writer1

Müşfiq Şükürlü

Məqalə sayı

26
clock12:41 calendar-gray 21 Oktyabr 2019 view-gray802 dəfə oxunub
view-gray802 dəfə oxunub

Başqalarına çamur atmaqla özümü təsdiqləyirəm

Kulis.az Müşfiq Şükürlünün “Hər yetənə bir daş atan oğlan” adlı yazısını təqdim edir.

Xanəmir Telmanoğluya

Son zamanlar öz imzamla tez-tez qarşılaşıram. Əsas da gənc yazarları tənqid etməklə gündəm olmağa çalışmağım gözümə girir. Amma axtarsan bir-iki hekayəm var, ya yox. Ona görə imza demək bir az çətindir.

Gənc yazarlardan yazdığım tənqidi düşüncələrlə ədəbi mühitin diqqətini çəkməyə can atıram. Məncə, hətta bacarıram da. Nə yalan deyim. Amma özümü elə aparıram ki, sanki ədəbiyyat xilaskarıyam. Asta yeri, oğlaan, yıxılarsan.

Yenə də maraqlı gəldi və hekayələrimi təkrar oxudum. Əvvəlcə onu deyim ki, tənqidi yazılarımda qəribə təcrübəsizlik hiss olunur. Bunun nəticəsidir ki, yazılarım insanlarda qıcıq yaradır. Hamıya bir qulp qoyuram. Özümdən xəbərim yoxdur.

Cəmi-cümlətanı üç hekayəmi tapdım yayımlanan. Təqlid, pafos, emosionallıq var bütün hekayələrimdə. Təqlid o deməkdir ki, hələ yazı stilim yoxdur. Hər hekayəmdə bir hava çalıram. Özü də gənc yazarlara lağ edirəm ki, filan cümlənin quyruğunu niyə belə çevirdin.

“Mənim kiçik nağılım” adlı hekayəmdə yeddi aylığında ölmüş uşağın dili ilə danışıram. Hiss olunur ki, mütaliəliyəm. Ordan-burdan oxuyuram və yaddaşımda qalır nələrsə. İndi bu hekayəmdə də təhkiyəçi baxımından intellektual gediş etmişəm. Amma bu gün üçün belə sentimental hekayələr rüsvayçılıqdır. Hansı əsrdə yaşayıram görəsən?

Hekayədə fərqli bir olay da yoxdur, əslində. Ümumən, olay varmı? Ölmüş bir uşaq guya anasının bunu necə dünyaya gətirdiyini görüb və başlayır nəql etməyə. Əlbəttə, maraqlı məqamlar var. Uşağın anaya məhəbbəti bizə freydist baxışı xatırladır. Bütövlükdə isə hekayə saymazdım “Mənim kiçik nağılım”ı. Elə dediyim kimi, hekayədən çox məktubdur:

Anama bəlkə də uzun-uzun şikayətlərim var və bu şikayətləri üç-dörd səhifəlik bir məktuba sığışdıra bilmərəm.

Çünki nəinki ədəbi, heç həyat təcrübəm də yoxdur. Hiss olunur ki, danışmağa söz tapmıram. Maraqlı əhvalat qura bilmirəm. Bu səbəbdən yönəlirəm duyğular aləminə. Nəticədə isə bu gün üçün artıq gülüş hədəfi olan, üstəlik sınanmış, keçilmiş epoxa kimi nəzərə çarpan sentimentallıq yaranır.

“Dülgərin qövmü” hekayəmdə sentimentallıq azdır. Burda yazıçı kimi süjet qura bilirəm. Amma iş ordadır ki, əgər təqlid varsa, üslub yoxdursa, bütün cəhdlərim havayıdır.

Üçüncü hekayəm isə “Aleksandr”dır. Bu da hekayə deyil, təəssüf ki. Ağlıma gələni döşəmişəm.

Bundan başqa film və kitablar haqda məqalə-esselərim var. Gənclərin oxumaq, özünü inkişaf etdirmək həvəsi təqdirəlayiqdir. Buna görə öz adıma sevindim. Amma intellektual görünmək çabalarım daha çox özünü göstərir. Bəlkə dərinlərdə səmimiyəm? Özümü ifadə edə bilmirəm düz-əməlli? Məncə, bacarmıramsa, özümə çox da güc verməyim.

Özümü istedadsız saymıram. Yəqin ki, üzərimdə çalışsam, özümü doğrulda bilərəm. Amma inanmıram. Çünki mən da çoxları kimi asan yolu seçmişəm – başqalarına çamur ataraq özümü təsdiqləməyə çalışıram.

REKLAM

Yazarın digər yazıları

Xəbər lenti

Nobelli yazıçı daha bir mükafata layiq görüldü
18:39 15 İyun 2021
Avropa Film Festivalında iştirak edən filmləri onlayn izləmək mümkündür
17:45 15 İyun 2021
Öz arvadını söydü, Səməd Vurğunu pislədi, yad qadınla yaxalandı – Hüseyn Arifin heç yerdə yayımlanmayan lətifələri
17:01 15 İyun 2021
Əməkdar artist vəfat etdi
16:18 15 İyun 2021
Bakının yaşı keçmiş ofisiant qadınları: Onları necə alçaldırlar?
15:30 15 İyun 2021
Müğənninin cızma-qarası 281 min dollara satıldı - Foto
14:41 15 İyun 2021
Məşhur bəstəkar vəfat etdi
14:01 15 İyun 2021
Mənə zorla köynək satan qız - Nihat Pir yazır
13:07 15 İyun 2021
Gənc rejissora görə Kürdəxanı həbsxanasına getdi, ən açıq səhnələrə çəkilən aktrisa kimi tarixə düşdü - Onu Təhminə roluna niyə layiq görmədilər?
12:15 15 İyun 2021
Saçım sığalının dadını bilməz...
11:46 15 İyun 2021
Milli Qurtuluş Günü münasibətilə konsert proqramı təqdim edildi
11:22 15 İyun 2021
Cavanşir Yusiflinin ən çox sevdiyi 10 roman - Siyahı
10:58 15 İyun 2021
Heç utanırsan, Ayxan?
10:35 15 İyun 2021
Füzulidə kitab sərgisi açılıb
09:53 15 İyun 2021
Ankarada Yunus Əmrənin 700 illiyi keçirilib
09:47 15 İyun 2021
Azərbaycanlı yazıçı koronavirusdan vəfat edən anası haqda hekayə yazdı – Mətn
09:01 15 İyun 2021
Aşıq Ədalətin oğlu: “İkimiz də ağlaya-ağlaya bir-birimizə baxırdıq” – Müsahibə
21:00 14 İyun 2021
Reza Deqatinin Əfqanıstanda çəkdiyi fotoşəkillər sərgilənib
18:54 14 İyun 2021
"Yüz ilin adamları”: Toğrul Nərimanbəyov – Yeni veriliş
18:33 14 İyun 2021
Mədəniyyət xadimlərinə mükafatlar təqdim edilib
18:01 14 İyun 2021