“YUĞ” “Novruz” Festivalında çıxış edir

“YUĞ” “Novruz” Festivalında çıxış edir
7 iyun 2019
# 13:48

Azərbaycan Dövlət “YUĞ” Teatrının kollektivi Tatarıstan Respublikasının paytaxtı Kazan şəhərində keçiriləcək “Novruz” türkdilli xalqların teatr festivalında iştirak edir.

“YUĞ” Teatrı beynəlxalq festivalda Azərbaycanı R.Akutaqavanın “Cəngəllikdə” əsəri əsasında hazırlanmış “Müəmmalı bir qətlin üç versiyası” tamaşası ilə təmsil edir.

Tamaşanın quruluşçu rejissoru teatrın baş rejissoru, Əməkdar incəsənət xadimi Mehriban Ələkbərzadə, quruluşçu rəssamı Vüsal Rəhim, musiqisi tərtibatçısı Əməkdar artist Vüqar Camalzadədir. Səhnə əsərində rolları Əməkdar artist Gülzar Qurbanova, aktyorlar Oqtay Mehdiyev, Əbdülqəni Əliyev, Vüqar Hacıyev, Amid Qasımov və Elşən Əsgərov canlandırırlar.

Q.Kamal adına Tatarıstan Dövlət Akademik Teatrının təşkilatçılığı ilə iyunun 8-dək davam edəcək XIV Novruz festivalının proqramına Azərbaycanla yanaşı, Türkiyə, Qazaxıstan, Qırğızıstan, Özbəkistan, Tacikistan və Rusiyanın teatr kollektivlərinin tamaşaları da daxildir. Festivalda Rumıniyanın “Nottara” teatrı da Molyer və Bulqakovun əsərləri əsasında hazırlanmış “Molyer” tamaşası ilə xüsusi qonaq kimi iştirak edir.

Tamaşalar Kazan şəhərinin 7 müxtəlif teatr səhnəsində nümayiş olunur.

Novruz festivalının əsas məqsədi türkdilli xalqların teatrları arasında qarşılıqlı əlaqələri möhkəmləndirməkdir. Bu festival ilk dəfə 1989-cu ildə SSRİ Teatr Xadimləri İttifaqının qərarına əsasən Almatıda keçirilib. SSRİ dağıldıqdan sonra bir müddət keçirilməsə də, 1998-ci ildən Tatarıstan Respublikasının təşəbbüsü ilə bərpa olunan “Novruz” festivalı artıq Kazan şəhərində keçirməyə başlayıb. Hazırda iki ildən bir keçirilən “Novruz” postsovet məkanında keçirilən ən yaxşı festivallardan sayılır. /azertag.az/

# 2362 dəfə oxunub

Oxşar xəbərlər

"APA Jurnalist Məktəbi"nin məzunlarına sertifikatlar təqdim edildi

"APA Jurnalist Məktəbi"nin məzunlarına sertifikatlar təqdim edildi

22:30 18 iyul 2025
"Nə oldu, Paşinyan?"ı oxuyan müğənni həbs olundu - Səbəb

"Nə oldu, Paşinyan?"ı oxuyan müğənni həbs olundu - Səbəb

18:52 18 iyul 2025
"Xanımlar gərək bilələr ki, Allah kişini üstün yaradıb" - Xəzər TV-yə buna görə xəbərdarlıq edildi

"Xanımlar gərək bilələr ki, Allah kişini üstün yaradıb" - Xəzər TV-yə buna görə xəbərdarlıq edildi

18:20 18 iyul 2025
Sarayevo Film Festivalının münsiflər heyətinin sədri açıqlandı

Sarayevo Film Festivalının münsiflər heyətinin sədri açıqlandı

17:26 18 iyul 2025
"Bir qızın şəklini gizlincə çəkib feysbukda paylaşmaq..." - Metroda baş verən hadisə

"Bir qızın şəklini gizlincə çəkib feysbukda paylaşmaq..." - Metroda baş verən hadisə

14:45 18 iyul 2025
Rayan Qoslinq və Uil Ferrel  tərəf müqabili olacaqlar

Rayan Qoslinq və Uil Ferrel tərəf müqabili olacaqlar

14:43 18 iyul 2025
#
#
# # #