writer1

Samirə Əşrəf

Məqalə sayı

154
clock12:40 calendar-gray 16 İyun 2020 view-gray12106 dəfə oxunub
view-gray12106 dəfə oxunub

Bəhram Bağırzadənin nəfəsi

İnsan yaşlandıqca keçmiş onun üçün daha doğma təsir bağışlayır. Keçmişdə baş verən hər şey bizim üçün unudulmaza və təkrarolunmazlığa çevrilir.

Ötən günlərin qiymətli olması isə ora daxil olan yaşantıların zənginliyinə, bu yaşantılara səbəb olan insanların kimliyinə bağlıdır.

Bizim uşaqlığımız müharibənin ən qaynar vaxtına, ölkənin ən kəşməkeşli dövrlərinə tuş gəldi. Yenicə özümüzü dərk etməyə başlayırdıq ki, müharibə başımızın üstünü kəsdirdi. Ömrümüzün bir neçə ilini təhsilsiz, evsiz, dolanışıqsız keçirməyə məhkum olduq. Belə məqamlarda uzaqdan da olsa, gülüşə, xoş sözə, həyatın təbəssümlə bizə toxunmasına ciddi ehtiyacımız vardı.

Bəhram Bağırzadə ilə ilk tanışlığımız da həmin təbəssümsüz, boz-bulanıq illərdə baş tutmuşdu.

Etiraf edək ki, 90-cı illərin əvvəllərindən tamaşaçı kütləsi tərəfindən sevilməyə başlayan “Şən və Hazırcavablar Klubu”nun konsertləri, hazırladıqları səhnəciklər o dövrün çətinlikləri içində çapalayan insanlar üçün nəfəslik rolunu oynayırdı.

Bəhram özü isə həmin nəfəsliyin böyük bir hissəsini əhatə edirdi.

Yaşadığımız yataqxananın birotaqlı mənzilində gülmək üçün bəhanəmiz Bəhram Bağırzadənin, Murad Dadaşovun, Cabir və Tahir qardaşlarının hazırladıqları səhnəciklər idi.

İllər keçdi, biz böyüdük, bizim zəmanənin qəhrəmanları isə yavaş-yavaş yaşlandılar.

Günlərin bir günü mən sürətlə ötüb keçən illəri qovalaya-qovalaya ən çətin günlərdə üzümüzü güldürən adamla, Bəhram Bağırzadə ilə üz-üzə əyləşdim.

Müsahibimin saçları ağarmış, özü kökəlmiş, səsi isə qalınlaşmışdı. 26 yaşından 46 yaşına qədər gəlib çıxmış Bəhramla söhbət edəndə hiss etdim ki, bir az yox, xeyli yaşlanıb.

Bəhram Bağırzadə rahat göründüyü qədər də narahat adamdır. Ətrafında baş verən bir çox şeylər onu məyus edib təsirləndirir.

O, maraqlı insanlarla saatlarla söhbət etməyi, xeyirxah işlər görməyi, sənət naminə hər bir yaradıcı əməlin altına əlini qoymağı, bir də uşaqları çox sevir.

Uşaqlar üçün xeyli rəngli kitablar çap etdirmiş və onları qarşısına çıxan hər bir uşağa, uşaqları olan valideynlərə bağışlamağı özünə borc bilmişdi.

Bəhram Bağırzadə bu günə qədər iştirak etdiyi bütün layihələrdə trendə çevrilməyi bacaran tək-tük sənət adamlarındandır.

Onun “Rəis, alınmadı?!” kimi onlarla replikası bu gün də insanlar arasında işlənir, adamlara xoş ovqat bəxş edir.

Bu gün gülən adam susub.

Onun üz-gözündəki təbəssüm qeybə çəkilib.

Xəstəliklə yaxa-boğaz olan Bəhram hal-hazırda ağır vəziyyətdədir.

Ümid edirik, Bəhram Bağırzadə, bizim zəmanənin qəhrəmanı yaşadığı bu ağır günlərdən tezliklə xilas olmağı və taleyinə yazılan, amma hələ yaşaya bilmədiyi ən xoş günləri yaşayacaq.

REKLAM

Yazarın digər yazıları

Xəbər lenti

“Qalatasaray”ın qələbəsinə sevinən kölə təfəkkürü – Sərdar yazır...
14:32 18 Sentyabr 2020
İntim görüntülərlə şantaj olunan qadın nə etməlidir? – Mütəxəssis rəyi
13:39 18 Sentyabr 2020
Mədəniyyət Nazirliyi: "Fəxri adlara namizəd olanları müstəqil komissiya seçəcək"
13:10 18 Sentyabr 2020
Şabanın adı filmlərinin çəkildiyi küçəyə verilib
12:47 18 Sentyabr 2020
Pula görə təhsilini yarımçıq qoydu, repressiyadan təsadüfən xilas oldu, xanımı başqa qadınla evlənməsini istədi – Üzeyir bəydən maraqlı faktlar
12:08 18 Sentyabr 2020
Müəlliməni intihara aparan səbəb
11:36 18 Sentyabr 2020
Musiqi Günü ilə bağlı elektron baza hazırlanıb - Link
11:02 18 Sentyabr 2020
Tanınmış yazıçı vəfat etdi
10:33 18 Sentyabr 2020
27 yaşda intihar edən müəlliməyə gecikmiş təsəlli
10:04 18 Sentyabr 2020
Bəy!
09:36 18 Sentyabr 2020
Qanı gördükcə qorxudan titrəyirdim - Bircənin romanı
09:00 18 Sentyabr 2020
Xalq artisti qonşusunu məhkəməyə verdi
19:05 17 Sentyabr 2020
Sinəm üstə saxlaram ayağının izini... – Rəbiqə peyğəmbərlərə şeir yazdı
18:32 17 Sentyabr 2020
Mədəniyyət Nazirliyindən fəxri adlarla bağlı açıqlama - "Prosedurlar dəyişəcək"
17:57 17 Sentyabr 2020
67 yaşlı qonşusunu döyən Halil Sezai məhkəmə qarşısına çıxarıldı – Video
17:21 17 Sentyabr 2020
Müslüm Maqomayevə konsert həsr olunacaq
16:39 17 Sentyabr 2020
Mənim ömrüm Tanrı ömrü – Şeirlər
15:44 17 Sentyabr 2020
“Neftçi” qalıb ki? – Yazıçılar “Qalatasaray”la oyundan danışdı
15:01 17 Sentyabr 2020
Milli Musiqi Günündə “O olmasın, bu olsun” yenidən nümayiş ediləcək
14:20 17 Sentyabr 2020
Falçıya 1 milyon verməyin sirri
13:40 17 Sentyabr 2020