news-inner
clock15:45 calendar-gray 11 Aprel 2019 view-gray843 dəfə oxunub
view-gray843 dəfə oxunub

Utanıb yağış yağdırarsan quraqlığıma…

Kulis.az Sadiq Qurbanzadənin şeirlərini təqdim edir

Qəhvəyi qapı

Ensiz pillələrdən aşağı

Mənə doğru təəccüblü fikirlər

Qaynar, çirkli küçələr.

Tər qoxulu avtobus

Yorğun , həvəssiz polis

Və əlindəki saxta plasmas

Havasız, tələskən, səbirsiz vaqon

Necədə mən kimi !!!

Döyüntülərim qaça-qaçda

Uzaq qonağım artıq yaxında

Bəlkədə eyni səbirsiz vaqonda

Bəlkədə vaqonumuzda!

Qapılar açılır!

Məndə, Yeni bir Dünyaya !!!

***

Sənsiz bir günəş batırmaq istəmirəm daha

Batıracaq bir özüm qaldım, birdə Sən!

Gedəcək yerimdə qalmadı başı boş heyatda

Nə burada.... Nədə orada....

Bilmirəm.

Bəlkə yenə də bahalı cümlələr qururam, sən demiş

Yarısı yalan, yarısı ilan, yarısı da mənə bənzər.

Adını bilmədiyim yerlərə baxıb səni çəkərəm

Səmalara yazı göndərərəm hər səhər.

Bəlkə oxuyub, utanıb yağış yağdırarsan quraqlığıma

Yalnız bu səhər nə vardısa içimdə qalan

Yazmadım Səmalara.

Saxladım içimdə....

Səni saxladığım kimi....

Soruşma məni!

Hardayam? Necəyəm?

Həminki yerimdəyəm

Qucağımda bir yığın kin-küdurət

Bəyaz şimşəklər sanki məni güdür

Yoxsa məni səndənmi qoruyurlar?

Soruşma məni!

Hardayam ? Necəyəm?

Məndən dayanacağı soruş!

Qəribə gəldi hə?

Nə dayanacaq ? - deyə təəccüb doğacaq qaşların

Sonra...

Sonra bir qədər düşünəcəksən.

Amma əfsus!

Kimlər tapdı ki itirdiklərini?

Kimlərin əzbərində qaldı ki cırıq vərəqlərdəki şeirlər?

Hə?

Xatırladınmı? Yox!

Tapdınmı? Yox!

Əziyət çəkmə, mən deyim....

İlk baxışdığımız dayanacağı deyirəm.

Sonralar bizim oldu...

Daha sonra təkcə mənə qaldı o dayanacaq....

İndi isə bilmirəm...

Yoxdu! Köhnəlmişdi ! Dağıtdılar!

Eyni mənim kimi!

Köhnəlmişdim...Dağıtdın!

Elə ona görədə soruşma məndən!

Hardayam ? Necəyəm?

Yağış sonrası islanmış divardakı kölgələrimizi soruş.

Hə o yan-yana olan kölgələrimizi.

İndi inan ki heç biri yoxdu.

Nə o islaq divar

Nə də ki kölgələrimiz

Nə sən ordan keçirsən

Nə də mən sənsiz o küçələrdən

Ona görədə soruşma məni!

Hardayam? Necəyəm?

Varammı? Yoxammı?

Nədi ?

İnsanlığın düşüb yadına?

Yuxularına ağ paltarla gəlirəm?

Arxanca kölgə tuturam?

Adım səslənir söz eşitməz qulaqlarında?

Nə axtar, Nə soruş məni…

Hardayam. Necəyəm …

news-inner-user
Kulis+

628 məqalə

Oxşar xəbərlər

Xəbər lenti

O mən idi, mən o deyildim - Şəhla Nihandan yeni hekayə
16:34 27 May 2020
Arxanca gələn tünbətün olsun - Yeni qəzəllər
15:27 27 May 2020
"Peyğəmbəri adam"ın qeydləri - Aydın Talıbzadə yazır...
14:27 27 May 2020
"Harri Potter"in müəllifinin yeni kitabı pulsuz olacaq
13:27 27 May 2020
Dilimizi göyə qaldıran rus yazıçı: "Avropada fransız, Asiyada Azərbaycan dili..." - Maraqlı qeydlər
12:31 27 May 2020
Ögey qızı ilə evli olan məşhur rejissor danşdı: "35 yaş böyük olsam da..."
11:19 27 May 2020
Azərbaycan filmi ABŞ-da qranta layiq görüldü
10:31 27 May 2020
Qatıqsatana qibtə edən, rus qadını heyrətləndirən dahi Azərbaycan şairi – Maraqlı adam
09:30 27 May 2020
Qızılı yarpaqlar altında zülmətə təslim ol - Nobelli şairdən şeirlər
16:33 26 May 2020
Azərbaycanlı aktyor karantinə alındı
15:12 26 May 2020
Rüstəm İbrahimbəyovdan qızına məktub: “Cinayət məcəlləsini unutma”
14:29 26 May 2020
Mənim gey dostum
13:35 26 May 2020
Xalq yazıçısı Elçin: “O xəbəri atamdan ölənəcən gizlədim” – Müsahibə
12:41 26 May 2020
Venesiya Film Festivalı nə vaxt keçiriləcək?
11:23 26 May 2020
Qadın sərnişini bıçaqlayan sürücü - Narıngül yazır...
10:30 26 May 2020
Məşhur sənətçi ölümdən döndü
10:07 26 May 2020
Bağçada uşaq döyən Solmaz - Şahmarın hekayəsi
09:00 26 May 2020
Tanınmışlar "Əl açdım göylərə" layihəsində - Video
17:22 25 May 2020
Qarışqanın edamı – Təranə Vahidin hekayəsi
16:30 25 May 2020
"Oyuncaqların hekayəsi"nin yaradıcıları geylər haqqında cizgi filmi çəkdi
15:45 25 May 2020