writer1

Aliyə

Məqalə sayı

999
clock14:50 calendar-gray 13 May 2013 view-gray1619 dəfə oxunub
view-gray1619 dəfə oxunub

Müğənni evlərindən kasıb komalarına

Kəndin palçıqlı və sürüşkən torpaq yolunda sürüşə-sürüşə gəlin aparan, bəzəkli ”Niva”nın yanınca ucaboylu bir adam ətəkləri palçığa bata-bata, kamerasını haylaya-haylaya gedir... Bu adam “Səyyah” verilişinin aparıcısı Səbuhi Yusibovdur.

Əslində, o, bər-bəzəkli, mərmərli-təmirli bahalı yerləri, əyləncə komplekslərini, lüks içində olan adamları və əşyaları göstərən, “budur həyat” deyən teleefirin o biri üzündəki adamları haylayır. O adamları ki ekrana baxanda köks ötürüb deyirlər- “Neynirlər ee bizi”.

Haylayır və yığıb tamaşaçılara başqa həyat göstərir və deyir: “bax, həyat, insan budur!” Bahalı evlər gəzən, müğənnilərin qarderoblarını eşələməyi təzəcə tərgidən, “brend” adamlar, tanınmış insanlar istehsal, “adəmi adəm eləyən paradır” şüarını tamaşaçının beyninə həkk edən, dəbdəbə xəstəsi olan televiziyaya başqa dəyərləri tanıdır, kəndin parıltısız sadə həyatını, insanlarını göstərir.

Və gedib kəndin varlı-hallı, sayılıb-seçilən adamlarını, yaraşıqlı evlərini soruşub axtarmır. Qapısını Allah qonağına açan fəqir-füqəranı yoluxur. Get-gedə qlamurlaşan televiziyaya sadə insanları göstərir. Kim utanacaq?

Dəyəri maddiyyat olan adamla yoxsulun görüşməsi dünyadakı ən pis səhnədir. Bəlkə də kamera görəndə dünyagörmüş arvadların yaşmaqlanması, utanması, gənc qadınların qaçması, gizlənməsi bu səbəbdəndi-onlar bu qlamursevər, əşyaçı televiziyanı tanıyırlar.

Amma bir iş var, onlar artıq “Səyyah”ı da tanıyırlar.

Vətənin ruhunu bu sadə adamların gülüşündə, səsində, ümidində, sevgisində, sevincində, kədərində, qayğısında axtaran Səbuhini də tanıyırlar. Səbuhi bizim şəhərli yazarlar, aparıcılar kimi onları qınamır, “niyə qara geyinirsiniz?”, “bu nə adətlərdir?”, “bu musiqilər nədir?” – soruşmur. Səbəbləri bilir və olsa-olsa “Ağsu ağardır, yoxsa qaraldır?” kimi absurd suallar verir. Bunlar elə suallardır ki ona elə çox fərqli də cavablar almaq olar.

Güvəndiyi tək şey camaatın “Adəmi adəm eləyən paradır” deyənlərdən qoruya bildiyi dəyərlərdir - comərdlik, səxavət, mərdlik, ümid, sevgi...

Verilişin indi də efirə gedib-getmədiyini bilmirəm, yalnız bir sayına, çox güman ki, təkrar verilən bir sayına baxdım.

Səbuhinin verilişi elədir ki, çəkdiklərinin şərhə, istiqamətə, heç nəyə ehtiyac yoxdu. Ölkənin bölgələrini - kəndlərini gəzir və qarşısına çıxan adamlarla hal-əhval tutur. Və bir hal-əhvalla, az qala bir kəlmə ilə kənd adamların həyat şərtləri, qayğıları, sevinci, kədəri görünür.

Məsələn, Səbuhi Cəlilabadın hansısa kəndində yeganə malakan cütlüyü göstərir. Mişa kişi və Dina arvad. Onları danışdırır. Təklik, ümidsizlik, qocalıq onları əzik-üzük bir görkəmə salıb. Səbuhi onların evini, həyətini, qəbiristanlığını, miskin həyatının keçmişini gələcəyini göstərir-şən bir malakan musiqisi altında sanki bir ekzotika kimi təqdim edir. Bu musiqi, bu təqdimat ekrandan görünən miskinliyi ört-basdır etmir, əksinə, qabardır. Baxırsan və ürəyin varsa kədərlənirsən...

REKLAM

Yazarın digər yazıları

Xəbər lenti

Dayısı oğlu onu zorladı, bacısı ilə sevgili oldu, özünü göldə boğdu...
21:00 25 Yanvar 2021
Venesiya karnavalı ilk dəfə onlayn formatda keçiriləcək
19:03 25 Yanvar 2021
Şuşa Teatrı haqqında film çəkildi
18:38 25 Yanvar 2021
Brilliant, Faiq, Aygün, Röya... - Onları belə görmədiniz
17:47 25 Yanvar 2021
Gecə qəfil evimə gələn qaradərili oğlan – Azər Əhmədovun qısa hekayələri
17:11 25 Yanvar 2021
Afaq Məsud Meksika səfiri ilə görüşdü
16:47 25 Yanvar 2021
Azərbaycanlı bəstəkar haqqında kitab çap edildi
16:33 25 Yanvar 2021
Dövlət varidatı elan olunmuş əsərlərdən istifadəyə görə qonorardan istifadə qaydası
15:55 25 Yanvar 2021
Atamın Qarabağda qalan əlləri – Hekayə
15:17 25 Yanvar 2021
Aygün Kazımovanı arxada qoydu, vərəmə tutuldu, 31 yaşında Amerikada güllələndi – Azərbaycanlı müğənninin faciəvi həyatı
14:37 25 Yanvar 2021
Beynəlxalq ədəbiyyat mükafatının qalibi bəlli oldu
13:58 25 Yanvar 2021
Türk aktyor evində ölü tapıldı
13:15 25 Yanvar 2021
2020-ci ildə Azərbaycanda ən çox satılan 10 kitab - Siyahı
12:34 25 Yanvar 2021
“Netflix”də çəkilən ilk aktrisamız: “Çox yaxşı qonorar verdilər” – Müsahibə
12:05 25 Yanvar 2021
Peyvənd qorxusu, toy dərdi və öldürülən yeganə azərbaycanlı
11:14 25 Yanvar 2021
Tanınmış ssenarist vəfat etdi
10:44 25 Yanvar 2021
Ağalar Qut Sabiri tənqid erəkən... - Təbrizdən yazırlar
10:15 25 Yanvar 2021
Muzeylər açıldı
09:35 25 Yanvar 2021
Günel Mövludun ən böyük nöqsanı – Cavid Ramazanov “Düşərgə”dən yazır...
09:03 25 Yanvar 2021
Eldar Quliyev "İstiqlal" ordeni ilə təltif olunub
15:16 24 Yanvar 2021