Misirdə bir tur bələdçisi sosial şəbəkələrdə yayılan videodan sonra həbs edilib.
Kulis.az xəbər verir ki, görüntülərdə həmin şəxsin Sakkarada yerləşən Unas piramidasının divarına çöp adam fiquru çəkdiyi iddia olunur.
Əvvəlcə “X” platformasında paylaşılan videoda bələdçi eramızdan əvvəl XXIV əsrdə inşa edilmiş Unas piramidasına fiqur çəkərkən görünür. Hadisə zamanı onun turistlərə izah verdiyi, daha sonra isə çəkdiyi rəsmi əli ilə silməyə çalışdığı əks olunub. Unas piramidası Giza piramidalarından çox uzaq olmayan Sakkara nekropol kompleksində yerləşir.
Video qısa müddətdə yayıldıqdan sonra Misir polisi bildirib ki, Sakkara Turizm Polisi bölməsinə abidələr üzrə müfəttiş tərəfindən şikayət daxil olub. Misirin Daxili İşlər Nazirliyinin açıqlamasına görə, tur bələdçisi yanında olan turist qrupuna izah vermək məqsədilə piramidalardan birinin xaricinə rəsmlə zərər vurub.
Rəsmin sonradan silindiyi, bələdçinin isə hadisəni etiraf etdiyi bildirilib.
Nazirlik həmin şəxs barəsində hüquqi tədbirlər görüldüyünü açıqlasa da, konkret hansı cəzanın tətbiq edildiyini dəqiqləşdirməyib.
Qeyd edək ki, Misirin 1983-cü il tarixli Qədim Əsərlər Qanununa əsasən, tarixi abidələrin korlanması bir ilədək həbs və 500 min Misir funtu (təxminən 10 400 ABŞ dolları) məbləğində cərimə ilə cəzalandırıla bilər.
Bizi Telegram-da izləyin
t.me/kulis_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
Ana səhifə
Reels
Yazarlar
Xəbərlər