writer1

Svetlana Turan

Məqalə sayı

60
clock08:30 calendar-gray 03 Dekabr 2012 view-gray1845 dəfə oxunub
view-gray1845 dəfə oxunub

Bu analardan ağıllı söz eşitməzsən

Bəzən böyüklərin anlamadıqları və ya əhəmiyyət vermədikləri insanları kiçicik uşaqlar intuitiv olaraq hiss edirlər.

Böyük qızımı artıq neçənci dəfədir ki, rəqsə aparıram. O, rəqslə məşğul olan vaxt mən yan otaqda oturub onu gözləyirəm. Yan otaq isə mürəbbənin üstünə yığışıb vızıldaşan arılara bənzəyən analarla dolu olur.

Hamısı oturub qeybət qırırlar. Ağıllı, mənalı bir söz də eşitməzsən. Hər dəfə də analardan biri torbasından cürbəcür əşyalar çıxarıb alver etməyə başlayır. Bu analara nə rəqs otağındakı uşaqların ayaq tappıltıları, nə də nağara ilə qarmonun səsi mane olur. Onlar yoruldum demədən danışır, yemək reseptlərindən tutmuş qonşuların qeybətinə, son dəbdən başlamış qayınana-qayınata söz-söhbətinə qədər hər şeyi müzakirə edirlər.

Otaqda analardan başqa, təxminən 2-3 yaşlı bir oğlan uşağı da olur. Yaşı az olduğu üçün özü rəqs etmir, anası ilə birlikdə rəqs edən bacı-qardaşını gözləyir və tez-tez mənə sarı dönüb düz gözlərimin içinə baxır.

Bəzən başımı qarşımdakı kağız-kuğuzdan, ya da kitabdan qaldırıb ona baxıram, bəzən isə oxuyub-yazıb-redaktə etdiklərimə elə aludə oluram ki, onun baxışlarını görmürəm, yalnız hiss edirəm.

Uşaq heç vaxt dinib-danışmayan, analar toplusuna qatılmayan, başını aşağı salıb öz işini görən bu adama elə heyranlıqla baxır ki, özü ilə digər analar arasında bilərəkdən sədd çəkdiyi üçün onlardan yalnız tənəli baxışlar qazanan bu adam balaca oğlanın nurlu gözlərinə baxıb özünü xoşbəxt hiss edir.

Bu adamın nə ilə məşğul olduğunu, niyə heç kəsə qatılmadığını anlamamasına baxmayaraq, ona bütün marağını və rəğbətini gözləri ilə bildirən, sanki gözləri ilə bütün qəşəng sözləri və təsəlliləri verməyə çalışan bu balaca uşağa minnətdarlıq etmək arzusu keçir bu adamın ürəyindən və o, düz uşağın ona zillənmiş baxışları altında bu yazını yazır. Məhz onun üçün...

Əslində, “Çox saq ol!” cümləsi cəmi üç sözdən ibarətdir. Lakin bu üç sözlük cümləni deməyəcək qədər cəsarətsiz də ola bilir insan və bu üç sözü ifadə edəcək bu boyda yazını yazmağa ehtiyac duyur...

REKLAM

Yazarın digər yazıları

Xəbər lenti

Azərbaycanlı alimin kitabı Avropa dillərində nəşr olunacaq
18:37 09 İyul 2020
Uşaqlar üçün tamaşa
17:56 09 İyul 2020
Təranə Vahidin Türkiyədə çap olunan hekayəsi: "Durna adam"
17:15 09 İyul 2020
Qızını ərə verən atanın ölümü
16:26 09 İyul 2020
İspaniyada Haqverdiyevə həsr olunmuş poçt markaları buraxıldı
15:47 09 İyul 2020
Mikayıl Müşfiq qadına görə öldürülüb - İddia
15:08 09 İyul 2020
Məşhur sənətçi prezidentliyə namizəd olacaq
14:19 09 İyul 2020
Yaltaqlıq ən perspektivli valyutadır - Qorxmaz Quliyev yazır...
13:30 09 İyul 2020
Uşaq təbəssümü
12:53 09 İyul 2020
Qorxu və təşviş insanı necə formalaşdırır? – Nazlı Əmirova ekzistensializmdən yazır...
12:30 09 İyul 2020
Bəhram Bağırzadənin həyat yoldaşı: "Hələ danışa bilmir"
11:48 09 İyul 2020
Cinsi yanğısını Facebookda söyüşlə soyudanlar
11:19 09 İyul 2020
Son 200 ilin ən yaxşı qəzəli – Mətn
10:46 09 İyul 2020
Elton Conun şərəfinə sikkə hazırlandı
10:09 09 İyul 2020
Sovet ordusunda üsyan edib almanlar tərəfə keçən azərbaycanlı - Amerikadan yazırlar...
09:01 09 İyul 2020
Moskvada teatrlar avqustun 1-dən açılır
18:54 08 İyul 2020
Uşaq tabutunda basdırılan kişi - Günel Natiqdən yeni hekayə
18:22 08 İyul 2020
Son 10 ilin ən yaxşı qorxu filmləri - Siyahı
17:49 08 İyul 2020
Venesiya Film Festivalı əvvəlki qaydada keçiriləcək
17:10 08 İyul 2020
Qarabağda “iki” alıb, sinifdə qaldığım Vətən - Ramiz Qusarçaylıdan şeirlər...
16:23 08 İyul 2020