Niderlandın "AVROTROS" ictimai yayımçısı Qəzza müharibəsi fonunda yaranan siyasi bölünmələrin yarışmanın bitərəf xarakterinə xələl gətirməsini əsas gətirərək 2027-ci ildə keçiriləcək "Avroviziya" Mahnı Müsabiqəsində iştirak etməyəcəyini bəyan edib.
Kulis.az xəbər verir ki, yayımçının baş direktoru Tako Tsimmerman beynəlxalq münaqişələrin tədbirə mənfi təsir göstərdiyini və yarışmanı siyasi ayrıseçkilik platformasına çevirdiyini bildirib.
Təşkilatçıların son vaxtlar silahlı münaqişələrdə iştirak edən ölkələrin ev sahibliyi hüququnu məhdudlaşdıran yeni qaydalar tətbiq etməsinə baxmayaraq, "AVROTROS" bu dəyişikliklərin müsabiqənin müstəqilliyini bərpa etmək üçün kifayət etmədiyini vurğulayıb.
İsrailin iştirakı səbəbindən boykot və etirazlarla qarşılaşan 2026-cı il müsabiqəsini 131 milyon nəfər izləyib.
Bu göstərici Niderland, İslandiya, İspaniya, İrlandiya və Sloveniya kimi ölkələrin boykot etməsi nəticəsində əvvəlki illə müqayisədə 35 milyon nəfər azalıb.
2026-cı ildə Vyana şəhərində keçirilən 70-ci "Avroviziya" yarışmasında bulqarıstanlı müğənni Dara (Darina Yotova) "Bangaranga" mahnısı ilə qalib olub.
Bununla da, 2027-ci il mayın 15-də keçiriləcək növbəti müsabiqəyə ilk dəfə olaraq Bolqarıstanın Burqas şəhəri ev sahibliyi edəcək.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
