writer1

Eminquey

Məqalə sayı

10
clock14:10 calendar-gray 04 İyul 2018 view-gray300 dəfə oxunub
view-gray300 dəfə oxunub

Qəpiyi sərnişinin üstünə atan avtobus sürücüsü

İşdən evə qayıtdım. Özümə yeni telefon almışdım. Dedim ki, ayaqlarımı uzadıb oturaram, internetin ləzzətini çıxararam. Bunu demişdim ki, işıqlar söndü. Səhər saat 10-dan bəri yanan işıq axşam 7-in yarısı söndü. Elə o dəqiqə bütün qonşular küçəyə axışdı. Hərə bir stul götürüb qoydu qapısının ağzına. Evdə hava yox, küçədə də ondan betər. Axşam qaranlığı düşdü. Telefonların enerjisi azdı deyə işlətməyə qorxurdum. Axşam düşdü. Artıq 1 saat keçib, hələ də işıq yanmayıb. Su da gəlmir. Qonşumuz Xanbacı nənə ərinin sağ olan vaxtlarından danışır, anam da ona dəstək kimi öz xatirələrini. Mənsə, siqaret fasilələri ilə onlara qulaq asıram. Bütün məhəllələrdə eyni vəziyyətdir. Bircə yol qırağında böyük bir marketdə işıqlar yanır.

Qəfil anam dedi:

- Bəlkə yığılıb gedək o işıqlı marketə?

- Niyə mama?

- Gedək də. Həm gəzərik marketdə, həm sərinlikdir, həm də işıqlı. Çıxanda da nəsə alarıq. Ki, guya nəsə almağa gəlmişdik.

Gülüşməyə başladıq.

Zarafata bonus kimi də mən dedim: “Hə, Gün verib, işıq vermirlər də”.

Dünənki gecə yadıma düşdü.

Dünən gecə anamın səsinə oyandım. Ki, mama təngənəfəs məni səsləyir. İstidən ürəyi sıxılmışdı, həm də yuxudan qəfil oyanıb, görüb hər yer qaranlıqdı. Anamı çaş-baş şam axtarmağını, şamı yandırandan sonra oturub nəfəs dərməyini görəndə birtəhər oldum. Bu gün işdə bütün fikrim anamda qalıb ki, görəsən, necədi? Tək nə edir? Qaranlıqda qorxmur ki?

Bayaqdan elə hey öz-özünə deyir, atan sağ olsaydı, generator alıb qoymuşdu evə. Şikəst gənclərik, vallah. Bizdən kimisə xoşbəxt edən çıxmaz, elə evlənməsək yaxşıdı...

Anam bir çimdik götürdü böyrümdən.

- Emin, gic-gic danışma. Nə olub, şükür Allaha, çətinlikdir də, olur.

- Sözdür də dedim.

Bu qaranlıqdan ürəyim sıxıldı. İnternetə də girə bilmirəm ki, görüm, ölkədə nələr baş verir. Dedim, heç olmasa camaatın bir az da sıx olan yerinə çıxım, bəlkə ağlım nəsə kəsdi. Gəldim həmin işıqlı marketin yan-yörəsinə. İşıqların sönməyindən artıq 4 saat keçib. Mən hələ küçədə bu qədər adam görməmişdim gecə vaxtı. Qəfildən yol qırağı dükanların işıqları yanmağa başladı. Bir-bir... Aha, deyəsən, qəsəbə işıqlı gecəyə qovuşdu. Hə, özüdür ki var. Yolu keçib qaçdım evə. Evə gələnə kimi küçədə bir nəfər də adam qalmamışdı. Bizi birləşdirən qaranlıqlar imiş, ilahi!

İnterneti açdım. Ki, aləm dəyib bir-birinə. Gündəmdə o qədər hadisə var ki, adam bilmir, hansından yazsın. Metroda qalan adamlar, Gəncənin icra başçısının güllələnməyi, suyun, işığın yoxluğu, isti hava və daha nələr, nələr. Hərə bir avaz oxuyurdu.

