news-inner
clock09:00 calendar-gray 08 Avqust 2019 view-gray380 dəfə oxunub
view-gray380 dəfə oxunub

İzləmədiyiniz qeyri-adi, fərqli bir Azərbaycan filmi

Kulis.az “Yeni filmlərimiz” layihəsində “Yüz min manat” bədii televiziya filmini təqdim edirik.

Süjet: Əhvalatda bir neçə paralel süjet yer alıb. Bir süjetdə hadisə restoranda baş verir. Restoran müdirinin (Rövşən Kərimduxt) mafioza (Nadir Əbdülrəhimbəyov) yüz min manat borcu var. Borcun vaxtı yetişsə də, o, pulu qaytara bilmir. Müdirin borc istədiyi adamlar isə ona pul verməkdən imtina edirlər. Digər süjetin əsas personajları gənc sevgililərdir (Rüfət Əzimov, Güllər Kərimova), onlar rəqslə məşğuldurlar. Evlənmək istəyən cütlük, oğlanın ev şəraiti uyğun olmadığından toyu təxirə salmağa məcburdurlar. Başqa süjet restoran mühafizəçisi (Aymen Seldl), ofisiant (Anday Baxış) və aşpazdan (Xurşid Alparslan) bəhs edir. Onların hər üçü bir yerdə kirayədə qalır. Maddi imkanları yetərsiz olduğundan çox pul qazanmağın yollarını düşünürlər. Növbəti süjet yeni yaranmış musiqi qrupunun fəaliyyətindən bəhs edir. Sonuncu xətt isə mafiya başçısı və onun mühafizəçiləri olan iki qızla (Zülfiyyə Qurbanova və Rada Nəsibova) bağlıdır.

Restoran müdirinin borcunu qaytarmaq üçün tapdığı pulu ofisiant görür və pulu oğurlayır. Təsadüf elə gətirir ki, pul evlənmək istəyən gənclərin əlinə keçir…

“Yüz min manat” sosial komediyası 2009-cu ildə rejissor Cavid Təvəkkül tərəfindən çəkilib. Film İTV-in istehsalıdır.

Cavid Təvəkkül yeni nəsil istedadlı rejissorlarımızdan biridir. Onun “Əzizim Fellini”, Mədəniyyət Nazirliyinin sifarişi ilə çəkdiyi “Dərs” (digər həmmüəllif Rafiq Əliyev) son dövr milli kinomuzun az-çox uğurlu işlərindəndir.

Müəllif ilk baxışda əlaqəsi olmayan əhvalatları tədricən və təmkinlə bir-birinə bağlayır. Və günümüzün aktual məsələlərini, trendləri komik, absurd dillə təsvir edir. İlk epizod müxtəlif dillərdə teleproqramalardan fraqmentlərlə başlayır. Məlum olur ki, belə bir kollaj yerli telekanallardan birində canlı yayım vaxtı texniki səbəbdən baş verib. Və texniki nasazlığın baş verdiyi telestudiyada qonaq olan dindar, şair, modernist, qəzəlxan və müğənni yaratdıqları musiqi qrupunu tanıtmağa çalışırlar. Onların qrupu yaratmaqda əsas məqsədləri şou-biznesə daxil olaraq pul qazanmaqdır.

Bütün film boyu qrupun üzvləri arasındakı mənasız müzakirələr, mübahisələr yer alır. Və atmosfer etibarilə Mirzə Cəlilin “Sirkə”, “Nigarançılıq” hekayələrində cəfəng müzakirələr edən personajları xatırladır. Qrup üzvləri tədbirin keçiriləcəyi restoranda şarların asılıb-asılmamasına, geyim dükanında solistin çəkmə və ya qalstuk geyməsinə taleyüklü məsələ kimi yanaşır. Qrupda modernizmi təmsil edən gənc (Tural Baxış) isə qəzəlxana, aşığa qarşı çıxaraq postmodernist üslubu önə çəkir və şalvarsız çıxmağı təklif edir. Belə bir aniteza ilə rejissor güman ki, yeniliklə köhnəliyin toqquşmasından çox, anlayışların mahiyyətinə varmadan onların yerli-yersiz, dəb xatirinə istifadəsinə işarə edir.

