writer1

Rəbiqə Nazimqızı

Məqalə sayı

17
clock12:44 calendar-gray 03 İyul 2019 view-gray1408 dəfə oxunub
view-gray1408 dəfə oxunub

Sevgi, nifrət, hörmət...

Kulis.az Rəbiqə Nazimqızının “Sevgi, nifrət, hörmət...” adlı yazısını təqdim edir.

- O məni başa düşmür.

- Bəs sən?

Sualımın cavabında susur. Anlayıram, bu barədə heç düşünməyib. Bəzən özündən başqa heç nəyi düşünməyəcək qədər əzablı görünür sənə vəziyyətin. Hərçənd...

Söhbətimizi bu sualla yekunlaşdırmaq olardı. Amma eləmədim. Davam elədim – cığallığım tutmuşdu. Məndə tez-tez tutur, Allah xasiyyətimi kəsməsin...

“Bəlkə, o da sənin kimi düşünür” deyirəm. Amansızcasına və sərtliklə...

“Başa düşmək azdır, adamı iliyinədək hiss etmək lazımdır”, - deyirəm. Deyirəm, amma ürəyimdə... Sual vermək istəyirəm: “Sən onu nəyin narahat etdiyini bilirsənmi? Məsələn, bu səhər niyə kefsizdir? Dünən sənin hansı sözündən inciyib. Hansı cümlə ona necə təsir edər? Hansı suala necə cavab verə bilər? Sən onun bütün məsələlərlə bağlı münasibətini əvvəlcədən hiss edə bilirsənmi? Lənət şeytana, sən onun dalğasındasanmı?”.

Çünki sevmək çox azdır, sevmək və sevdiyinə görə diqqət istəməyi hamı bacarır. Amma bəs, ona göstərdiyin diqqət? Bilirəm, yeməyini hazırlayırsan, səhər durur, görür, köynəyi yuyulub, ütülənib, axşam gəlir, təzə çay süzürsən. Amma sonuncu dəfə nə barədə danışmısınız? Hansı filmə bir yerdə baxmısınız? Məsələn, heç onun xətrinə, bir dəfə UEFA çempionatının oyunlarını oturub onunla birgə izləmisənmi? Zəng vuran kimi ilk sualın “hardasan?” olub. Heç düşünmüsən ki, onun harada olmasının heç bir fərqi yoxdur, fikirlərinin dolaşdığı məkan daha vacibdir. Amma bu barədə sual vermirlər, bu cavabı almırlar, bu cavabı hiss edirlər. Hiss etməyi bacarmırsansa, yanlış adamlasan, yanlış yerdəsən... Yerini dəyiş. Yanlış yerdə rahat oturmaq olmur.

Ümumiyyətlə, sevgi rahatlıq deyil. Sevgi bir-birinə rahatlıq verməkdir, almaq yox. “Mən onu sevirəm” demək asandı... çox asandı... “Bəs o?” soruşmaq da.

Mən qarşılıqsız sevgilərə inanmıram. Qarşılıqsız heç nə olmur. Sevgi, nifrət, hörmət, anlayış...

Sən ev işlərinə baxırsan, onun xarici görünüşünə diqqət yetirirsən, içindəkilərə boylanmaq ağlına da gəlmir. Ona görə də yanında olan gördüyün hissədir, görmədiyin hissə heç vaxt sənin olmayacaq. Ola bilməz də...

O da sənin göstərdiyini görür. Görmək istədikləri nədir? Məndən soruşursan?

Yaxşı... Bilirəm, ittiham elədim, ağrıtdım, qırdım, amma bunu medalın o üzünü görməyin üçün elədim. Göstərmədim, göstərə bilmərəm, özün baxacaqsan, özün tapacaqsan. Özün başlayacaqsan. Əvvəlcə, onu görməkdən...

İndi özün-özünə sual ver və vəziyyəti bu durumdan analiz elə: “Mən onu başa düşürəmmi?”.

Qalanı sənin cavabından və istəyindən asılıdır.

Ona gəlincə, bu fikirləri elə ona da şamil etmək olar. Cüzi dəyişikliklə. Hər şey onun cavablarından və istəyindən asılıdır.

Dalğa, əzizim, dalğa önəmlidir...

REKLAM

Yazarın digər yazıları

Xəbər lenti

Xalça şərqisi – Rafiq Tağının hekayəsi
21:01 05 Avqust 2021
Mirzə Cəlilin nəvəsi Fransadakı səfirliyimizdə olub
18:54 05 Avqust 2021
Qəbələ Musiqi Festivalı başa çatdı
18:14 05 Avqust 2021
Yaxınları Rafiq Tağını ziyarət etdi - Foto
18:07 05 Avqust 2021
Tanınmış yazıçı ilə görüş keçiriləcək
17:30 05 Avqust 2021
Axına qarşı üzmədən nəyəsə nail olmaq qeyri-mümkündür
17:01 05 Avqust 2021
Azərbaycanda etdiyi bu rəqsə görə Rafet El Romanı topa tutdular - Video
16:14 05 Avqust 2021
Rafiq Tağının qardaşı: “Anam qətlə yetirildiyini bilmirdi, ona qurban demişdi” – Müsahibə
15:21 05 Avqust 2021
Yaponiyada alovlanan olimpiya məşəli və Türkiyədəki meşə yanğınları
14:43 05 Avqust 2021
Nobelli şair məhkəməni uddu
14:01 05 Avqust 2021
"Çocuklar duymasın"ın Havuçu yanğınsöndürənlərə qoşuldu - Fotolar
13:12 05 Avqust 2021
Başı kəsilən Sevinci necə xilas edə bilərdik?
12:26 05 Avqust 2021
Əri evə başqa qadın gətirdi, efirə çıxarmaq üçün ona əxlaqsız təkliflər etdilər, iki uşağıyla ac-susuz qaldı – Səfil həyatı yaşayan xanəndəmiz
12:02 05 Avqust 2021
Flora Kərimovanı hədəfə alanların əsl siması – Sevda yazır...
11:01 05 Avqust 2021
Azərbaycanda yeni musiqi aləti yaradıldı - Foto
10:31 05 Avqust 2021
44 müəllifdən 44 ən yaxşı hekayə - Yeni layihə
10:01 05 Avqust 2021
Kosmik raketlərdən bəhs edən peyğəmbər hədisi – Zamin yazır...
09:00 05 Avqust 2021
Xalq artisti Rafiq Hüseynovun film kimi həyatı - Maraqlı faktlar
21:00 04 Avqust 2021
Amerikalı vokalçının “Qarabağ Azərbaycandır” klipinin təqdimatı keçirilib
18:45 04 Avqust 2021
Yanğın “Rəcəb İvedik”in evinə yaxınlaşdı – Qalmaqal düşdü
18:01 04 Avqust 2021