news-inner
clock18:38 calendar-gray 02 Aprel 2019 view-gray933 dəfə oxunub
view-gray933 dəfə oxunub

“Əsir düşərgəsi”nin təqdimatı oldu – Xəbər-Reportaj

- Siz Qarabəylidənsiniz?

- Yox,oğlum. Yuxarı sovxozdan.

- Hə. Siz tunellə keçdiz?

- Hə. Üç dənə maşınla.

- Bildim. Biz də ordan keçdik. Sizin maşın bizdən qabaqda gedirdi. Ən irəlidəki maşını vurdular.

Əslində, tədbir haqda xəbər yazısı belə başlamır. Sadəcə olaraq bu dialoqu yadda saxlayın. Bu, dostumuz Vüsalənin kitabının təqdimatında eşitdiyim dialoqdur. Əli kitablı insanlar bir-birinə yaxınlaşıb tanışlıq verir, bir-birini soraqlayırlar...

Aprelin 2-də “Gənclik Mall”da yerləşən Libraff kitab mərkəzində teleaparıcı, jurnalist Vüsalə Məmmədovanın “Əsir düşərgəsi” kitabının imza günündəyik.

Kitab TEASS Press nəşriyyatında çap olunub və Qarabağ müharibəsində azərbaycanlı əsirlərin taleyindən bəhs edir. “Əsir düşərgəsi” Vüsalə Məmmədovanın Lent.az saytında apardığı eyni adlı layihədən ikinci kitabdır.

İlk olaraq Lent.az saytının baş redaktoru Qabil Abbasoğlu çıxış edir. Müəlliflə əməkdaşlıqdan kitabın yazılma prosesindən danışır. Müəllifdən və oxucudan psixoloji hazırlıq tələb edən kitabın müəllifinə öz doğma torpaqlarına qayıtmağı, kimsənin elə ağır xatirələr buraxacaq həyatının olmamasını arzu edir.

9 hekayənin - 9 talenin toplandığı kitabın qəhrəmanlarından bəziləri artıq vəfat edib. Bunu kitabın müəllifi Vüsalə Məmmədova söyləyir. Və kitabı açıb tanıyırmışıq kimi şəkillərini bizə də göstərir:

“Bu kitabın qəhrəmanlarından biri Nuranə tarix müəllimidir. Yaşadıqlarından sonra görmə qabiliyyətini itirib. Nuranə əsir düşəndə uşaq idi”.

Nuranənin nənəsinə yaxınlaşıram. Ağlıma yalnız bir sual gəlir:

- Sizin yaşadıqlarınızı nə unutdura bilər?

- Heç nə. Torpaqlarımızı geri alsaq ruhlar şad olar bircə. Mənim özümsə ölənə qədər olanları unutmayacam.

Xatırladaq ki, Qarabağ müharibəsinin əsirlərinin xatirələrinə əsaslanan “Əsir düşərgəsi” layihəsindən ilk kitab “Cəhənnəmdə böyük çığırtı” adlanırdı. Və hər iki kitabın bir ümumi qəhrəmanı var. Bu əsirlərin azad olunmasında böyük xidmətləri olan kitabda “Xilaskar mələk” adlandırılan “Qırmızı xaç” komitəsinin əməkdaşı Pyer Reyçeldir.

“Kitabı müharibədə öldürülmüş günahsız körpələrin ruhuna ithaf edirəm. Orada “Alça ağacının altındakı məzar” hekayəti var. Bu hekayəti səhnələşdirmək arzum var. Məqsədimsə bu tamaşa ilə beynəlxalq festivallara çıxmaqdır” – kitabın müəllifi əlavə edir.

Və “Əsir düşərgəsi” davam edir...

news-inner-user

16034 məqalə

Oxşar xəbərlər

Xəbər lenti

Azərbaycan rəssamlarından Kazanda "Məxməri etiraflar"
17:03 03 Avqust 2020
Kim unudub məni yol ayrıcında? - Zərdüşt Şəfinin anım günü
15:58 03 Avqust 2020
Heyvanlar nə vaxtdan qurbana çevrildi? - Qurbanetmə aktının yaranması
14:53 03 Avqust 2020
Şəhid generalımız haqqında kitab nəşr edildi - Pulsuz paylanacaq
13:48 03 Avqust 2020
Şon Penn özündən 31 yaş kiçik qızla gizlin evləndi
13:08 03 Avqust 2020
Ramiz Rövşənin "Yenə bu şəhərdə üz-üzə gəldik" şeirinə rok yazıldı - Video
12:05 03 Avqust 2020
Məşhur aktyor dünyasını dəyişdi
11:14 03 Avqust 2020
Azərbaycan bəstəkarının musiqisi ABŞ festivalında səsləndirildi
10:33 03 Avqust 2020
Həbs olunan məşhur bəstəkarın Üzeyir bəyə məktubu: "Etdiyim başsız hərəkət məni sənət aləmindən ayırdı” - İlk dəfə
09:05 03 Avqust 2020
Şərif Ağayarın essesi Fransa mətbuatında
16:35 02 Avqust 2020
Səsin görüntüyə çevrilməsi və kinonun yaranışı - Cavid Təvəkkül yazır...
15:08 02 Avqust 2020
Kinematoqrafçılar İttifaqı Kulisin əməkdaşına mükafat verdi
13:45 02 Avqust 2020
Azərbaycan kinosunu düşünməyən məmurlar və tək qalmış gənc rejissorlar - Milli Kino Günü
12:02 02 Avqust 2020
Fəxrəddin Manafov: "İmkanım olsaydı, qadınları taxtda əyləşdirərdim" - Müsahibə
09:01 02 Avqust 2020
Salam Sarvanın kitabı Ukraynda nəşr olundu
19:07 01 Avqust 2020
İstanbul Film Festivalının qalibi açıqlandı
17:44 01 Avqust 2020
Məşhur rejissor vəfat etdi
17:00 01 Avqust 2020
Tbilisidə Nəriman Nərimanovun yubileyi qeyd olundu
16:33 01 Avqust 2020
“Azərbaycan kino sənəti tarixi” nəşr olunacaq
15:50 01 Avqust 2020
“Qarabağ şikəstəsi”nin şikəst Qarabağıyıq - Qardaşxan Əzizxanlının şeiri
15:09 01 Avqust 2020