news-inner
clock10:05 calendar-gray 08 May 2021 view-gray1501 dəfə oxunub
view-gray1501 dəfə oxunub

Qətlə yetirilmək istərdim: Gecənin qaranlığında... Bıçaqla...

Necə ölmək istəyərdim? Qətlə yetirilərək. Ölümü seçsəm, yalnız bunu seçərəm. Bir qatilim olsun, uzun müddət məni izləsin, hara getdiyimi, kimlərlə oturduğumu əzbərə bilsin. Sonra gecənin qatı qaranlığında bıçağı keçirsin böyrümə. İstəyərəm, ölmədən əvvəl onun üzünə baxa bilim. Amma düşünürəm ki, mənim qatilim çox istedadsız olar. Vurduğu yerə bıçaq girməz, mən də başımı bulayıb çıxıb gedərəm.

Bu oxuduğunuz hissə hansısa romandan, yaxud hekayədən deyil, özümdəndir. Düzü, ölmək istəyini bu cür faş etmək doğru və etik deyil, sadəcə mən də öz arzumu dilə gətirdim. Yaxşı, yaxşı, zarafat edirəm. İnanmayın. Ölmək çox pisdir. Heç vaxt, həyatımın ən çətin, çıxılmaz anlarında belə ölmək istəmədim. Səbəbi də bilirsiniz nədir? Ölümdən sonra nə olacağını bilmirəm. Hərə bir söz deyir. Din deyir, cəhənnəm, ya cənnət, qəbir əzabı-filan var. Buddizm deyir, reankarnasiya olacaq, təzədən dünyaya ayrı bir canlı kimi qayıdacağıq. Elm deyir, biz bioloji varlığıq, bir gün robot kimi batereyamız sönəcək və sadəcə cəsəd olaraq qalacağıq. Və sair və ilaxır.

Vaqif Səmədoğlunun sözləri yadıma düşür:

"Ömür boyu ölümün nə olduğu haqda düşündüm, yazdım, amma onu anlaya bilmədim. Bir azdan sonra anlayacağam, buna sevinirəm. Məni ağrıdan odur ki, anladığımı heç kimə deyə bilməyəcəyəm. Barı zəng etmək mümkün olsaydı..."

Çox dəhşətli hisdir. Ölümdən sonra nə olduğunu görəcəksən, amma öldüyün üçün bu haqda heç kimə danışa bilməyəcəksən.

Ölümə məhkumların dəhşətli taleyini əks etdirən bir əsər var: Leonid Andreyev "Yeddi məhbusun hekayəsi". Yazıçı onların ölümqabağı keçirdiyi hisləri dahiyanə şəkildə təsvir edib.

Asılacaqları gün aralarında biri çox qorxur, ona siqaret uzadırlar, daha sonra deyib-gülürlər. Birinin yanına anası gəlir. Bu səhnənin qarşısında Tanrı da acizdir.

Bu əsər nə vaxt yadıma düşür, sarsılıram. Bu arada Kieslovskinin "Dekoloq"unda da eyni səhnə məni dəhşətə gətirmişdi. Asılacaq cavan oğlana son dəfə siqaret verirlər. O, çəkib qurtarandan sonra polislərin əlindən çıxmaq istəyir, çırpınır, qışqırır. Tez-tələsik onu ipin yanına gətirirlər, qəddar üzlü cəlladlar asırlar cavan oğlanı və çığır-bağır sona çatır.

Nazim Hikmətin yoldaşına yazdığı şeirdə belə bir misrası var:

Zavallı bir çingenin kıllı,
siyah eli geçirecekse ipi boğazıma,
mavi gözlerinde korkuyu görmek için
boşuna bakacaklar Nazıma.

Edam olunanların taleyinə acıyıram.

Bir ara Dəniz Gezmiş haqda oxudum, özümü itirdim, gördüm ki, səhhətimə pis təsir edir.

Yaşadıqlarımdan dəqiq bilirəm ki, hətta intihar edənlər belə bircə anlıq şansları olsa həyata qayıtmaq istəyərlər.

