writer1

Ayxan Ayvaz

Məqalə sayı

524
clock11:09 calendar-gray 23 Dekabr 2019 view-gray2840 dəfə oxunub
view-gray2840 dəfə oxunub

Taleh Yüzbəyovun yeni filmində gözdən qaçanlar

"Axır ki, neçə vaxtdan sonra əmələ gətirə bildik. Bu video o birilərindən daha çətin oldu. Başımıza gəlməyən qalmadı."

Bu sözləri Taleh Yüzbəyov sonuncu ekran işi "Ortastatistik Rasim: Parklar və parkdakılar" haqda danışarkən söyləyib.

Həqiqətən də əziyyət göz qabağındadır. Hətta sanki bu əziyyət Talehin obrazına da sirayət edib: film boyu onu yorğun-əzgin, bitkin və kədərli görürük.

Düzü, "Ortastatistik Rasim"i film adlandırmaqda çətinlik çəkirəm. Janrı təyin etmək çətindir. Film kimidir, filmə oxşayır, amma film deyil sanki. Elə bil video filmə təkamül edə bilməyib. Kino dilindən uzaq göründü mənə.

Ancaq yazımızda Talehin təqdimatı kimi buna film deyəcəyik.

Getdik...

Rasim jurnalistdi. Oğlunun ad günündə saytlarının bağlanması xəbərini eşidir. Maaş verilmir və işsiz qalır. Dünyanı tanımayan oğlu isə ondan seqvey almağını istəyib (Rasim bu texnoloji yeniliyi velosipedin başıbəlalı forması adlandırır).

İşini itirən və cibində 17 manat qalan Rasim Babayev... Hə, atası Rasim Balayevin məşhur olduğu vaxtlar uşaqlarına Rasim adı qoyublar. Və Rasim də bir gün məşhur adaşı kimi ölkə ilə bir olmaq, tanınmaq arzusuyla yaşayır. Ssenari yazmağı planlaşdırır, özü kinoşünaslığı bitirsə də, jurnalist işləyir. Hamımızın həyatına bənzəyir, elə deyilmi?

Rasim o filmdə öz həyatını çəkmək istəyir. Amma öz həyatı kimi boz yox, çılğın və rəngarəng. Özü də xəyalında qurduğu bu filmdə onu Hikmət Rəhimov oynayır. Özü də gülməli pariklə...

Həyatı filmdəki kimi olmur, təbii. Qayğılar və maddi çətinliklər Rasimin yaradıcı ruhunu başqa səmtə çəkir. Sanki biz onun yazmaq istəyib də ekranlaşdıra bilmədiyi ssenarini oxuyuruq. Paralel film kimi. Biri onun hazırkı həyatı, o biri də xəyalındakı alınmayan film kadrları...

Rasim oğlunun istədiyi seqvetin baha olduğunu öyrənəndə pəjmürdə halda pul axtarmağa başlayır. Anası ona tapacağını deyir, 50 manat verir, lakin o pul həmin an qapını döyən işıq pulu yığana qismət olur. Dostlar da, banklar da, hətta üzü gəlmədiyi varlı dayısı oğlu da onun yarasına məlhəm ola bilmir.

Ümidsiz halda parkda qara-qara düşünəndə seqveylə ora-bura gedən uşaqları görür. Bu yeri, məncə, yaxşı işlənməmişdi. Çiy təsir bağışladı. Çox rahatca seqvet Rasimin qabağında durdu, o da “başıbəlalı velosiped”i götürüb əkildi.

Bura qədər yaxşı idi. Ancaq Taleh Yüzbəyov filmi sirli saxlaya bilmir. Uşaqların dialoqunu verir və biz bu dialoqda gələcəkdə nə baş verəcəyini təxmin edə bilirik.

Sən demə, uşaqlar Rasimi tanıyır.

Növbəti səhnəni təsəvvürünüzə gətirdiniz? Çox asan. Həmin uşağın atası gəlib Rasimin ağzının payını verəcək.

Elə də olur. Əvvəlcədən bizə məlum olduğu üçün bu səhnə, mənə görə, istənilən effekti vermir.

Sonluq da, hesab edirəm, uğurlu işlənməmişdi.

Rasimin içindəki ümidsizlik və ziddiyyət ekran həllini tapmır.

Və sanki Taleh də bunu hiss edir: filmin sonunda ilk seriyanın bitdiyini yazır.

Mən qəhrəman kimi kinoşünas deyiləm və təəssüf ki, geniş izah verməkdə acizəm. Sadəcə kino həvəskarı kimi öz fikirlərimi yazdım. Bu xırda-para qüsurlara baxmayaraq, filmi bəyəndim və hesab edirəm ki, Taleh hər videoda daha da peşəkarlaşır.

REKLAM

Yazarın digər yazıları

Xəbər lenti

Rüşvət alan kişilərin arvadları haqda 10 cümlə
14:45 16 İyun 2021
Nizamiyə həsr olunan müsabiqənin qalibləri bilindi
14:02 16 İyun 2021
Dayısı Rəşid Behbudov onu səhnəyə həsrət qoydu, küsüb Azərbaycandan getdi, anası ölənəcən yolunu gözlədi – Qürbətdə can verən müğənnimiz
13:11 16 İyun 2021
Tarix bizi Şuşada gözləyirdi – Aqşin Yenisey yazır...
12:39 16 İyun 2021
Vaqif İbrahimoğlunun 32 il sonra reallaşan xahişi
12:30 16 İyun 2021
Fərid Hüseyn Nizamidən mühazirə oxuyub
11:59 16 İyun 2021
Aləmi bürüyən ədəbiyyat ətri - İlham Əziz yazır...
11:30 16 İyun 2021
Seda Sayan Mehmet Ali Erbili təcavüzdə ittiham etdi
10:56 16 İyun 2021
Anar, Çingiz Abdullayev, Vaqif Səmədoğlu Monteneqro dilində…
10:05 16 İyun 2021
İlhamiyyə Rza: “Həmid efirdə lap ağ eləmişdi” – Müsahibə
09:01 16 İyun 2021
SSRİ-də yay istirahəti - Nostalji fotolar
21:00 15 İyun 2021
Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021
Gənc rejissora görə Kürdəxanı həbsxanasına getdi, ən açıq səhnələrə çəkilən aktrisa kimi tarixə düşdü - Onu Təhminə roluna niyə layiq görmədilər?
12:15 15 İyun 2021