“Sənə sevişməyi mən öyrətmişəm...” VİDEO

Bu gün şair Mahir Mehdinin 43 yaşı tamam olur.Kulis.Az Mahir Mehdinin məşhur “Sənə sevişməyi mən öyrətmişəm” şeirini şairin öz dilindən təqdim edir.

Çıxıram özümdən bir az yuxarı,
Enirəm özümdən bir az aşağı.
Qalmışam özümlə sənin aranda,
İndi hara gedim, məhlə uşağı?

Hara gedirəmsə, əvvəl-axırı
Gedib-gəldiyimə dirənir bu yol.
Mənə yol getməyi sən öyrətmisən,
Məndən yol getməyi öyrənir bu yol.

Söznən güləşirəm, başım qarışıb,
Söz güləşdirirəm varağın üstə.
Sənə sevişməyi mən öyrətmişəm,
Bu dar çarpayıda, bu ağın üstə.