writer1

İlqar Rəsul

Məqalə sayı

110
clock12:13 calendar-gray 29 Noyabr 2012 view-gray1350 dəfə oxunub
view-gray1350 dəfə oxunub

Əsmərə yazılan məktublar

Əvvəlinci məktub

Sənin haqqında düşünən adam az da olsa səninçün maraqlıdırsa, və hərdən hətta çox qısa bir müddət ərzində yadına düşürsə, içindəki fikirləri onunla bölüşməkdən çəkinmə. Sözsüz ki, əgər o adamın səviyyəsi buna yol verirsə. Burada pis heç nə yoxdur. Əksinə, bu, ömrünün qalan hissəsinin fonunda bəlkə də həyatının ən maraqlı anları kimi xatırlana bilər. Əlbəttə ki, mən bunu istəməzdim. Və arzu edirəm ki, sənin həyatının ən romantik, gönlüncə olan anları məhz ömrünün qalan hissəsinə təsadüf etsin. Ancaq bir məsələ də var ki, biz tale yazmırıq. Ona görə də hər bir anı dəyərləndirmək, ondan nəsə yaxşı bir şey götürmək vacibdir. Ən azı gələcək yaşantılarını müqayisə etmək üçün. Ən çoxu isə (Allah eləməsin!) uğursuz gələcəyə təsəlli ola biləcək maraqlı keçmiş yaratmaq üçün...

Birinci məktub

Müharibənin boşaltdığı kənddə evlərin açıq qalmış qapı - pəncərəsindən içəri soxulub birdən - birə qeybə çəkilmiş insanları bütün künc - bucaqda axtaran səhər dumanı kimi üzümdə gəzən soyuq baxışların arxasında sənin dayandığını seyr etmək yamanca çətin idi. Mən səni birlikdə dərd çəkməyə çağırırkən sən öz dərdini də mənə yükləyib kənara çəkildin. Hər halda buna görə də sağ ol. Əliboş da qaytara bilərdin. Ancaq heç vaxt dərdinin hamısını kiməsə bağışlama. Hətta onu sevsən belə. Bir az özünə saxla. Çünki insanın dərdi qurtaranda o daha yaşamır. Sənsə yaşamalısan. Ən azı öldürdüyünə ağlamaq üçün.

İkinci məktub

Mənim hisslərimdəki SƏN, sənin həqiqətindəki özündən xeyli fərqlənir. Səbəb çox sadədir. Sənin özün haqqında təsəvvürlərin hamıdan çox bələd olduğun gerçəkliklərə əsaslanır. Mənim qəhrəmanımın obrazı isə müşahidələrin və hisslərin birləşərək yaratdığı romantizmə daha çox söykənir. Obyekt bir olsa da ona münasibətdəki fərqi və bu fərqlərin birinin digərini inkar etməməsinin səbəbini anlamaq o qədər də çətin olmamalıdı.

Çünki hər iki halda arada istək var. Baxmayaraq ki, onların mahiyyəti eyni deyil və ikinci haldakı istək birincidən daha böyükdür. Bunu sevgi, məhəbbət, eşq və s. adlandırsalar da əslində bir sözlə tam ifadəsini vermək mümkün deyil. Bu məfhumlar sadəcə söhbətin nədən getdiyini ortaya qoyurlar.

İçindəki özünəməxsus bu hissin əsl mahiyyətini, rəngini, dadını təsirini və ən başlıcası gücünü ətrafdakılara anlatmaqsa əsəbləri tab gətirməyib dəli olanlara və intihar edənlərə (özünəqəsd ən böyük günahdır) qismən müyəssər olur…

Üçüncü məktub

Dünən yenə yuxumu zəbt eləmişdin. Belə işğalçıdan kim qaçar?! Gəldin, danışdın-güldün, hərdən yanaqların da qızardı... Amma hər şey pərakəndə idi. Nə sən, nə də mən nə istədiyimizi bilmirdik. Deyəsən heç bilmək də istəmirdik. Hər şeyi hadisələrin axarına buraxıb xeyli xöşbəxtləşmişdik. Sonra sən gözənilmədən gəldiyin kimi, qəfil də getdin...

