Kamal Abdullanın yeni romanı bu gün təqdim olunacaq

Kamal Abdullanın yeni romanı bu gün təqdim olunacaq
2 dekabr 2019
# 11:17

Bu gün saat 18-də Bakı Kitab Mərkəzində Xalq yazıçısı Kamal Abdullanın "Sirlərin sərgüzəşti" romanının imza günü və təqdimatı keçiriləcək.

Yazıçının sayca dördüncü romanı olan bu əsərdə paralel zaman və məkan, yaddaş fenomeni, real və irreal hadisələrin təsviri özünün ədəbi-bədii əksini tapıb.

Roman müasir nəsr texnikasına xas olan iç-içə süjetlər və fəsillərlə assosiasiya olunan hadisələrin anoxronik ardıcılığı şəklində qurulub. Əsərin qəhrəmanı olan Həsən müəllim (Hacı Mir Həsən Ağa Səyyah) nəql olunan əhvalatların fövqündə dayanaraq sirlərin sərgüzəştinə şahidlik və bələdçilik edir. Bu mənada roman oxucunu öz sirlərinin ağuşuna alır, onu da sirrə vaqif edir. Odunçu Əhmədin, Təpəgözün, Banuçiçəklə Beyrəyin çözülən sirri oxucunu Kamal Abdullanın bundan əvvəl qələmə aldığı mətnlərdəki mətləblərə bir daha üz tutmaq ehtiyacı ilə üz-üzə qoyur. "Sirlərin sərgüzəşti"ndəki arxetipik məqamlar romanı müəllifin digər mətnləri ilə aşkar və gizli lağımlarla bağlayır.

Kitabın redaktoru və ön sözün müəllifi Əlövsət Ağalarov yeni əsəri belə xarakterizə edir: "Əsərdəki dərin fəlsəfi-psixoloji anlardan uzun müddət ayrılmaq olmur, yaddaşın yaddaşsızlığı dərkolunmayacaq qəribə aləmə aparır oxucunu. Hacı Mir Həsən ağa Səyyah risalə yazmaq üçün "Sirri-Xuda"dan yox, qonşularının, tacir-tüccarların, padşahların, şeyxlərin və b. sirlərinə bələd olmağı, onların sərgüzəştlərindən yazmağı öhdəsinə götürür və məharətlə istəyinə çatır. Odunçu Əhmədin sirrindən tutmuş, ta Həsən müəllimin ailə sirlərinə qədər sirlərin sərgüzəştləri sizi başqa bir sirlər dünyasına aparacaq. Sona qədər oxuyun, nəticəni özünüz çıxaracaqsınız və Kamal Abdullanın sirli-sehrli yaradıcılığından həmişə olduğu kimi, bu dəfə də həzz olacaqsınız. Bu kitab Kamal Abdullanın digər kitabları kimi, uzun ömür sürməyə haqqı olan böyük yaradıcılıq nümunəsidir".

Kitabda Xalq yazıçısı Kamal Abdullanın ədəbi və elmi yaradıcılığı haqqında Franko Kardini (İtaliya), Anastasiya Yermakova (Rusiya), Xalq yazıçısı Anar və akademik İsa Həbibbəyli (Azərbaycan), Arif Acaloğlu (Türkiyə), Lüdmila Lavrova (Rusiya), Maks Statkeviçin (ABŞ) fikirləri də yer alıb.

Roman "Azərnəşr"də işıq üzü görüb.

Qeyd edək ki, "Sirlərin sərgüzəşti" müəllifin "Yarımçıq əlyazma", "Sehrbazlar dərəsi", "Unutmağa kimsə yox", romanlarından sonra sayca dördüncü romanıdır. Əsərin iki fəsli bir müddət əvvəl "Ədəbiyyat qəzeti"ndə çap olunub.

Fotoğraf açıklaması yok.

# 2592 dəfə oxunub

Oxşar xəbərlər

Ürək tutmasından ölən aktyorumuz

Ürək tutmasından ölən aktyorumuz

15:20 3 iyul 2025
Dünyanın ən məşhur 10 milli geyimi

Dünyanın ən məşhur 10 milli geyimi

15:00 3 iyul 2025
Fantastika sevərlərə şad xəbər: “Highlander” filminə daha bir ulduz qoşuldu

Fantastika sevərlərə şad xəbər: “Highlander” filminə daha bir ulduz qoşuldu

14:45 3 iyul 2025
Kamal Sunal ad gününü niyə qeyd etmirdi?

Kamal Sunal ad gününü niyə qeyd etmirdi?

13:47 3 iyul 2025
Keyt  Middlton  “qorxunc təcrübə” sindən danışdı

Keyt Middlton “qorxunc təcrübə”sindən danışdı

13:13 3 iyul 2025
Məşhur aktrisa vəfat etdi

Məşhur aktrisa vəfat etdi

13:00 3 iyul 2025
# # #