news-inner
clock17:12 calendar-gray 26 İyun 2020 view-gray2466 dəfə oxunub
view-gray2466 dəfə oxunub

Bəşəriyyət gəmisi üçün ən təhlükəli aysberq dindir - Filosof yazır

Kulis.az filosof Rahid Uluselin "Ən təhlükəli aysberq" essesini təqdim edir.

Həyat okeanında üzən bəşəriyyət gəmisi üçün ən təhlükəli aysberq – Dindir.

Niyə indiyədək bütün dinlərdə aparılan bütün islahatlar (yada salın özünün qaçılmaz çöküşü ilə imperializmin ayaqları altına düşmüş və bu günədək qurtuluş tapa bilməyən onurğasısınıq islamdakı aqoniya-islahatları) heç bir təsirdoğurucu-dəyişdirici nəticə verməyib.

Çünki bütün dinlərin təməl kitablarının genezisində fəlakətli sonuclar doğuran, doktrinalaşaraq tənqid, təkzib və inkar edilməsini qəti şəkildə yasaqlayan, hətta yüngülcə konstruktiv düzəlişlərinə belə imkan verilməyən, sxolastik yozumlarına və təhriflərinə isə bəh-bəhlə meydan açılan güclü və amansız yanılmalar yer alıb. O sarmaşıq-yanılmalar küllü ki, sən ona inanmağa, etiqad və ibadət etməyə məcbur və məhkum edilirsən.

Əgər sən onun cızığından kənara çıxsan, kafir sayılırsan. Əgər sən açıq gözün, əqli bəsirətinlə həqiqəti tapdalayan ehkamçı sistemin ornamental yalanlarına qarşı çıxsan, din sənin ölümünə fitva verir.

Bəşəriyyətin nə qədər Allahabağlı nursaçar övladlarını din yer üzündən silib ki, zülməti idarə edə bilsin!

Artıq şəriətləşmiş dinin Allahla heç bir bağlılığı yoxdur.

Şəriət – dinin dekadensi və tam çöküşü, yəni “qanuniləşmiş” cəhalətin təntənəsidir.

Allahınsa onun “müdafiəsinə”, hökm-fərma ruhani vəkilliyinə heç bir ehtiyacı yoxdur.

Dinin yaratdığı səddin o tərəfində Allah, bu tərəfində İnsan görünmür! Ortadakı Din hər ikisinə meydan oxumaq, hökmranlıq etmək iddiasında.

Çünki dinin əsas “vəzifəsi” – insanın içini boşaltmaq və o boşluğa özünü yerləşdirməkdir.

Zaman keçdikcə, siyasət və ideologiya bu üsuldan maksimum yararlanır. Dinlə onları qardaş edən səbəblərdən biri də budur: boşluqda at oynatmaq.

Din və siyasət öz ittifaqını teokratiyada ehtişama çatdırır.

Dində itaətkarlıqla, siyasətdə təbəəçiliklə sındırdığın, süründürdüyün insanı necə yüksəldə bilərsən?! Ağlı başında, iradəsi əməlində olan insanları və cəmiyyətləri din – cihada, siyasət – müharibəyə qaldıra bilərmi?! Qətiyyən.

Tarixə baxın: din və siyasətin ram edə, vakuuma çevirə bilmədiyi axtarış və tapıntı məkanlarında zəka sivilizasiyası tərəqqi imkanları əldə edib. Dinin hər cür manevr etməyə fürsət qazandığı o boşluğun qaranlığını İnsan – mənəviyyatının bəhrəsi olan Əxlaq və idrakının bəhrəsi olan Elm vasitəsi ilə yara bilmiş, yarır və yaracaq da!

Dinlə Allah bir deyil. Bəşər tarixində ən böyük yanılmalardan biri onların eyniləşdirilməsidir.

Hətta tamamilə bir-birinə zidd mövqedə dayananlar – teistlər və ateistlər, teoloqlar və nitsşelər onlara bir müstəvidə baxmış və baxmaqdadırlar.

Metafizik ilğımında bu – mahiyyətlə (Allah) formanın (Din) qarışdırılmasıdır. Bu yanlış mövqe heç cür qəbul etmək istəmir ki, heç bir dini çərçivəyə girmədən, onun kultuna bulaşmadan, rituallarına sığmadan, Allaha inana bilərəm!

Allahı mən bütün varlığımla dərk edirəmsə, Onunla vəhdətdəyəmsə, niyə Din pazını Allahla öz arama soxmalıyam?!

Mən, axı, aydın şəkildə – varlığımın bütün kosmoqoniyası ilə dərk edirəm ki, bütün dinlər və onların kanonikası mənim Allahı necə dərindən duyduğumdan qat-qat aşağıdır.

Həyatım və Əbədiyyətimlə bağlı olduğum Allahdan Məni heç kim ayıra bilməz! – Hətta bütün iblis ordusu ilə Din də!..

Oxşar xəbərlər

Xəbər lenti

Onu babasının adıyla çağırdılar, "başı Sovet çəkici ilə əzilməlidir" dedilər, ardıcıl iki dəfə sürgün etdilər - Almas İldırımın məşəqqətli həyatı
20:45 15 Yanvar 2021
“Santa Barbara” serialının qəhrəmanı vəfat etdi
18:46 15 Yanvar 2021
Milli Teatr Vətən müharibəsi iştirakçısını işlə təmin etdi - Foto
18:19 15 Yanvar 2021
Azərbaycanlı rəssamın ABŞ -da fərdi sərgisi açıldı
17:37 15 Yanvar 2021
Cəfər Cabbarlı ilə Səməd Vurğun Onu niyə anlamırdılar?
17:14 15 Yanvar 2021
Görkəmli ingilis rejissorun kitabı Azərbaycan dilində - İlk dəfə
16:30 15 Yanvar 2021
Yaşamak bir ağaç gibi... – Günün şeiri
15:51 15 Yanvar 2021
Ərə vermək üçün yaşını artırdılar, prokuror qaynı oğlunu əlindən aldı, evində ölü tapıldı - Məşhur aktrisanın film kimi həyatı
15:11 15 Yanvar 2021
Netflix “Leyli və Məcnun” filmini çəkdi: Azərbaycanlı oğlan və İndoneziyalı qız - Video
14:31 15 Yanvar 2021
Şuşaya Üzeyir bəylə qayıtmağın fəziləti
14:07 15 Yanvar 2021
Kişiləri öldürüb özü uzun yaşayan qadınlarımız: Dəhşətli statistika
13:29 15 Yanvar 2021
Tacikistan mediası "Nizami ili"ndən yazır
12:45 15 Yanvar 2021
Fransada yaşayan türk yazar: “Hər gün səhər gözümüzü qadın cinayətləri ilə açırıq” – Müsahibə
12:11 15 Yanvar 2021
Üzeyir Hacıbəyli, Natəvan və Bülbülün “güllələnmiş heykəllər”i Şuşaya qaytarıldı
12:01 15 Yanvar 2021
Ermitaj saxtakarlıqda ittiham olunur
11:35 15 Yanvar 2021
Gündüz dayı necə məşhurlaşdı?
11:03 15 Yanvar 2021
Şərif Ağayarın “Kurtlar vadisi”ni xatırladan romanı – Tənqid
10:30 15 Yanvar 2021
“Yeralaş”ın bədii rəhbəri koronavirusdan vəfat edib
09:52 15 Yanvar 2021
Ərinin xəyanətini yuxuda görən Qumru – Sevdanın hekayəsi
09:00 15 Yanvar 2021
Hitlerin kitabının elmi buraxılışı hazırlandı
19:11 14 Yanvar 2021