Səhəri açdım. Əynimi geyinib evdən çıxdım. 165 nömrəli marşrutun qapısından sallana-sallana 20 yanvara çatdıq. Tıxac... İnşaatçılarda basabas yox olsa da, əynimdəki köynəyim çulunu sudan quru çıxara bilməmişdi.

Avtobuslar pulsuzdur, əla. Amma avtobus sürücüləri, xüsusən Bakubus olmayanlar...

Yol boyu əsəblər tarıma çəkildi. Bu il deyəsən rayona gedən olmayıb, şəhər basırqdı. Mən bir şeyi başa düşmədim. Kaktusda dayandıq. Çoxumuzun xəbəri yox idi pulsuz olmağından. Sürücü verdiyimiz qəpiklərin hamısını ovcuna yığıb atdı avtobusdan çölə, birinin başına, birazını da asfaltın ortasına, sürdü getdi. Görəsən, xəbəri varmı ki, etdiyi bu hörmətsizliyə görə cinayət işi düşür? Arxadan bir nəfər yaxınlaşdı: "Qardaş, al qəpiyini götür”. Sürücü yerə atdı qəpikləri. “Niyə götürmədin?" dedi. Susdum. Susuram. Belə getsə, susacam da./adalet.az/

REKLAM

Yazarın digər yazıları

Xəbər lenti

Türkiyəni Avroviziyada təmsil edən qrupun solisti vəfat etdi
19:07 11 Avqust 2020
Azərbaycanda doğulmuş yəhudi rəssamın sərgisi olacaq
18:46 11 Avqust 2020
Tarantino filmdən imtina etdi
18:15 11 Avqust 2020
Nəşriyyat yeni müsabiqə elan etdi - Şərtlər
17:39 11 Avqust 2020
Dünyanın sonuncu tənha adamı - Kamal Abdullanın romanları haqda...
16:58 11 Avqust 2020
Nənəmin laylası öpür üzümdən – Şeirlər
15:44 11 Avqust 2020
Məşhur şairin məzarı tapıldı - Foto
14:52 11 Avqust 2020
İntihar edən məşhur aktyorun həyatı film olur
14:01 11 Avqust 2020
Sevdiyi kişidən məcbur ayırdılar, əri xalası qızıyla evləndi, gənc yaşında xiffətdən öldü – Faciələrə dözməyən “Nəsimi”nin Şəmsi
13:11 11 Avqust 2020
Uşaqlıqda hərbçi atamın, gənclikdə hərbçi sevgilimin yolunu gözləmiş adamam – Fəridə yazır...
12:06 11 Avqust 2020
"Azərbaycan Böyük Vətən müharibəsi illərində" kitabı nəşr olunub
11:27 11 Avqust 2020
Əri hamilə yoldaşını dənizdə niyə boğdu? - Günel Natiq yazır...
10:42 11 Avqust 2020
Sevda Ələkbərzadə yeni mahnısını təqdim etdi - Video
10:05 11 Avqust 2020
Atamın əlləri - Sərdar Aminin yeni hekayəsi
09:01 11 Avqust 2020
Özünü Ancelina Coliyə çevirən gənc oğlan - Fotolar
18:43 10 Avqust 2020
İlğım - Şəhla Nihanın yeni hekayəsi
17:59 10 Avqust 2020
Kinonun böhrana təsiri - Çarli Çaplin nə demək istəyirdi?
17:14 10 Avqust 2020
Mədəniyyət nazirinin müşaviri və şöbə müdirləri vəzifəsindən azad edildi
16:24 10 Avqust 2020
Rusların Yer planetində açdıqları "Cəhənnəm qapısı": Əlli ildir, bağlaya bilmirlər - Foto
16:02 10 Avqust 2020
Yazıçı Səfər Alışarlının yeni kitabı çap olundu
15:45 10 Avqust 2020