writer1

Samirə Əşrəf

Məqalə sayı

155
clock12:02 calendar-gray 20 Fevral 2020 view-gray9433 dəfə oxunub
view-gray9433 dəfə oxunub

Qadın başı kəsən Manaf Ağayev

Cinayət hadisələrinin günbəgün artıb çoxaldığı, qarşısıalınmaz həddə çatdığı bir cəmiyyətdə yaşayırıq. Daha bu gündən sabaha ümid yoxdur desəm, yəqin, heç kim məni qınamaz.

Səmimi qəlbdən deyirəm, ictimai nəqliyyatda, bazarda, mağazada, əgər kimsə ayağımı bilərəkdən tapdalayırsa, onunla heç bir mübahisəyə girmirəm. Haqqımı tələb etməkdən vaz keçirəm. Xüsusilə, baş verən son olaylardan, 10 yaşlı Nərminin qətlindən sonra az qala qarşıma çıxan hər insandan qorxmağa, çəkinməyə başlamışam. İnsanlar əsəbi, dözümsüz və gərgin vəziyyətdədir. Böyük əksəriyyəti canlı bomba kimi gəzib dolanır. Bir neçə dəqiqəlik mübahisə bu bombaların partlamasına, amansız faciələrə yol açmasına səbəb ola bilər.

Burada efirimizin, sosial şəbəkələrin əvəzsiz xidmətlərini qeyd etməsək günaha batarıq. Son on ildə efirimizdə palatka toylarını xatırladan verilişlər, ciyəraxşamlarını yada salan meyxana gecələri, deyişmələr, əlinə mikrofon götürən müğənnilərin abırsızlığı, həyadan uzaqlaşması insanları daha da azğınlaşdırdı.

Kim, harda, nə bacarırsa, ağzına gələni danışır. Efirdə soyunan kim, geyinib təzədən soyunan kim. Oğlu sözünə baxmasa onu maşının dalına bağlayıb sürüyəcəyi ilə hədələyən kim. Bir sözlə, səviyyəsizliyin ali təcəssümü! Bir balaca kitab dəftər tanıyan adamlar artıq televiziyaların üzünə baxmırlar.

ATV kanalında yayımlanan “Ən yaxşısı” proqramında qonaq olan müğənni Manaf Ağayev aparıcının “Qadın Manafı hansı həddə çatdırmalıdır ki, ona əl qaldırsın” sualına, Manaf Ağayev düşünüb, daşınmadan, çəkinmədən “Bir kəlməyə görə, qadının başını kəsərəm! Ailəm məni yaxşı tanıyır” cavabını verir.

Manaf Ağayev kimi adamların səviyyəsinə və düşüncə tərzinə nə qədər bələd olsam da, onun bu sözlərini eşidəndə əlim hər yerdən üzüldü. Bir neçə dəqiqə özümə gələ bilmədim. Bu nə bəladır biz düşmüşük? Xalqın hesabına milyonlar qazanan “manıslar” indi efirlərdən baş kəsməyi təbliğ edirlər? Səviyyəsizliyin hansı levelidir bu?

Tanınan, bəlli bir kəsim tərəfindən sevilən, qocalı-cavanlı geniş auditoriyası olan bir şəxs bu qədərmi dediyi sözün ictimai məsuliyyətini anlamaz?

Sizcə belə bir sözün sahibi cəmiyyətə subliminal mesaj vermir ki?

Manaf Ağayev və onun təfəkküründə düşünən insanlar doğurdanmı öz məsuliyyətlərini, ictimai statuslarını dərk etmirlər?

Başa düşürlərsə, cinayət törədirlər – efirdən səsləndirmək olmaz!

Başa düşmürlərsə, ağızlarının danışığını bilmirlər – efir yenə olmaz!

Efir doğurdanmı bu qədər başlı-başına qalıb? Doğurdanmı, Milli Televiziya və Radio Şurası qış yuxusundadır? Hara baxır bu məsələdə səlahiyyətli olan şəxslər? Manaf Ağayev kimi insanların efirə buraxılması və onun efirdən qadın başı kəsmək əzmini dilə gətirməsi nəyə xidmət edir? Bu barədə düşünən varmı?

Tanınmış bir şəxsin ümumi sualı öz ailəsinin, həyat yoldaşının üzərinə gətirməsini, bir kəlməyə görə onun qadın başı kəsə biləcəyini fəxrlə deməsini görəndə bir daha anladım ki, qadınlar niyə qətlə yetirilir, Elinalar niyə intihar edir, Nərminlər niyə yandırılır...

“Anam, anam, anam mənim” deyib toylarda şabaş yığan, bəlkə ömrü boyu milyard dəfə “Ana” segahı oxuyan Manaf Ağayev məntiqlə kiminsə anasının bir kəlmə üstündə başının kəsməsini labüd, qanunauyğun hesab edir.

Normal cəmiyyətlərdə bu sözə görə adamı mikrofon qusana qədər sıxardılar!

Nəinki toylara çağırıb ağsaqqal xeyir-duası almaq.

REKLAM

Yazarın digər yazıları

Xəbər lenti

Seymur Baycandan yeni kitab
11:13 25 Sentyabr 2020
Yekə döşlər, iri budlar? – Firuz Mustafa yazır...
10:40 25 Sentyabr 2020
Fəxrəddin Manafov xəstəxanaya aparılıb
10:00 25 Sentyabr 2020
Hər yanımdan məftillər sallanırdı - Bircənin romanı
09:00 25 Sentyabr 2020
“Qara dul qadın” filminin premyerası təxirə salındı
18:41 24 Sentyabr 2020
Bəxtin gətirmirsə, deməli...
18:04 24 Sentyabr 2020
Mən ki Allah deyiləm, uşaqları aldadım... – Yeni imza
17:25 24 Sentyabr 2020
Nərgiz Cəlilovaya yeni vəzifə verildi
16:43 24 Sentyabr 2020
Qəbul imtahanında hönkür-hönkür ağlayan qız
16:01 24 Sentyabr 2020
“Yaş keçəndə yuxular da əzab verir” - Cavanşir Yusifli ilə ad günü söhbəti
15:20 24 Sentyabr 2020
Qarabağ icmasında Şərif Ağayarla görüş keçirilib
14:25 24 Sentyabr 2020
Bu məşhurların övladları ali məktəbə qəbul olundu - Siyahı
14:06 24 Sentyabr 2020
Ebru Gündeşin atası vəfat etdi
13:12 24 Sentyabr 2020
Tələbəsinə evlənmək təklifi etdi, bacısı qızını imtahandan kəsdi, müəllimlər ona salam vermədi – Vurğun Əyyubdan maraqlı faktlar
12:30 24 Sentyabr 2020
Sənə saxladığım duzlu öpüşlər... - Şeir
12:11 24 Sentyabr 2020
Kukla Teatrı "Çəkməli pişik" tamaşasını onlayn nümayiş etdirəcək
11:30 24 Sentyabr 2020
Universitet müəllimimə yazdığım sevgi məktubu
10:52 24 Sentyabr 2020
Məşhur müğənni vəfat etdi
10:27 24 Sentyabr 2020
Gənc şairin ilk kitabı çap olunub
09:42 24 Sentyabr 2020
Səməd Vurğun 50 yaşında ölməyibmiş – Filosof yazır...
08:58 24 Sentyabr 2020