news-inner
clock15:37 calendar-gray 18 İyun 2019 view-gray337 dəfə oxunub
view-gray337 dəfə oxunub

Rəssam Mahmud Rüstəmovun fərdi sərgisi keçiriləcək

21 iyun-10 iyul 2019-cu il tarixində Muzey Mərkəzində rəssam Mahmud Rüstəmovun “UN/PUBLİSHED” adlı fərdi sərgisi keçiriləcək.

APA -nın xəbərinə görə, sərgi Mədəniyyət Nazirliyi, Azərbaycan Dövlət Rəsm Qalereyası və Muzey Mərkəzinin təşkilatçılığı ilə baş tutacaq.

Qeyd edək ki, Mahmud Aslan oğlu Rüstəmov 13 iyun 1967-ci ildə Bakı şəhərində anadan olub. O, 1982-1986-cı illərdə Ə.Əzimzadə adına Rəssamlıq məktəbində, 1986-1992-ci illərdə Azərbaycan Dövlət İncəsənət Universitetinin “Heykəltəraşlıq” fakültəsində təhsil alıb. 1995-1998-ci illərdə SSRİ Rəssamlıq Akademiyası nəzdində Yaradıcılıq Emalatxanalarının aspirantı olub. Mahmud Rüstəmov 1997-ci ildən Azərbaycan Rəssamlar İttifaqının üzvüdür.

Mahmud Rüstəmov 1985-ci ildə Səttar Bəhlulzadə adına sərgi salonunda, 1986-cı ildə Daş simpoziumu (Bakı, Azərbaycan), 1987, 1988-ci ildə Vəcihə Səmədova adına sərgi salonu, 1990-cı ildə Fransiyanın Avinyon şəhərində, 1995-ci ildə Azərbaycan Milli İncəsənət Muzeyində, 1996-cı ildə Bakı İncəsənət Mərkəzində, 1997-ci ildə Azərbaycan Respublika sarayında, 1998-ci ildə Vəcihə Səmədova adına sərgi salonu, 1998-ci ildə “Yeddinci mərtəbə” qalereyası, 1999, 2000, 2001-ci illərdə Azərbaycan Milli İncəsənət Muzeyində, 2001-ci ildə Vəcihə Səmədova adına sərgi salonu, İran mərkəzinin sərgi salonunda, 2002-ci ildə Səttar Bəhlulzadə adına sərgi salonunda keçirilən sərgilərdə iştirak edib. 1999-cu ildə Azərbaycanda İngiltərə konsulluğunun təşkilatçılığı ilə Franko-Alman mədəniyyət mərkəzində onun fərdi sərgisi keçirilib.

2001-ci ildə “Qaradağ Sement” şirkətinin heykəltəraşlıq müsabiqəsində həvəsləndirici mükafata və Rəssamlar İttifaqının “2000-ci ilin Azərbaycanın ən yaxşı heykəltəraşı” adına layiq görülüb.

Rəssam 2007-ci ildə “5+” sərgisi, “Göyqurşağının 7 rəngi”, 2008-ci ildə Berlində Azərbaycana həsr olunmuş sərgi, 2010-cu ildə Teymur Rüstəmov ilə birgə “Mövzular” adlı sərgilərin iştirakçısıdır. O, Aslan və Teymur Rüstəmovlar ilə birgə M.Cavadzadənin qəbir üstünü, Xocalı faciəsi abidəsi (Goranboy), 2011-ci ildə Müslüm Maqomayevin büstü (Rusiya, Astraxan), 2011-ci ildə Heydər Əliyevin büstünün (Milli Aviasiya Akademiyası) müəllifidir. 2006-cı ildə “Rüstəmovlar İncəsənət Evi” qalereyasının açılışı keçirilib.

Mahmud Rüstəmov təsviri sənətdə heykəltəraşlıqla yanaşı, eyni zamanda rəngkarlıq və qrafika sahəsində də çalışıb. Heykəltəraşın “Qızılı xəttin sirri” və “Başlanğıc öncəsi yuxu” adlı işləri özünəməxsusdur. Mahmud Rüstəmov “Dördbucaqlı tısbağanın mahnısı” əsərini Türkiyədə yerləşən vadinin müasir interpretasiyası adlandırır. Mahmud Rüstəmovun əsərləri 2013-cü ildə “Sotheby's” auksionunda, 2019-cu il 21 may tarixində 2 qrafika əsəri isə Bakıda keçirilmiş incəsənət əsərlərinin ilk auksionunda ("Auction Baku"da) satılıb.

Sərginin açılışı 21 iyun saat 19:00-da Muzey Mərkəzində IV mərtəbədə baş tutacaq. Giriş sərbəstdir. Mətbuat nümayəndələri dəvətlidir.

news-inner-user

15781 məqalə

Oxşar xəbərlər

Xəbər lenti

Moskvada teatrlar avqustun 1-dən açılır
18:54 08 İyul 2020
Uşaq tabutunda basdırılan kişi - Günel Natiqdən yeni hekayə
18:22 08 İyul 2020
Son 10 ilin ən yaxşı qorxu filmləri - Siyahı
17:49 08 İyul 2020
Venesiya Film Festivalı əvvəlki qaydada keçiriləcək
17:10 08 İyul 2020
Qarabağda “iki” alıb, sinifdə qaldığım Vətən - Ramiz Qusarçaylıdan şeirlər...
16:23 08 İyul 2020
Kuklada uşaqlar üçün tamaşa
15:37 08 İyul 2020
Məşhur rəssamın əsəri tapılıb
14:59 08 İyul 2020
Azərbaycanda orkestr rəhbəri həbs edildi
14:18 08 İyul 2020
Xəsil adam - İlham Əzizdən yeni hekayə
14:10 08 İyul 2020
Səməd Vurğunun tutdurduğu Xalq yazıçısı: sürgündən qayıdanda arvadı başqası ilə evlənmişdi - İnanılmaz faktlar
13:18 08 İyul 2020
Elzanın başındakı qıjıkimilər - Sərdar Amin yazır
12:36 08 İyul 2020
Türkiyəli aktrisa vəfat etdi
12:01 08 İyul 2020
Bu, Allaha qarşı küfrdür – Gənc şair həmkarını tənqid etdi
11:20 08 İyul 2020
“Üzüklərin hökmdarı” geri qayıdır
10:47 08 İyul 2020
Elzanın yeni şəkli müzakirəyə səbəb oldu - Foto
10:12 08 İyul 2020
Kitabxana maraqlı layihəyə başlayır
09:30 08 İyul 2020
Üzündəki ipəyi qaldıranda oğlum özünü çölə atdı - Bircə atasının ölümündən yazır...
09:00 08 İyul 2020
“Çəkməli pişik” onlayn göstəriləcək
18:44 07 İyul 2020
Əfsanəvi musiqiçi vəfat etdi
18:09 07 İyul 2020
Bizim üçün qızılgül – Cavanşir Yusifli yazır...
17:30 07 İyul 2020