writer1

Elçin Hüseynbəyli

Məqalə sayı

65
clock18:34 calendar-gray 11 İyul 2019 view-gray756 dəfə oxunub
view-gray756 dəfə oxunub

Belə-belə işlər

Türkiyə bayrağını özü ilə daşıyan ispan futbolçu

... Yarıyuxulu halda televizoru açıram, kanalları bir-bir dəyişirəm. Maraqlı kino axtarıram. Birdən hansısa əcnəbi kanala düşürəm. Futbol gedir. Şərhçi öz dilində nəsə qışqırır. Diqqətlə qulaq asıram. Şərhçinin ispan olduğunu anlayıram. Rəqib komanda hücumdadır. Hücumçulardan biri qol vurur. Şərhçi qışqırır: Rodriqo Qonsales! Rodriqo Qonsales!!! Topu qapıdan keçirən futbolçu maykasının altından bağladığı al-qırmızı Türkiyə bayrağını çıxardır və əlində açaraq meydanda dövrə vurmağa başlayir. Rodriqo Qonsales...

Əvvəlcə elə bildim ki, komandalardan biri Türkiyəni təmsil edir, amma adlara baxanda gördüm ki, hər ikisi ispan komandasıdır və aşağı liqada oynayırlar. Bu ad mənə nəyisə xatırladır. Ona görə də tamam oyanıram. Yuxum qaçır. Beynimi qurdalayıram və birdən tapıram. "Bu odur!" -Öz-özümə deyirəm. Nədənsə sevinirəm. Bəzən sevincin kökünü, hardan gəldiyini adam özü də bilmir...

1999-cu ildə mən Strasburqa - Avropa Şurasının növbəti iclasına müxbir kimi gedirdim. Frankfurtda təyyarəmi dəyişəcəkdim. Böyrümdə sarışın və mavi gözlü yaraşıqlı bir xanım oturmuşdu. Qucağında hələ bir yaşı tamam olmamış oğlan uşağı tutmuşdu. Uşaq daim dartınır, ağlayır, nəsə istəyirdi. Əvvəlcə elə bildim ki, anasından süd istəyir. Çünki yaxasını dartışdırırdı. Cavan xanım da mənim baxışlarımı göydə tutdu və ispanca nəsə soruşdu. Mən də ingiliscə cavab verdim ki, ispan deyiləm, türkəm. Qadının gözləri işıqlandı. Və Türkiyə türkcəsində təəccübləndiyini dilə gətirdi.

-Ben də türkəm, -dedi, - o zaman türkcə qonuşalım.

Soruşdum ki, körpə niyə narahatdır. O da qayıtdı ki, özümlə İspaniyaya türk bayrağı aparıram. Hava alanında dedilər ki, bir bayraqdan artıq apara bilmərəm, çünki bayraqla alver eləmək olmaz. Mənə isə iki bayraq lazımdır. Birini evin eyvanından asacam, birini isə ərimin işdəki stolunun üstünə qoyacam. Ona görə də bayrağın birini qoynumda gizlətmişəm. Rodriqo da onu istəyir və dərhal ağzına basır. Bayraqla bu cür davranmaq olmaz.

-Əriniz də türkdür, yəqin.

-Yox, ərim ispandır. Amma Türkiyəni çox sevir. Özü iş adamıdır.

-Bəlkə körpə də Türkiyəni sevir, təhtəlşüur olaraq, ona görə də bayrağı öpmək istəyir.

Qadın güldü:

-Ola bilər, -dedi, - biz hamımız Türkiyəni sevirik.

Sonra mən ona İspaniya-Türkiyə savaşını xatırlatdım, Lepanto döyüşündən danışdım. Məlum oldu ki, qadın bunları bilmir. Bəlkə heç əri də həmin hadisədən xəbərsiz idi. Ya elə bəlkə həmin qanlı savaşı unutmaq, unutdurmaq üçün türkiyəli xanımla evlənmişdi.

İndi həmin epizodu yadıma salırdırm və fikirləşirdim ki, bayraq sevgisi Rodriqo Qonsalesə hər iki valideynindən keçib və özü ilə hər zaman Türkiyə bayrağını daşıyır.

Yerimdən qalxıb hamama keçə-keçə bütün bunların doğrudan da olub-olmadığını düşünürdüm...

İşıqların qəfil sönməsi televizorun da, mənim də səsimi kəsdi...

İyunun ortası, 2019

“Olaylar”

REKLAM

Yazarın digər yazıları

Xəbər lenti

Azərbaycan rəssamlarından Kazanda "Məxməri etiraflar"
17:03 03 Avqust 2020
Kim unudub məni yol ayrıcında? - Zərdüşt Şəfinin anım günü
15:58 03 Avqust 2020
Heyvanlar nə vaxtdan qurbana çevrildi? - Qurbanetmə aktının yaranması
14:53 03 Avqust 2020
Şəhid generalımız haqqında kitab nəşr edildi - Pulsuz paylanacaq
13:48 03 Avqust 2020
Şon Penn özündən 31 yaş kiçik qızla gizlin evləndi
13:08 03 Avqust 2020
Ramiz Rövşənin "Yenə bu şəhərdə üz-üzə gəldik" şeirinə rok yazıldı - Video
12:05 03 Avqust 2020
Məşhur aktyor dünyasını dəyişdi
11:14 03 Avqust 2020
Azərbaycan bəstəkarının musiqisi ABŞ festivalında səsləndirildi
10:33 03 Avqust 2020
Həbs olunan məşhur bəstəkarın Üzeyir bəyə məktubu: "Etdiyim başsız hərəkət məni sənət aləmindən ayırdı” - İlk dəfə
09:05 03 Avqust 2020
Şərif Ağayarın essesi Fransa mətbuatında
16:35 02 Avqust 2020
Səsin görüntüyə çevrilməsi və kinonun yaranışı - Cavid Təvəkkül yazır...
15:08 02 Avqust 2020
Kinematoqrafçılar İttifaqı Kulisin əməkdaşına mükafat verdi
13:45 02 Avqust 2020
Azərbaycan kinosunu düşünməyən məmurlar və tək qalmış gənc rejissorlar - Milli Kino Günü
12:02 02 Avqust 2020
Fəxrəddin Manafov: "İmkanım olsaydı, qadınları taxtda əyləşdirərdim" - Müsahibə
09:01 02 Avqust 2020
Salam Sarvanın kitabı Ukraynda nəşr olundu
19:07 01 Avqust 2020
İstanbul Film Festivalının qalibi açıqlandı
17:44 01 Avqust 2020
Məşhur rejissor vəfat etdi
17:00 01 Avqust 2020
Tbilisidə Nəriman Nərimanovun yubileyi qeyd olundu
16:33 01 Avqust 2020
“Azərbaycan kino sənəti tarixi” nəşr olunacaq
15:50 01 Avqust 2020
“Qarabağ şikəstəsi”nin şikəst Qarabağıyıq - Qardaşxan Əzizxanlının şeiri
15:09 01 Avqust 2020