyi düzgün saymıram. Bizim mif hesab etdiyimiz tamaşaları indi göstərsələr ona heç kim baxmaz. Mütəxəssislərin qiymətləndirməsi vacib idi və bu tamaşa haqda Aydın Talıbzadə kimi teatr bilicisindən yüksək fikirlər eşitdim. Bir də bədənim imkan verməsəydi bunu etməzdim. Bu tamaşadan sonra başqa teatrlarda da belə elementlər gördüm. Kimsə birinci olmalı idi”.

“Ev”, “Tabutçunun yelləncəyi” filmində obrazlarının intim və çılpaq epizodlarını canlandıran aktyor Rasim Cəfər bunun bir peşəkarlıq məsələsi olduğunu deyir: “Əslində peşəkarlıqdan söhbət gedirsə intim, çılpaq səhnələr normal bir şeydir. Xüsusilə kinoda... Ona görə də buna yanaşmamız da peşəkarcasına olmalıdır. Filmdə soyunmaq, intim səhnələri canlandırmaq-təbii ki əgər bunlar vacibdirsə, filmdə hər hansı bir missiyanı yerinə yetirirsə), abır-həyadan əl üzmək, tərbiyəsizlik deyil. Aktyorun bədənlə bağlı bir kompleksi ola bilər, görünüşü ilə bağlı, amma o, bədənində qüsur sayılanı etalona çevirməyi bacarmalıdır...”

“Xarici kinolar”...

Yazının əvvəlində Nəsibə Zeynalovanın qəhrəmanının verdiyi suala əsəbi var-gəldən sonra bir cavab gəlir- “dediyin xarici kinolarda olur, bizim kinolarda, elə-belə, yalandan”. “Xarici kino” üçün də intim səhnələrin çəkilişi ilə bağlı eyni baryerlər ola bilər. Və o zaman tamaşaçının “onlar bunu doğrudanmı edirlər?” Kimi sualı yaranır. Məşhur kinouzlduz Ancelina Coli buna məntiqli bir izah verir:

“Təsəvvür edin ki, çəkiliş meydanında onlarla adam ora bura qaçışır və onların gözü qarşısında bu səhnələr çəkilir. Burada məsələ o qədər texniki olur ki, bunun hansısa hisslər yaradacağı tamaşaçıya ötürülən hisslərin həqiqətən də yaşanması sadəcə gülməlidir”.

Hərçənd başqa nümunələr də var: aktyor Marlon Brandonun sözlərinə görə, Bertoluççinin “Parisdə sonuncu tanqo” filmində rejissor sevişmə səhnələrinin həqiqətən baş verməsini istəyib. Və Marlon Brando və Mariya Şnayderin iştirak etdiyi həmin səhnələrin çəkilişindən sonra ikinci təhqirdən və ağrıdan ağlayıb. Marlon Brando isə filmdən sonra 20 il Bertoluççi ilə küsülü qalıb.

İntim səhnələri “könülsüz” çəkənlər də var: məsələn ispan rejissor Pedro Almadovar bu səhnələrin çəkilişini vacib hesab etmir:

“Məncə o əhvalatı ləngidir. Bunun üstündən tez keçmək lazımdır.

Dünyada intim səhnələrə çəkilmək istəməyən və ya buna bədəni imkan verməyən aktrisaların yerinə dublyorlar çəkmək təcrübəsi də var. Və ya məxsusi olaraq filmdən ötəri intim bölgələr və təmas yerləriüçün xüsusi örtüklər də hazırlanır. Hər şeyəkapitalist dünyagörüşü ilə yanaşan Hollivud kino sənayesi tamaşaçının tələblərini –arzularını mütləq nəzərə alır. Yetər ki, bu filmlər satılsın...

news-inner-user
Aliyə

998 məqalə

Oxşar xəbərlər

Xəbər lenti

Nizamini dərin hissiyyatlı kadrlar öyrənməlidir - Cavanşir Yusifli yazır...
10:01 18 Yanvar 2021
Xudu Məmmədovun oğlu: “Mən çatanda atam yerdə uzanmışdı, ona süni nəfəs verirdilər” – Müsahibə
09:00 18 Yanvar 2021
Nana sevirdi - Nərmin Kamaldan hekayə
12:31 17 Yanvar 2021
“Ah, bu uzun sevda yolu” onlayn nümayiş ediləcək
17:20 16 Yanvar 2021
“Əli Kərim deyib ki, məndən yaxşı yazır” - Azərbaycanlı şairin son müsahibəsi
16:30 16 Yanvar 2021
Muzey və sərgi salonları bu tarixdən fəaliyyətə başlayacaq
15:17 16 Yanvar 2021
Çıxın dağlara-daşlara səpələnək, atışaq - Eyvaz Əlləzoğlunun hekayəsi
13:32 16 Yanvar 2021
20 Yanvarla bağlı sənədli film çəkilir - Video
12:15 16 Yanvar 2021
"Xəmsə möcüzəsi" müsabiqəsinə start verildi
11:15 16 Yanvar 2021
Fuad Poladov: “Nəyə görə həbs olunduğumu bilməliydim” – Müsahibə
09:00 16 Yanvar 2021
Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021
Cəfər Cabbarlı ilə Səməd Vurğun Onu niyə anlamırdılar?
17:14 15 Yanvar 2021
Görkəmli ingilis rejissorun kitabı Azərbaycan dilində - İlk dəfə
16:30 15 Yanvar 2021
Yaşamak bir ağaç gibi... – Günün şeiri
15:51 15 Yanvar 2021
Ərə vermək üçün yaşını artırdılar, prokuror qaynı oğlunu əlindən aldı, evində ölü tapıldı - Məşhur aktrisanın film kimi həyatı
15:11 15 Yanvar 2021
Netflix “Leyli və Məcnun” filmini çəkdi: Azərbaycanlı oğlan və İndoneziyalı qız - Video
14:31 15 Yanvar 2021
Şuşaya Üzeyir bəylə qayıtmağın fəziləti
14:07 15 Yanvar 2021