Nə qədər çətin və ağır olsa da, yaşamaq hər zaman öndədir, hamı o həyat şərbətindən doyunca qurtumlamaq istər.

Son vaxtlar ölümlər yaman artıb. Ya əvvəl də beləydi? Bilmirəm. Bəlkə də sosial şəbəkələrin, medianın gücüdür bu: artıq ölüm xəbərlərini saniyəbəsaniyə izləyirik. Yılmaz Erdoğanın "Vizontele" filmində qəsəbəyə gələn televizorda ilk xəbər şəhid xəbəri olur. Bəzən texnologiya bizim göz yaşlarımızı tezləşdirir.

Hər ölüm vaxtsız ölümdür. Dəqiq ifadədir. Düzdür, ölüm də bir az mənə görə, möhtəşəm olmalıdır. Hər ölüm eyni dərəcədə sarsıtmır, zənnimcə. Elə ölümlər var, hətta o ölümlərə adamlar sevinirlər. Elə ölümlər də var, bizi yandırır, gedənin arxasınca bütün gücün, cəsarətin də gedir.

Hər iki halda ölüm dəhşətlidir və mən bir yazımda da demişdim, ölümə sevinmək insanın qüsurudur.

Düşmənin ölümünə belə sevinmə!

Hamımıza çox yox, yaxşı, sevgi dolu yaşamaq arzulayıram. Əsas yaşamaqdır. Yaşadığını hiss etmək. Öləndə "yaşadım" deyə bilmək üçün.

Bir də Nazim Hikmətin "Yaşamağa dair" şeirindəki kimi yaşamaq. Adam o şeiri oxuyanda istəyir ölüb təzədən dirilsin və gəlib öz həyatını o şeirdəki kimi yaşasın.

news-inner-user
Ayxan Ayvaz

529 məqalə

Oxşar xəbərlər

Xəbər lenti

Bir şairi öldürdülər – Günün Şeiri
11:00 22 İyun 2021
Anarın hekayəsi Monteneqronun populyar saytlarında
10:30 22 İyun 2021
Tanınmış şair vəfat etdi
09:56 22 İyun 2021
Azərbaycanlı yazıçıdan lezbiyan haqda hekayə: Mən səni həmişə sevəcəm
09:01 22 İyun 2021
Jan Pol Sartrın dahiyanə hekayəsi – Mətn
21:00 21 İyun 2021
Nizami Gəncəviyə həsr olunmuş beynəlxalq konqres keçiriləcək
18:56 21 İyun 2021
Mədəniyyə nazirliyi yeni müsabiqə elan etdi
18:22 21 İyun 2021
Məşhur aktyor dünyasını dəyişdi
17:43 21 İyun 2021
Kitab yandıran qonşu qadın – 13 yaşlı Selcanın hekayəsi
17:11 21 İyun 2021
Nizami Gəncəvi yaradıcılığı Ukrayna radiosunda
15:39 21 İyun 2021
Şair, yazıçı, müğənni, bəstəkar…
14:49 21 İyun 2021
Fulya Öztürk: “Film təklifinə çox təəccübləndim” – Video
14:01 21 İyun 2021
Qarbaçovu üzünə söydü, özündən xeyli cavan xanımla evləndi, qızı ona görə intihar etmək istədi – Dövlət katibimizin faciəvi sonu
14:01 21 İyun 2021
“Dünyanın sülh kitabı”nda azərbaycanlı yazıçı da yer aldı
13:35 21 İyun 2021
Dədə Süleyman: "Ayıb olmasın deyə, atam adımı dəyişdi" - Müsahibə
12:52 21 İyun 2021
El Romanın imza günü keçiriləcək
12:49 21 İyun 2021
Fulyadan film çəkən rejissor: “Mənim belə bir öhdəliyim yoxdur” – Müsahibə
12:11 21 İyun 2021
Vahidin bu şeirinin bir misrasını başqa şair yazdı – İlginc fakt
11:30 21 İyun 2021
Aysel Əlizadə yazarlara çağırış etdi: “Bu təklifimə qoşulun”
11:01 21 İyun 2021
Fulya Öztürkdən film çəkilsinmi?
10:22 21 İyun 2021