writer1

Ayxan Ayvaz

Məqalə sayı

444
clock12:22 calendar-gray 20 Aprel 2018 view-gray343 dəfə oxunub
view-gray343 dəfə oxunub

Futbolu murdarlayanlar

Ayxan Ayvaz

“Futbol dinə bənzəyir. Xüsusilə bugünkü futbol dünyəvi dinin təzahürüdür. Bəzən bu emosionallığa, bəzən isə zorakılığa gətirib çıxarır”.

Bu sözləri perulu yazıçı Mario Varqas Lyosa deyir. Nobel mükafatçısı Lyosa. O, Markesin Nobeli qoltuğuna vurub gəzdiyi vaxtlarda, 1982-ci ildə İspaniyada keçirilmiş futbol üzrə dünya çempionatında jurnalist kimi fəaliyyət göstərirdi.

Yaxud Kamyunu götürək.

“Həyat və əxlaq haqqında hər şeyi futboldan öyrəndim” – onun məşhur cümlələrindən biri. Kamyu 17 yaşına qədər futbol oynadı. Qapıçı idi. Vərəm xəstəliyinə görə futbolu buraxmaq məcburiyyətində qalmışdı”.

Mən hələ uşaqlıqdan futbola baxanda bunun idmanla əlaqəsi olmadığını anlamışdım. Futbol sənətdir.

Dünya şöhrətli rejissor Əmir Kusturitsa da Maradonayla görüşəndə eyni düşüncəyə qapılmışdı: “Bu adamdan yaxşı film çıxar”.

Və çəkmişdi də o filmi.

Biz Maradonaya görə sevmişdik futbolu.

Onun “Tanrının əli”ylə vurduğu qola görə.

FİFA-nı oğru adlandırdığına görə.

Amansız mübarizəsinə görə.

Biz futbolu bizə sənət kimi təqdim edənlərə görə sevmişdik.

Lyosaya görə, Kamyuya görə sevmişdik.

Futbol sənətə çevrilmişdi və sənət adamları futbolun ecazına qapılmışdı.

İndi bəs?

Pulun qoxusu gəlir futbol topundan...

Qəzəb var futbolda, saxtakarlıq var.

Elə dünənki oyunda olduğu kimi. Fenerbaxça ilə Beşiktaşı deyirəm. Oyun gərginlik içində keçdi. Bu gərginliyin dozası hər an artırdı. Nəticədə azarkeşlər Şenol Güneşin başına daş atdı.

O Şenol Güneş ki, Türkiyəni 2002-ci ildə Dünya Çempionatında 3-cü yerə çıxarmışdı.

O Şenol Güneş ki, türk futbolu üçün əlindən gələni eləmişdi.

Sözün bitdiyi andır.

Təxirə salınan oyun və təəssüflü nidalar.

Bu ilk deyil. Türk futbolu bəlkə də futbolu gözdən salır. “Bəlkə”ni yumşaltmaq üçün dedim. Həqiqətən də futbolu yerin dibinə aparıblar. Bilmirsən, futbol oynayırlar, ya döyüşə çıxıblar. Futbol meydançasında karateçi kimi davranırlar.

Futbol bəlkə buna görə indi bu qədər gözdən düşüb?

Biz əvvəllər sevdiyimiz klubun köynəyini əynimizə keçirib televizorun qabağında həvəslə, sevgiylə gözləyirdik futbolu. İndi əlimizdə şans oyunlarının kağızları var. Sevdiyimiz komandanın uduzmağına pul yatırırıq. Pul qazanmaq üçün futbola baxırıq.

Dəhşətlidir.

Buna görə də futbol indi aqressiyayla müşayiət olunur.

Lyosa demiş, zorakılıq baş alıb gedib.

İmkan vermirlər ki, futbolumuza baxaq.

Ona görə deyirlər, futbol ciddi şey deyil. Futbolla maraqlanan adamlar getdikcə azalmaqdadır.

Bizim futbol sevgimizi öldürüblər.

İndi uşaqlığımız kimi çətin dirilə o sevgi.

Bizə nə etdiniz, pis adamlar?

REKLAM

Yazarın digər yazıları

Xəbər lenti

Xurşudbanu Natəvana layihə həsr olundu - Video
12:20 15 Avqust 2020
Tanınmış bəstəkar koronavirus peyvəndinin sınaqlarında könüllü oldu
11:01 15 Avqust 2020
Məşhur gitara ifaçısı vəfat etdi
10:28 15 Avqust 2020
Bu filmə görə 400 nəfər işdən çıxarılacaqdı – Rejissorların boyun qaçırdığı Azərbyacan filmi
08:57 15 Avqust 2020
Daha bir nəşriyyat Polad Həşimovla bağlı kitab nəşr etdi - Foto
18:36 14 Avqust 2020
Ayı balalarını oğurlayan çoban - Qorxmaz Şıxəlioğlu yazır...
17:14 14 Avqust 2020
Tom Kruzun çəkildiyi filmin meydançasında yanğın baş verdi
16:05 14 Avqust 2020
Xalq artistinin qızı atasının şeirlər kitabını nəşr etdirəcək
15:19 14 Avqust 2020
Oğlu Xalq artistinə klip çəkdi - Video
14:28 14 Avqust 2020
Əsl adı Pənah idi, kasıb atası ona yalnız keçi dərisindən dəf düzəldə bildi - Sürücü, vaqon ustası, montyor Alim Qasımov - Maraqlı faktlar
13:32 14 Avqust 2020
Almaz Ələsgərli efirdə erməni mahnısı oxudu - Video
12:38 14 Avqust 2020
"Sevastopol uğrunda döyüş"ün qəhrəmanı vəfat etdi
12:17 14 Avqust 2020
Bizi kütləvi öldürmək məsələsi... - Bütün bunlar masonların işidir?
11:27 14 Avqust 2020
Gənc yazara ağır itki üz verdi
10:39 14 Avqust 2020
Filmimiz beynəlxalq festivalda mükafat qazandı
10:00 14 Avqust 2020
Məni şərləyib qardaşımın gözündən salmaq istəyirdi - Bircənin romanı
08:59 14 Avqust 2020
Türk aktrisası vəfat etdi
18:30 13 Avqust 2020
Azərbaycanda əcnəbi serialların yayımı bərpa olundu
17:57 13 Avqust 2020
Məşhur rejissorların ürəyində qalan 5 film - Çəkmək istəyirdilər, alınmadı...
17:02 13 Avqust 2020
"Avatar-2" filminin çəkiliş meydançasından fotolar
16:28 13 Avqust 2020