writer1

Ayxan Ayvaz

Məqalə sayı

487
clock11:05 calendar-gray 28 İyun 2019 view-gray2249 dəfə oxunub
view-gray2249 dəfə oxunub

2,5 milyonluq saatı tapdım

Ayxan Ayvaz

Həmyerlimizin 2.5 milyon dollarlıq saatı gündəm olub. Deməli, İspaniyanın məşhur İbiza kurortunda dincələn gənc dostu ilə gəzərkən qabaqlarını quldur kəsib. Və bu quldur ondan saatını istəyib. Oğlan da 2.5 milyon dollarlıq saatı ona uzadıb.

Bu kadra hansısa filmdə baxmışdım. Deyəsən, “Uşaqlığın son gecəsi” filmiydi.

Amma ordakı saat 5 manatlıq saat olardı. Özü də qəhrəmanın sevgilisinin yanında saatı ondan istəmişdilər. Yəni burda məqsəd onu qızın yanında “sındırmaq” idi.

Quldurun məqsədi isə bəlli: 2.5 milyon dollarlıq saatı almaq. Bəlkə heç quldur bilmirmiş ki, saat bu qədər bahadır.

Təbii ki, bu versiyalardan biridir. Başqa bir versiyada saatın itdiyi və hələ də tapılmadığı deyilir.

Ya oğurlanıb, ya da itib. Fərq etmir. Məsələnin özəyi bu deyil. Əsas söhbət insanların zor durumda yaşadığı bir zamanda bu qədər bahalı saatı olan oğlandan gedir.

Bir adamın maşını, villası 2.5 milyon dollar edər. Saatın bu qədər baha olduğunu ilk dəfə eşidirəm. Özüm saat taxmağı sevmədiyimdən heç vaxt maraqlanmamışam da. İlahi, həqiqətən 2.5 milyon dollara saat olar? Yaxşı, almısan bu saatı, okey, bəs onu taxıb gəzmək nədir? Elə bilirsən, İspaniyada oğru yoxdur?

Həm də gör pul necə onun üçün “əl çirki”dir ki, bu qiymətə saat da ala bilir. Ağıl yoxdu da. Ondansa elə İspaniyada, Madriddə bir ev al. Yaxud da Avropanın bir neçə şəhərinə kubik tök, vaxt gələr gedib orda ev də tikərsən. Saat nədir, qardaş? Başına at təpib nədi? İki min manatlıq boyunbağı, sırğanı heç qadınlar toydan savayı heç yerdə taxmırlar. Sən kurorta getmisən, üstündə də 2.5 milyon dollarlıq saat gəzdirirsən? Heç ayıb deyil? Adam varlılığı da normal yaşayar da. Hansı varlı belə bir xətaya göz yumar? Bir varlıların həyatını araşdır, gör heç sənin kimi alternativ var?

Zarafat bir yana, bir yazar dostumuzun 12 min manat aliment pulunu ödəmək üçün dəridən-qabıqdan çıxdığı bir zamanda 2.5 milyonluq saatla gəzən adama bir bax. Hər kəsin ehtiyac içində olduğu, yaxşı qazanmaq üçün enerjisini sağa-sola xərclədiyi zamanda sən qoluna 2.5 milyon dollarlıq saat tax və hələ bunu aşkar da nümayiş elə.

Mən xəbəri oxuyanda həm də ona diqqət etdim ki, bu dostumuz 2.5 milyon dollarlıq saatı harda görüb, harda onun diqqətini çəkib? Bəlkə də kimləsə mərc eləyib. Deyib, mən 2 milyon dollardan çox saat taxıb gəzərəm. Dostu da qayıdıb ki, buyur, bu meydan, bu da şeytan.

Hər halda bir azərbaycanlı kimi həmvətənimizdən həm də qürur duydum. Soruşacaqsınız ki, bu qədər danlayandan sonra niyə qürur duyursan? Cavablayım. İspaniyada, mədəniyyətin at qoşdurduğu bir yerdə o oğlan sübut elədi ki, belə Azərbaycan oğulları var, qoluna 2.5 milyon dollarlıq saat da taxar, hələ onu oğurlada və itirə də bilər. İspaniya bəs Avropa idi? Orda gəzmək belə olmur demək. O oğlan Azərbaycanda bu saatı itirməmişdi. Sağ olsun! Bizimkilər o saatı görməzdən gəliblər. Camaatımız gözütox imiş. Məndən olsa, bizə bu hissi yaşatdığına görə o saattaxan oğlanı mükafatlandırmaq lazımdır.

Bir də saat itibsə... Dəqiq olsun. Mən o saatı elə günü bu gündən axtarmağa başlayım. Ola bilsin, tapdım və gedib onu 2.5 milyon dollara satdım. Həm aliment verən dostumuza, həm digər ehtiyacı olanlara, həm də özümə bir gün ağlayaram...

REKLAM

Yazarın digər yazıları

Xəbər lenti

Kamal Abdullanın romanı Almaniyada çap olunub
17:38 23 Yanvar 2021
Xudu Məmmədov Zəlimxan Yaquba onunla bağlı hansı sirri açdı? – Xatirə
16:30 23 Yanvar 2021
Aydın Kazımzadənin yeni kitabı işıq üzü gördü
15:30 23 Yanvar 2021
"Qaltan dərəsi" adlanan ərazidən tunc dövrünə aid tarixi abidələr tapılıb - Fotolar
14:20 23 Yanvar 2021
Yağışın xatırlatdığı qız – Eyvaz Əlləzoğlunun hekayəsi
13:31 23 Yanvar 2021
Cangüdəni və köməkçisi əfsanəvi modelyer haqqında kitab yazdı
12:23 23 Yanvar 2021
Pərakəndəlik Nizami ilinə heç nə verməyəcək - Filoloq yazır
11:01 23 Yanvar 2021
Xalq artisti TƏBİB-ə müraciət etdi: "Bu vəziyyət peşəkarların itkisinə aparır"
10:36 23 Yanvar 2021
Nazirlik qələbəmizlə bağlı film müsabiqəsi elan etdi
10:17 23 Yanvar 2021
Fuad Poladov: “Başımı qırxıb məni Sumqayıta göndərdilər” – Müsahibə
09:00 23 Yanvar 2021
“Qətibə İnanc” tamaşası nümayiş olunacaq
18:55 22 Yanvar 2021
Məşhur aparıcılar AzTV-də "ər-arvad" oldu - Foto
18:16 22 Yanvar 2021
Nizami Gəncəviyə həsr olunmuş sərgi açılıb
17:35 22 Yanvar 2021
Hayl Hitler! - Qısa hekayə
16:55 22 Yanvar 2021
Zəfər Muzeyi harda olacaq? - Rəsmi açıqlama
16:23 22 Yanvar 2021
Bakıda Fransa filmləri festivalı başladı
15:55 22 Yanvar 2021
Birinci yerə layiq görülən yazar: “Bizdə müsabiqələr hamının könlünü almağa hesablanır” – Müsahibə
15:18 22 Yanvar 2021
Məşhur aktrisa vəfat etdi
14:37 22 Yanvar 2021
Bağırov onu Müdafiə naziri təyin etdi, erməni general sui-qəsd törətdi, vəzifəyə gəlməyinə bir gün qalmış qətlə yetirdilər – Həzi Aslanovun müəmmalı ölümü
14:02 22 Yanvar 2021
Ceyms Bond silsiləsindən yeni filmin premyerası yenə təxirə salındı
13:29 22 Yanvar 2021