Filmə baxanda bir daha əmin olursan ki, cəmiyyətdə dominant məsələ fərdlərin sosial, iqtisadi vəziyyətlərini yaxşılaşdırmağa çalışmalarıdır. Ofisiant ferma, aşpaz ayaqqabı dükanı, mühafizəçi futbol klubu açmaq, cütlük ev almaq üçün maliyyə tapa bilmir.

Onların bu arzuları reklam anturaji stilində vizuallaşdırılır.

Fasiləsiz musiqi yorucu olsa da, bəzi məqamlarda yerinə düşür. Gənc oğlan və qızın görüşü romantik musiqi fonunda təsvir olunsa da, görüş mahiyyətcə romantikadan uzaqdır, sosial problemlərin müzakirəsinə köklənib.

Finalda rejissor maraqlı fəndə əl atır. Guya Kventin Tarantino müsahibə verərək film haqda təəssüratlarını bölüşür. Rejissor onun dilindən filmin az büdcə ilə, qısa zamanda çəkildiyini anladır. Tarantinonun təkcə rejissor işini bəyənmədiyini deməsi isə rejissorun özünə ironiyası kimi səslənir.

news-inner-user
Sevda Sultanova

752 məqalə

Paylaş

Oxşar xəbərlər

Xəbər lenti

Pantomima teatrı dekabrda - Afişa
18:40 15 Noyabr 2019
Məşhur ifaçı Bakıda konsert verəcək
18:01 15 Noyabr 2019
Dünya şöhrətli musiqiçi: “Vikinqlərin vətəni Azərbaycandır”
17:30 15 Noyabr 2019
Bakıda Milli Qəhrəmanın heykəlinin açılışı olub
16:51 15 Noyabr 2019
Müğənnilər deputata cavab verdi: “Getsin, kasıb-kusuba əl tutsun”
16:20 15 Noyabr 2019
Mir Cəlal adına hekayə müsabiqəsinə start verildi
15:38 15 Noyabr 2019
Üzü günə qalan evlər - Tanımadığımız şairdən seçmə şeirlər
15:01 15 Noyabr 2019
Rəfael və Coşqun "Şabaş"a görə qadın paltarı geyindi
14:20 15 Noyabr 2019
Bakı Slavyan Universitetində Şərif Ağayarla görüş keçirilib - Fotolar
13:45 15 Noyabr 2019
"APA-Group"a daxil olan saytların vahid mobil tətbiqi istifadəyə verilib
13:08 15 Noyabr 2019
Facebookda rekord qıran ata və qızı ilə söhbət – Video
12:15 15 Noyabr 2019
Ziya Bünyadov: “İsa Hüseynov yolunu azmışdı” – Bilmədiyimiz gerçək
11:30 15 Noyabr 2019
Qarabağı qaytaran türk futbolçu
10:43 15 Noyabr 2019
"Nu, poqodi"nin yeni seriyaları gəlir
10:20 15 Noyabr 2019
“Paris Notr-Dam kilsəsi” tamaşası təqdim olundu
09:50 15 Noyabr 2019
Topu başında aparan kapitan, alnından zəka fışqıran redaktor, müğənnini həbsdən buraxdıran müxbir... – Şərif Ağayar APA-dan yazır...
08:59 15 Noyabr 2019
Bu gün vəfat edən şairin son müsahibəsi: “Şeirimi Süleyman Rüstəmin adına çıxardılar”
21:01 14 Noyabr 2019
"Tanınmış ailənin övladlarından uzaq gəzirəm" - İlqar Xəyal
18:40 14 Noyabr 2019
Bu mahnılarımızdan hansı plagiatdır? - Video
18:00 14 Noyabr 2019
Mədəniyyət xadimlərinə fəxri adlar verilib - Sərəncam
17:42 14 Noyabr 2019