writer1

Sərdar Amin

Məqalə sayı

132
clock11:15 calendar-gray 02 İyun 2021 view-gray1678 dəfə oxunub
view-gray1678 dəfə oxunub

Sabiri sabunla çimizdirənlər

Bu, arabir baş verir – bəlkə də ildə iki dəfə. Ola bilsin, daha tez-tez. Bir dəfə şahidi olmuşam. Sabir bağında Sabirin heykəlini yuyurdular... Çox səliqəylə... Əvvəlcə köpük vurdular, sonra su şırnağı ilə ölkəmizin ən qədim heykəlini bədənnüma yudular...

Yaxşı xatırlayıram, harasa gecikirdim, amma hara gecikdiyimi xatırlamıram, mən ordan keçəndə işə təzəcə başlamışdılar... Bədəni ağ sabun köpüyündə, üzünə baxdım.

Ordan uzaqlaşdıqca mənə elə gəldi ki, Sabir gülümsəyirdi.

Elə xoş idi, elə xoş idi, gedəcəyim yeri boş verdim, tələskənliyimi yad çərpələng kimi əlimdən buraxdım. Mən geri dönəndə harasa tələsən insanlarla üz-üzə gəlirdim. Ürəyimdən keçdi ki, onları da özümlə geri çevirim, mənim duyduğumla tanış edim...

Sabir bağına çatanda şair artıq ağappaq köpüyün içində idi. Gedib bir skamyada oturdum. Ətrafda qaçışan uşaqların çığırtıları, bir az o yanda sevgili cütlüklər, dincələn qocalar...

Mən Sabirin ağ köpük altından doğan üzünə baxanda bütün olub-keçənlərə rəğmən ölkəmlə qüdsi bir fəxarət yaşadım.

Gözəl insanların, şimşək kimi ideyaların sağlığına!

Əgər, dünya bir kitabdırsa, Sabirin Şamaxıda illərlə sabun bişirməsi Tanrının onun amalına etdiyi metaforadır. Kirin, pasın bağrına qonub qar bəyazı misralar yazan bu adam, üstəlik sabun bişirirdi.

Sabirin heykəlinə vurulan sabun sinəsi aşağı axır, su şırnağının qabağına qatdığı toz, pas yaralı ilan kimi uzaqlaşırdı...

Mən bu cümlələri çox sevirəm: “Bu gündən etibarən bütün gücümü romanlarıma sərf edəcəm. Artıq romanlarımın taleyimi dəyişəcək gücdə olduğuna əminəm”.

Bunu Markes jurnalistika fəaliyyəti ilə vidalaşanda demişdi. Dostoyevski isə ordudan istefa qərarına gələndə və qardaşı buna qarşı çıxanda ona belə bir məktub yazmışdı:

"Əsgərliyə kartofa nifrət etdiyim qədər nifrət edirəm. Heç peşman deyiləm. Bir ümidim var. Romanımı bitirmək üzrəyəm. Orijinal bir əsər olacaq".

İnsanların sevdiyi ideyaya söykənmək cəsarətini tapa bilməsi gözəl nemətdir. Sevdiyin yerdən qazanmaq, dolanmaq elə xoşbəxtliyin digər adıdır.

1907-ci ilin əvvəllərində Sabir sabun bişirib satmağı dayandıraraq, mətbuat və maarif sahəsində çalışmaq, şeir yaradıcılığını daha müntəzəm davam etdirmək qərarına gəldi. Ancaq heç nə dəyişmədi. O, yenə də sabun hazırlayırdı. Onu hər an öldürməyə hazır olan qaragüruhun körpə balaları qoturdan, bitdən xilas olsun deyə.

Bir vaxtlar zəlzələdə tozun torpağın içində qalan, Balaxanıda acqarına, ölümə qənşər dərs deyən Sabiri bu gün dalaşdığı, üz-göz olduğu, təhdid aldığı – amma yorulmadan doğru yola çəkdiyi kişilərin nəticələri şəhərin gül yerində, ağappaq sabun köpüyü ilə çimizdirir...

Narıncı kombenzon geyinən işçi əlindəki su şırnağının krantını bağlayır. Yoldaşına nəsə deyib, heykəlin arxasına keçir. Bir daha Sabirin hər yönünə baxır, təmizliyinə əmin olduqdan sonra şlanqı qoluna bükə-bükə ordan uzaqlaşır.

Günəş öncə heykəlin başını, sonra bədənini asta-asta qurudur.

Tələsmədən bağdan uzaqlaşdım.

Gözümün önünə bir daha Sabirin çöhrəsi gəldi, həqiqətən də gülümsəyirdi.

REKLAM

Yazarın digər yazıları

Xəbər lenti

"Yeddi oğul istərəm" filminə çəkildiyinə görə peşman olub ağlayan Xalq artisti - Maraqlı faktlar
21:00 22 İyun 2021
Bakı Musiqi Akademiyasının 100 illiyi qeyd edilib
19:30 22 İyun 2021
Şuşa ilə bağlı yeni qurum yaradıldı
18:47 22 İyun 2021
Dinlə, gör nə deyir bu dəli-dəli...
18:02 22 İyun 2021
Aqşin Yenisey: "Ədəbiyyatımız reanimasiya xəstəsidir" - Müsahibə
17:15 22 İyun 2021
Evində ölü tapılan Çingiz: bu gün dünyasını dəyişən rejissor kimdir?
16:26 22 İyun 2021
Türkiyə növbəti il "Avroviziya"da iştirak edəcəkmi?
15:44 22 İyun 2021
Xətai Akvarel Qalereyasından maraqlı tədbir
15:01 22 İyun 2021
Pandemiya harınlamışlara dərs oldu – Müğənnilər toy sevincini bölüşür
14:10 22 İyun 2021
Azərbaycanlı rejissor vəfat etdi
14:01 22 İyun 2021
Mədəniyyət Nazirliyində seçkilər keçiriləcək
13:19 22 İyun 2021
Sevdiyi qızın qrup yoldaşını döydü, həbsxanada şəkər xəstəliyi tapdı, oğlunun ölümünə görə gəlinini təbrik etdi - Xəlil Rzadan 10 qeyri-adi fakt
12:37 22 İyun 2021
Vandamın qudası niyə gündəm olur? - Mətbuatın sirri
12:01 22 İyun 2021
Sözümüzün Cahangiri - Müşfiq Şükürlü yazır
11:30 22 İyun 2021
Bir şairi öldürdülər – Günün Şeiri
11:00 22 İyun 2021
Anarın hekayəsi Monteneqronun populyar saytlarında
10:30 22 İyun 2021
Tanınmış şair vəfat etdi
09:56 22 İyun 2021
Azərbaycanlı yazıçıdan lezbiyan haqda hekayə: Mən səni həmişə sevəcəm
09:01 22 İyun 2021
Jan Pol Sartrın dahiyanə hekayəsi – Mətn
21:00 21 İyun 2021
Nizami Gəncəviyə həsr olunmuş beynəlxalq konqres keçiriləcək
18:56 21 İyun 2021