Həmişə belə eləyirsən. Yuxunun ən şirin məqamında qeybə çəkilib məni anasını itirmiş uşaq kimi həyəcanla ətrafı axtarmağa məcbur edirsən. O qədər axtarıram ki, axırda yorulub yuxudan oyanıram... Kölgəli divarlar, yuxarıdan asılmış tavan, ömrü boyu ayaqlar altında qalmağa məhkum edilmiş döşəmə, açıq pəncərədən görünən küləksiz yay gecəsi. Hamısı da tər içində. Belə məqamlarda nədənsə mənə elə gəlir ki, bir az əvvəl onlar da mənimlə bərabər eyni yuxunu görüblər...

Amma etiraf edim ki, yuxunun ən şirin yerində qaçıb getdiyinə görə mən səni daha çox sevirəm. Çünki sən bu xasiyyətinlə münasibətlərimizi adiləşməyə qoymursan. Görünür bu naməlum hisslərin ömrünün daha uzun olması sənin də ürəyincədir. Ən azı mənim səni görə bildiyim yuxularımda...

(Ardı var)

Bakı-1997 (Qapalı arxivdən)

REKLAM

Yazarın digər yazıları

Xəbər lenti

Tbilisidə Nəriman Nərimanovun kitabı təqdim olundu - Foto
15:28 10 Aprel 2021
Leyla Əliyevanın kitabı təqdim olundu - Foto
14:19 10 Aprel 2021
Qürbətdə ayağım torpaqda ağlar - Azad Yaşardan yeni şeirlər
13:34 10 Aprel 2021
Göy üzünü Tanrı bilərdik - Fəxri Müslümdən şeirlər
12:21 10 Aprel 2021
Sizə həsəd aparıram - Fransada yaşayan azərbaycanlı yazıçı yazır
11:22 10 Aprel 2021
Məşhur repçi narkotikdən öldü
10:10 10 Aprel 2021
Psixoloq Elnur Rüstəmov: “Müharibə bizi koronavirusa yoluxmağa qoymadı” – Müsahibə
09:01 10 Aprel 2021
“Fəryad”ın çəkilişində ona sui-qəsd təşkil etmişdilər – Ceyhun Mirzəyevdən maraqlı faktlar
21:01 09 Aprel 2021
Azərbaycanlı rəqqas Rusiyada fəxri ada layiq görüldü
18:46 09 Aprel 2021
Xanım İsmayılqızı yeni kitabından danışdı
18:02 09 Aprel 2021
Flora Kərimovanın ürəyi dayanıb? - Açıqlama
17:21 09 Aprel 2021
Hamı şeirlərini əzbər bilir, amma heç kəs tanımır – Sözü özündən məşhur şairimiz
16:37 09 Aprel 2021
13 yaşlı Selcandan yeni hekayə
15:49 09 Aprel 2021
Məşhur aktrisa vəfat etdi
15:04 09 Aprel 2021
Xalq rəssamı: "Atam əsir düşəndə Almaniyada Rəsulzadə ilə görüşüb" – Müsahibə
14:17 09 Aprel 2021
Siyavuş Novruzovun axtardığı söz – Sərdar Amin yazır...
12:38 09 Aprel 2021
Trampın köməkçisi dörd milyonluq kitab yazacaq – Müqavilə bağlanıb
12:01 09 Aprel 2021
Xalq artisti xəstəxanaya yerləşdirilib
11:18 09 Aprel 2021
Pulun çaşdırdığı Əlixan Rəcəbov
11:04 09 Aprel 2021
Günün şeiri: Leş
10:30 09 Aprel 2021