writer1

Şərif Ağayar

Məqalə sayı

550
clock11:49 calendar-gray 04 Fevral 2013 view-gray3412 dəfə oxunub
view-gray3412 dəfə oxunub

Bill Qeytsin sirrini çözürəm

Yəqin kompüterlə gündəlik əlaqəsi olan insanların çoxuna bəlliymiş ki, “Con” adlı fayl və ya qovluq açmaq mümkün deyil. Mən bunu yaxınlarda öyrənmişəm və açığını deyim, xeyli marağıma səbəb olub. Nədən? İstifadəçisinə sonsuz azadlıq imkanı yaradan bu qeyri-adı cihaz niyə məhz bu sözə yasaq qoyur? Cavabların birincisi, səmimi deyim ki, bir balaca lağıma gəldi. Sən demə, uşaqlıqdan Bill Qeytsə “Con” ləqəbi veriblərmiş və onun bu addan zəhləsi gedirmiş. Adamlarda qəribəliklər olur, ancaq nədənsə bu söhbətə heç cür inana bilmədim.

Müxtəlif mənbələrdə bəhs etdiyim məsələyə müxtəlif yozumlar tapa bilərsiniz. Odur ki, bu barədə çox danışmayıb yalnız bircə - ən ağıllı variantı diqqətinizə çatdırıram: “Con” Configuracion (konfiqurasiya) sözündəndir və kompüterin bir çox spesifik əməliyyat sistemləri bu qısaltma altında saxlanılır. “Con” adlı istənilən fayl və qovluq sistemin işində qarışıqlıq yarada bilər. Həm istifadəçi, həm də kompüterin özü üçün...

Nə isə... Sözüm bunda deyil. Sözüm ondadır ki, bu məlumatı oxuyandan sonra bir alim dostumla zarafatlaşmaq istədim. Ona yazdım ki, “Con” adlı fayl və ya qovluq yarada bilsən sənə ürəyin istədiyin yerdə ürəyin istəyən qonaqlıq verəcəm!”

10 dəqiqə keçməmiş dostum “Con” adlı faylı mənim inboksuma atdı... Gözüm kəlləmə çıxdı...

Bu necə ola bilər? Yox yerdən özümü bu qədər xərcə salmağım bir yana, onun buna necə nail olması məni heyrətləndirdi. Biz kompüteri yaradıb inkişaf etdirənlərdən çoxmu bilirik? Belədirsə, bəs ondan daha ciddi bir kəşfimiz niyə yoxdur?

Təbii ki, ilk ağlıma gələn saxtakarlıq oldu. Özümüzü yaxşı tanıyıram axı! Xeyli baş işlədəndən sonra dostumun rusdilli olduğu yadıma düşdü. O, çox zaman fb-də Azərbaycan dilində yazışanda da rus əlifbasından istifadə edir. Məsələn, tutaq ki, belə: “Яхшыйам. Сэн неджэсэн?” Və anındaca başa düşdüm ki, mənə göndərilən faylın ilk iki hərfi ingilislərin “C” hərfi deyil, rusların “S” hərfidir. “O” hərfinin isə problemi yoxdur. Bütün əlifbalarda yumrulanıb durur, dünya vecinə deyil. Ancaq “N” hərfi xeyli mübahisəlidir. Çünki rus əlifbasında “P” kimi oxunan bu naqolay hərfin işarəsi ingilislərin “N” hərfinə bənzəmir. Deməli, bu iki hərfdən sonra dostum əlifbanı ingilisə çevirərək rahat bir “N” hərfi yazıb. Bir rus hərfi, bir naməlim “O” hərfi, bir dənə də ingilis hərfi yazmaqla dostum dünyanı şaşırdacaq bir yeniliyə imza atdı və faktiki olaraq “Con” kimi oxunan fayl yarada bildi.

Açığı, bu həftəbecər “Con” kəlməsi məni xeyli düşündürdü. Nədənsə hərədən bir hərf və ortada naməlum bir “O” hərfi vətənimizin və xalqımızın unikal təşbehi kimi gəldi mənə. Bunu əldə etmək üçün düşünülmüş fırıldaq isə artıq xarakter məsələsidir. Dərvişin Parisi partlatmasını xatırlayın...

Biz hamını asanlıqla aldada bilirik, amma açdığımız fayllar heç vaxt gerçək fayllar olmur. Bundan isə yalnız kim ziyan çəkir? Əlbəttə ki, özümüz!

REKLAM

Yazarın digər yazıları

Xəbər lenti

Qonşuda bir gözəl vardı... - Ramiz Əzizbəylinin şeirləri
11:01 13 İyun 2021
Azad Qaradərəlinin yeni kitabı çap olundu
18:30 12 İyun 2021
Məşhur aktrisalar eyni filmdə
17:23 12 İyun 2021
Filmi qorxudan başqa ölkədə çəkdilər: Ölüm fətvası verilən yazıçının romanı necə ekranlaşdı?
16:30 12 İyun 2021
Bu roman yazılmalı deyildi – Seymur öz romanından yazır...
15:40 12 İyun 2021
Aleksandr Sokurov yeni filmindən danışdı
14:20 12 İyun 2021
Ramil Əhmədin Orxan Pamukla bağlı kitabı çap olundu
12:55 12 İyun 2021
İsa Hüseynovun qızı: “Uşaqları olmadığı üçün anamı ondan boşatdırmaq istəyirmişlər” - Müsahibə
12:30 12 İyun 2021
Məşhur filmin ikinci adı bəlli oldu
11:39 12 İyun 2021
Respublika Gənclər Kitabxanası Belinskiyə həsr olunmuş silsilə materiallar hazırlayıb
10:12 12 İyun 2021
“Almanı atdım xarala” mahnısındakı gizli məna nədir? – Unudulmaz mahnılar
09:03 12 İyun 2021
Kamal Abdullaya "Şərəf" ordeni təqdim edildi
18:42 11 İyun 2021
Nizami haqda yeni monoqrafiya - Rus dilində
18:01 11 İyun 2021
Atası anasını öldürməsin deyə, evdəki bıçaqları gizləyən qızcığaz
17:25 11 İyun 2021
Vaqif Səmədoğlu medalı sahiblərinə təqdim edildi
16:44 11 İyun 2021
Mikayıl Müşfiqə aid olduğu bildirilən qalıqlarla bağlı araşdırmaya fasilə verildi
16:02 11 İyun 2021
Xəyanət etməyən azərbaycanlı kişilərin problemi
15:14 11 İyun 2021
Rejissorumuz beynəlxalq mükafat aldı
14:36 11 İyun 2021
Atamı öldürən səbəb - Alpay Azər yazır
13:45 11 İyun 2021
Bu gün Kulisdə premyeradır – Qaçırmayın!
13:01 11 İyun 2021